原帖由 JC8385 於 2015-2-27 20:49 發表 http://www.hkitalk.net/HKiTalk2/images/common/back.gif
2蚊嚟講就真係要視乎係咁啱見到定還是蓄意上啦
930線很明顯是蓄意乘搭短程的例子之一，只怪九巴沒有相若的路線，那些長者通常會在大窩口邨、葵涌邨、葵芳邨或新都會廣場下車。
要在$2政策不變情況下徹底解決此問題，只有兩個方法：
1. 將所有路線變成流水線，上落車拍卡，實行嚴格同路同價，並取消與之重疊的短途線，如果路線以服務長途客為主，則以近乎點對點特快形式運作，使其不能當作流水線使用。
2. 將所有長途路線以半直通形式運作，將全程車站數目控制在若干水平，並透過站位安排，使其車站與流水線完全分開，令流水客不能方便長線短用。
以上兩方法可混合使用，例如可以將106變成上落車拍卡，取消82，再減少682中途站數目，令所有流水客搭106，而不搭682。
[ 本帖最後由 miklcct 於 2015-2-27 22:19 編輯 ]
總會有部份人心態就係著數要拎到最盡，根本唔會理其他人感受，亦唔識得(唔想)易地而處，
所以社會上人同人之間對立越來越多，不論長鏡黨/短鏡黨，有錢人/窮人，香港人/內地人，民主派/建制派等等。
如果真係要杜絕$2長途線當短途用，可以考慮同回程車費一併計算，如果去程搭貴車，回程搭平車，即係濫用，
如果兩程車費相約，即係有真正需要搭長途車/短途車，o係回程拍卡果陣回饋返入八達通，另兩程總車資為$4。
當然要做到可能技術上有好大問題，例如跨公司，或者轉車問題等等，會令優惠計算複雜化(到時又會俾人話同老人家斤斤計較)。
所以應該先由教導長者善用短途線入手，例如o係長者咔小冊子叫佢地將心比己，到情況真係非常嚴重先考慮。
[ 本帖最後由 on11358 於 2015-2-27 22:46 編輯 ]
原帖由 miklcct 於 2015-2-27 22:16 發表 http://www.hkitalk.net/HKiTalk2/images/common/back.gif
要在$2政策不變情況下徹底解決此問題，只有兩個方法：
1. 將所有路線變成流水線，上落車拍卡，實行嚴格同路同價，並取消與之重疊的短途線，如果路線以服務長途客為主，則以近乎點對點特快形式運作，使其不能當作流水線使用。
2. 將 ...
咁做法，原本長途客，好大機會係要去某目的地要搭3次車。:L
流水轉長途轉流水先到目的地，一係長途線要分拆到好疏班次先夠客，唔夠吸引。
好似我全程坐九巴45，真係受到同路同價既優惠，但係變左要足120分全程先到目的地。:'(
又唔知邊度搵條特快出黎俾我由荔景去土瓜灣，快極都係46(荔景-->美孚)40(美孚-->鑽石山)11(鑽石山-->土瓜灣)
原帖由 siusiupeople 於 2015-2-27 22:37 發表 http://www.hkitalk.net/HKiTalk2/images/common/back.gif
2個CASE 同樣係資助老人家搭車, 點解會有分別?
如果你覺得"用得其所" 是十分重要, 那麼連資助老人家搭82 都唔可以, 因為只會造成另一重浪費.
照你講法,如果資助老人家搭82, 後果就係只會令82 更多老人家搭, 車程 ... 我一向都唔係好關注兩蚊雞令車程增加多少，反正搭得巴士都知唔會快。
你可以爬下文，我都唔係一見人搭短程長途線就開火。
但資助人搭 82 同搭 682 都係資助所以就無分別？
咁你食飯，廿蚊一餐又係食飯，二萬一餐又係食飯，有無分別？你會唔會餐餐飯食二萬？唔會嘛，因為你要自己俾丫嘛。
俾你啊，要俾全價由小西灣去筲箕灣，等唔到 82，你會上 682，定等多陣搏下有 106 都算數啦？
當你一次上 682，兩次上 682，如果你真金白銀搭車，第三次你嬲嬲地都會 adjust 下等車時間，睇下會唔會見返 82 同 106 卦，咁咪有分別囉。
資助搭 82，就算俾到足晒，至少真係你有需要搭，咁貼你都貼得 gur o的，
正如「資助」肚餓既人開餐，係資助你去食餐正常四十蚊碟既飯，唔係話你樓下有間餐館就腳唔使等位就入去食一百六十蚊碟囉。唔好忘記兩蚊「優惠」，訓街既人俾兩蚊，李嘉誠遊巴士河都係兩蚊，呢個咪又係問題囉。
原帖由 lsc04d11 於 2015-2-27 21:18 發表 http://www.hkitalk.net/HKiTalk2/images/common/back.gif
同港鐵幕門一樣，每個站重開都係五秒，但個個站都係，你話幾耐呀？
有時，有D老人家連上車都唔係，只係問路，去唔去邊度呀？冇俾$2，都O徒左十幾秒。
同埋，我唔明巴士司機公會點解唔嘈，以前好多公路線，大把司機可以只留意有冇人上客，因 ...
工會也不嘈
係咪即係長線短搭呢樣野
除左巴迷
其他人唔覺有問題呢!?