真係好想知九巴揀凳果陣係用咩準則,
好似無搵人試坐就落單咁:L
V凳個角度好影響個感覺,
坐MAN會覺得好正, 坐AVW/AVBWU頂頸頂到想講粗口
我懷疑今次揀凳果位係女士, 呢張凳同椅距真係幾fit香港女士既身型:lol
講開V凳, 禍根豬KR2701首航102果陣, 我由筲箕灣坐到去美孚, 落車果陣認真頸痛, 個前傾頭枕絕對係錯誤設計
我覺得現時全九巴最好坐果隻凳就係老城攤訂果2部MAN:victory: 原帖由 s3n354 於 2013-11-23 01:14 發表 http://www.hkitalk.net/HKiTalk2/images/common/back.gif
我懷疑今次揀凳果位係女士, 呢張凳同椅距真係幾fit香港女士既身型:lol
講開V凳, 禍根豬KR2701首航102果陣, 我由筲箕灣坐到去美孚, 落車果陣認真頸痛, 個前傾頭枕絕對係錯誤設計
我覺得現時全九巴最好坐果隻凳就係 ... Transit Seating 新車時就好坐，依家軟到完全係無承托力，仲惡坐過九巴仔凳。
如果講好坐，最好坐應該係 Fanisa Cosmic，角度舒適，頭枕又適合大部分人，唔高既人墊頭又唔會頂住，高既人墊頸亦剛剛好。
之前 ASC 忽然用返呢款凳，我仲諗住有機會用返呢款凳，但點知最後卻變成薄凳。 一講座椅舒適度就要暴露身高, 有d可笑, 身高一樣, 但身長同腳長都可以唔同, 腳一樣長,
大腿同小腿比例上應該差無幾, 但差個少少就係舒唔舒服o既關鍵, 不如以平時坐巴士唔同座位
有咩特別好處同唔好處, 去評論好唔好坐仲好過.
其實我同樓主所講的身高幾配合, 身形成支竹咁, 自從幾年前一次第4-5節椎間盤突出之後,
就非常注重個人姿勢, 當然包括坐姿, 所以我唔敢亂黎, 盡量以最正確姿勢做人.
好多人話快餐椅.按摩椅唔好坐, 會坐到腰痠背痛, 小弟以前都會, 最難頂就係一次搭93K
HU7872由旺角去寶林, 未到觀塘已經頂唔順週身郁, 郁極都搵唔到一個合適o既姿勢,
結果未到總站已經落左去下層企.
呢部車同我幾有緣, 掛89之後我在沙田返工, 好多時會坐中, 平路山路都咁好跑,
亦因為咁就試到原來挺直晒個人去坐快餐椅係可以好舒服, 全程大半個鐘,
除左獅隧九龍出口條路會令到車身左搖右擺, 因為背部冇弧度, 身體難免會跟隨郁動,
上層左邊的銀色槽頂住左腳, 提高左腳後臀部受罪, 撇除呢個因素, 基本上呢隻凳係冇問題.
按摩椅又係同一道理, 加上佢背部有兩舊野突出來, 完全解決左快餐椅平直背部設計的缺點,
但有人唔鍾意冇頭枕係另一回事! 除非張凳俾人坐到座墊向前墜, 此款凳係perfect.
每次講到座椅我一定第一時間鬧爆o既一款凳, 唔知叫咩名, 係廣泛應用在AVBWU同AVC,
座椅硬到似石頭, 坐直個人, 頭枕頂頭頂膊, 坐到個人攣公蝦米, 唔坐直係唔頂膊,
但係輪到條腰無承托, 頭枕繼續頂頭, 結果又係寧願唔坐好過, 幸好附近好少呢d車.
城巴21xx同都普22xx非市區版唔知係咪用埋同一款, 後者坐過幾次, 辛苦到又係寧願企,
成程車, 腰部對上脊椎好似俾把刀"航"住, 我懷疑果part係咪冇墊野, 直接同金屬零件碰撞,
真係人間慘事, 所以自從條腰有事坐過一次瀨野之後, 出入東涌.機場已經冇再幫襯城巴.
座椅大致上講住咁多, 講下其他關於座位同車身之間, 俾我一d特別難受的情況.
坐冷龍, 無論AD ADS抑或3AD, 上層左右兩邊車窗下面, 有一條銀色bar, 唔知腳長o既板友
有冇試過俾呢條極品裝飾頂過膝頭? 初頭幾次唔為意就中晒招, 巨龍行車有幾拋唔駛多講,
為盡量令雙腳舒服, 當然係擘開少少, 唔阻隔離位就得, 正因為咁, 膝頭就好容易隨住節奏
拋高撞左落bar底部, 結果腫晒, 要幾日先好得翻. 我知好多人唔like冷龍, 但好似我呢個原因
而唔like, 應該幾罕有.
坐55xx 81xx 82xx下層車尾, 後尾枕會頂到塊網, 同埋坐電都躉上下層尾排窗口位會頂到組件,
坐親呢d位, 個頭都要稍為向前, 以免撞親, 唔知又有冇高眺板友有同樣經歷? 如果冇,
可能係我身長腳短, 或者係你地未完全坐直個人.
講返ATENU座位, 前日無意中坐到, 仲俾我一次試晒有頭枕同冇頭枕o既分別,
上到車已經冇乜位淨, 焗坐上層尾排對正走廊個位, 之前其實睇過板友們話行距窄,
凳又唔好坐, 加上之前AVBWU款凳俾我印象太差, 今次可以話係響冇期待之下試坐新凳,
坐落去, 第一時間搵一個自己覺得舒服o既姿勢(以為唔能夠坐直個人), 誰知原來坐到
直一直就係最舒服, 雖然同V凳一樣呈桶狀, 但佢桶得黎冇咁弧形, 令腰位有番承托.
