原帖由 micyung 於 2014-6-23 17:50 發表 http://www.hkitalk.net/HKiTalk2/images/common/back.gif
唔好意思，當年81C特快是有位坐，居民轉咗281X後，經常投訴。因為還有保泰街特車。
居民巴士服務是由屋苑申請，運輸署審批。如果您是富安業主立案法團的成員，我會叫居民一人一信搵您幫手申請。
P.S. 富安花園業主立案法團， ...
你畀個合理理由我點解要保証富安人有位坐281X？
邊啲訴求係不合理嘅，你幾十歲人仲未識分？腦筍都未生埋！
有主席嗰時又唔見你去要求申請？
你咁講，法團選返個主席出嚟時唔該你第一時間去申請，唔好走數！
原帖由 micyung 於 2014-6-23 17:58 發表 http://www.hkitalk.net/HKiTalk2/images/common/back.gif
您搵番張單張出來，我寫得好清楚，根據運輸署及巴士公司的估計，兜欣安約用5分鐘左右，請勿亂扣帽子。
我從無講過會快過680特車，請睇清楚先好講。 ...
以你幾十歲人智力，就應該自己有判斷能力，唔應該倚賴官方數字。
擺明兜欣安就係有害無益，你冇理由引導居民接受呢個方案。
你大可以貼返你張傳單問卷出嚟，睇下你畀居民啲選項係幾引導性，
行公路都可以做一個優點，你仲唔認自己覺得行公路快咗喎。
兜欣安可以加班呢個講法，實際上新巴見到客量就想走數，
雖然承諾咗但走數係於理不合，但事實上就係唔夠客！
到今日為止，0755班次派11米車都連一半坐位都唔滿，
等下年RDP取消返啦。
原帖由 卡達哥 於 2014-6-23 18:06 發表 http://www.hkitalk.net/HKiTalk2/images/common/back.gif
其實我想講，第一個提出281x 全日加埋行彌敦道既議員，
正正就係唔知點解俾你地鬧到傻左既版友議員，
大家睇番區議會既會議紀錄，
版友四年前已提出過類似87D特快唔行亞公角街，用特車服務亞公角街既居民…
但九龍公司咁多年 ...
四隻字：功不抵過。
邊啲訴求係合理邊啲係唔合理，唔係睇往績亦唔係睇政治背景，講完。
原帖由 Snoopy@FB8617 於 2014-6-23 18:37 發表 http://www.hkitalk.net/HKiTalk2/images/common/back.gif
明明老九個方案唔得
可解會搵個區議員開火?
佢既要求亦都唔係唔合理...
富安有人住亦都有客
提供一個合理既服務好出奇咩?
你又有冇睇到有人想蛇吞象先？
40X, 87D, 89D呢幾條線飛亞公角應該有條件下同意，
43X加返一架車，281X全日同經太子，
89C加兩三架車，兩繁完全特快，非繁照舊，
再幫三條線微調/增設轉乘優惠就OK，
呢啲佢冇盡議員責任分析比居民聽，
一味乜都要爭返嚟，
43X要加車，40X唔畀改，
281X要加車加到保証有位坐，87D唔畀改，
89C要加車，89D唔畀改，
RDP通過唔到就賴全區議會都反對，
咁就掩飾到自己幾咁自私，
馬鞍山全市居民就唔會知佢有份
阻住佢哋得到合理巴士服務。
原帖由 micyung 於 2014-6-23 23:39 發表 http://www.hkitalk.net/HKiTalk2/images/common/back.gif
其實要令居民接受，九巴要做幾樣嘢：
1. 281X，87X九龍總站均在紅磡站。
2. 281X起碼要用至少16部車先有機會應付石門返放工的人流。
3. 81C取消後要補適當的轉乘處理窩打老道介乎太子道西至油麻地鐵路站的乘客。 ...
咁點解你冇向居民提及過呢啲交換條件？
方案一出，你已經引導居民去反對？
你而家喺度扮乜都得啦，因為成個方案已經否決咗！
原帖由 epsilon 於 2014-6-24 15:45 發表 http://www.hkitalk.net/HKiTalk2/images/common/back.gif
四隻字：功不抵過。
邊啲訴求係合理邊啲係唔合理，唔係睇往績亦唔係睇政治背景，講完。 呢樣野我唔係幾同意。
或者舉個例，九巴呢幾年申請加價
都係一開始要求加好多，最尾政府頂多批一半
開天殺價、落地還錢
既然九巴都做開呢味野，議員又何解唔能夠做?
今年份沙田RDP，第一round講既係cut幾十部車，最後成個區議會有共識反對成份野
最新方案都只係cut到幾架車，大部份乘客無受重組影響
如果第一round建制派通過呢份沙田RDP，有咩後果我就唔知啦
有時做人處事，如果想爭取某D野，首先都係會獅子開大口
例如我想向上司推介自己個project，問上司拎budget做野
都會理所當然將好處無限放大
如果班議員一開始就出自己副底牌，比人發現仲要拒絕，之後仲有咩空間去傾?
雖然我覺得個位區議員未必有考慮呢點，但如果稍為有政治盤算既人，都應該知會點做。
政治的確係無時無刻發生緊
之前小弟睇過D區議員既專欄，都不約而同講路線重組，九巴態度係點
見過一篇話，九巴同區議員一齊坐低傾，態度唔好，又話咩意見接受態度照舊
我相信都唔只一次係咁，如果九巴態度好少少，大家關係好D，要重組路線應該少咁D障礙
九巴選擇區議員傾計，除左聽意見，就當然有野要求區議員，我就唔明求人地個陣態度都可以咁差
講正題，無錯，份RDP對馬鞍山有好處
但區域重組問題係，一係全部重組上馬，一係全部重組都唔做得
對區議員黎講，亦都係兩難局面，得做定唔做，連中間斬件上馬既機會都無
要cut幾十架巴士先換得個少少好處，根本就無計可以傾
原帖由 kay 於 24/6/2014 18:58 發表 http://www.hkitalk.net/HKiTalk2/images/common/back.gif
如果九巴態度好少少，大家關係好D，要重組路線應該少咁D障礙
難聽啲講句，我不排除張偉沖之流
確實代表九巴高層的思維。
原帖由 epsilon 於 2014-6-24 15:59 發表 http://www.hkitalk.net/HKiTalk2/images/common/back.gif
你又有冇睇到有人想蛇吞象先？
40X, 87D, 89D呢幾條線飛亞公角應該有條件下同意，
43X加返一架車，281X全日同經太子，
89C加兩三架車，兩繁完全特快，非繁照舊，
再幫三條線微調/增設轉乘優惠就OK，
呢啲佢冇盡議員責任分析比居民聽 ...
兩個字完全解釋 : 貪心
想快可以尾站上車
想坐又有慢線選擇
回程可以起雙飛泥先上先
巴士唔岩仲有大大條馬鐵係邨口
[ 本帖最後由 yyy5138 於 2014-6-24 19:30 編輯 ]
今晚試下放工時間1930在炮台山睇下遇不遇680七海特車。
點知特車就無，第一架車來已經要企，之後等了10mins 先有後車到總算有位坐。
不過英皇道的燈陣真是同南昌街的有得fight, 嚴重地不順燈及差不多枝枝燈停，太浪費時間。