對正走廊係無頭枕, 完全貼背的情況下, 同我最愛的頭批AAU果款凳比較, 就係冇左後面
果塊野o既分別(其實我本人唔鍾意有頭枕, 但AAU個頭枕可以做到彷如無物, 唔錯).
從最後排睇得好清楚, 全層座位高度比舊ATR仲要高, 呢點可能對腳冇咁長的帶來不適,
而尾排冇好似以前的車款咁特別高起上來, 應該可以洗去以前果種抗拒感.
後來開始有客落車, 走去試坐有頭枕的座椅, 發覺頭枕偷薄左, 唔頂膊頭, 仲冇AVBWU
果款咁硬, 呢方面明顯改良左, 至於行距窄左, 坐直個人對我影響唔大, 呢種窄距離設計
有助鼓勵走廊位乘客企起身讓窗口位乘客出入, 減少因揩碰而造成不必要的誤會和尷尬.
呢款凳有一樣野唔講唔得, 就係隻扶手, 有乜理由舊膠可以硬得咁交關, 座位本身已經高,
佢仲裝到突起左一半俾人扶, 部車行緊時左搖右擺, 落車時想捉都捉唔住, 想捉住條柱
又撞到手肘, 結果成隻手由手指到手臂俾佢撞到勁痛.
拋到好似坐船呢一點, 唔能夠唔承認係拋過其他車款, 前日搭由東隧收費廣場落海底,
平時搭電都躉落海底途中都會拋, 但ATENU的幅度係大左少少, 未知坐車頭或車中間
會唔會感覺冇咁拋, 呢點需要時間適應(或者我平時有坐船習慣, 話好拋又唔係拋到有
離心力或者會暈咁嚴重) 另問, ATENU係咪跟ATSE用埋同一款凳?(後者未搭過):D
講開V凳同頭批AAU, 唔爭在詳細講多少少, V豬款凳對我來講係腰部冇承托, 頭枕頂頸,
而頭批AAU果款凳, 無論我坐30平路行下停下, 還是51上山落山低波過彎, 我都feel到
背部軟綿綿, 頭部有保護之餘仲唔會擋我視線, 係我本人近年發現的絕世好凳!!:loveliness:
其他款式座椅冇乜特別鍾意與唔鍾意, 不贅.
至於點解我唔鍾意座位有頭枕, 純粹個人喜好, 有冇頭枕我視線一樣可以望到車頭,
只係望多d與望少d之差.
總括來講, 九巴新車新座椅當中, AAU真係賣飛佛, AVBWU AVC真係寧願企(試過),
身高175cm以上的板友同我上面所講o既可以完全相同, 部分相同, 少少相同,
甚至係完全相反, 都唔能夠認定一張凳好唔好坐, 只能夠話張凳適唔適合你坐. 反而我認為最大問題係改窄位後，尾排數起雙數排窗口位肩博頭係會比柱位頂住，好唔舒服，以往新車都無呢個問題出現，似係縮減左行距關係而出現呢個問題
行距我都還接受到，但起碼唔似新蛋咁比條冷氣槽再迫住你咁，好大壓迫感
幸好城巴e50無學九巴咁密質質 原帖由 EX-TL 於 2013-11-23 02:14 發表 http://www.hkitalk.net/HKiTalk2/images/common/back.gif
一講座椅舒適度就要暴露身高, 有d可笑, 身高一樣, 但身長同腳長都可以唔同, 腳一樣長,
大腿同小腿比例上應該差無幾, 但差個少少就係舒唔舒服o既關鍵, 不如以平時坐巴士唔同座位
有咩特別好處同唔好處, 去評論好唔好 ... 城仔量產70xx上層車尾窗個3張椅也是aau去頭枕薄版，但仍好坐。方梯b9既椅係咪同atenu1樣呢？ 要提高客量,就唔應該再入華而不實直梯車
大大樓梯阻住,又唔係特別"型仔" 要提高客量, 應該學以前3N 3BL 3AV咁下層整少幾排座位,
水塘位大到開台麻雀都得, 數字上要突破140應該唔係問題,
不過問題係呢批車主要跑屯門元朗大長途, 整少啲座位會趕客.
回復 23# 的帖子
AAU 呢我覺得個問題係頭枕唔夠高坐直挨落去會撞埋頭枕頂, 唔舒服, 其他方面係ok 的
城巴鐵巴無加厚版本就真係坐到爆粗, :L
ATSE 同ATENU 果隻款就應該一樣, 但坐落係有小小分別
ATSE 個傾斜度係大過ATENU, 所以我就覺得ATSE 好坐, 但ATENU 就無咁好坐..
座距果度, 上面果2隻車我都覺得太窄, 搞到我一伸直隻腳就撞到座位底
其他車係唔會的, 同埋我見好多人都覺得頂腳, 直頭伸出走廊位..
如果ATENU跟城巴咁排55座就好好多
ASC, AVBWU 果隻我覺得新車果陣就真係硬過石頭
宜家過左幾年坐軟左, 我覺得又幾正喎, 軟硬適中, 唯一係頭枕角度爭咁小小..
不過講到最舒服, 就一定係AV, 3AV
首先部車先天避震靚
其次係座位設計最適合我, 我自己就將頭枕當頸枕咁用的
個高度剛剛好, 座距又可以俾我伸得直隻腳, 簡直係一流 :victory: 之前我就去試下ENU啦(968)，咁岩軒尼斯道塞左三個字，隻凳簡直同冇軟墊既木凳一樣，筒形設計冇幫助都算，仲要等咁耐，到元朗西個陣背脊簡直痠痛，真係第一次覺得搭巴土係虐待