原帖由 mingfai31 於 2015-8-11 21:36 發表 http://www.hkitalk.net/HKiTalk2/images/common/back.gif
以85既例子黎講..西行淨係一個鯉景灣已經用你十分鐘啦..
有時唔停沖到燈既已經同停站等燈相差成3分鐘
咁仲唔叫晒時間?
SOGO後冇人落係指平時過海線乘客
因為一般紅隧口都會揀搭102/6去天后以東
咁理應112/6過左老銅後係唔會有乜客
多左流水就即係多左打鐘既機會
仲有我係拉遠黎講緊2蚊客
意思係你根本就容許堆2蚊客唔過海搭貴價過海線
你咁講人地都係俾足價錢架
根本就浪費政府同納稅人既金錢
以85既例子黎講?! 咁我就用返正112既例子黎同你講...你無POINT!!!;P
有時唔停沖到燈?! 乜巴士係應該要沖燈咩?! 正正常常過綠燈黃燈果D叫過燈...衝咩衝?!
一般紅隧口會搭102/6去天后以東又如何?! 112/6過SOGO唔多客又如何?!
乜咁就係客唔可以/唔應該上車既原因咩?! 咩叫多左客就多左機會打鐘?!
咁不如好似以前中巴咁LA...上車果陣個司機講明咩站係襟鐘都唔會停唔會落客, 好似以前的士咁寫明自己想去邊, 想停邊個站...咁夠快喇掛?!
都係一句, 有本事叫司機棟塊牌寫住過海後不准上客...
咁我就唔同你司機嘈喇...我會搵巴士公司詢問下到底係咪長途線落客後乜人都唔應該上車~
而且...比一個正當的法定理由我一點解$2客唔容許/不應該唔過海搭唔可以貴價過海/長途線~
唔該唔好用巴士迷既原因去說服人...
咁當年我SOUK上車比足$7.5坐796C去九龍醫院, 係咪又要比你鬧...話我濫用巴士服務?!
SOUK比足$7.5坐796C去聯合廣場落車飲茶, 係咪又要比你鬧...話我濫用巴士服務?!
我當年焗住比$8.9坐112去紅隧口落車轉東鐵, 係咪又要比你鬧...話我濫用巴士服務?!
而家屯市比$4.3坐58X返良田, 係咪又要比你鬧...話我濫用巴士服務?!
我而家比$7坐瓜青紅小出MK, 係咪又阻住$10既紅磡土瓜灣客呀?!
一話而家MK比$7坐瓜青紅小返CSW, 係咪又阻住$10既紅磡土瓜灣客呀?!
邊件蛋糕講過話坐巴士/小巴一定要坐過一半先可以比錢上車?!
既然唔係問題/錯誤, 佢有站點解我比足錢係果度上落車一半路程都坐唔足好似比你講到好唔合理咁?!
有本事你就叫巴士公司唔單止取消$5.7分段...直頭係過海後肯比$9.3全費都唔准上車...
因為過海/長途線過一半之後唔准再比客上車, 我巴士公司係唔做客既...咁咪得LOR...
咁咪做到晒你想做既效果LOR...
而家唔好理架4510係前車定後車...總之客截你, 你用乜野正當既理由唔比人上車?!
即係如果4510係後車, 佢就有充分既理由充足既條件可以比客知...後車是不能上客的?!
唔好意思WOR...貼係巴士車廂入面既指引咁多年黎都無教過我地做客既有咁既規條WOR~
原帖由 mingfai31 於 2015-8-11 21:48 發表 http://www.hkitalk.net/HKiTalk2/images/common/back.gif
我又唔明既然有後車又有得上又有位俾你坐
咁又有咩問題
定係你呢位巴迷非蛋不上?
對面海呢..我要求唔高..平過地鐵IS OK(時間上要成正比)
不過就算地鐵狂加價..睇黎狗巴都只會跟著佢齊齊加架姐 ...
我地點知相入面想上車果條友係邊度閃出黎?!
條友好可能係巴士前方行過黎呢...咁佢眼見到既第一架可上車既就係4510 LOR~
就算佢係正明明係站頭出黎, 咁見到前面都有架112想坐前面果架又如何?!
佢行得上黎企正係門口你就要開門GALA~
不如望下新創建份乘客須知
http://www.nwstbus.com.hk/_common/images/photo/PXinfo_chi.jpg
其中
第5條
當巴士客量已達獲准載客量時，車長有權拒絕乘車人仕繼續登車。
第18條
車長有權拒絕任何骯髒的人仕登上或乘搭巴士。
另外仲有第4條有關行李規定，如不符合規定車長有權拒絕乘客上車
不過太長，唔想打
其實客觀睇，第4、第5同第18條，都不成立，點解要拒載?
簡單地講一講..我都唔會再係度講野架啦..因為大家既立場同角度都完全唔同
我冇話個車長岩
我只係想話大家都方便一下既對各方既利益都好
就算的確係就係剝削左揀車既權利
但係唔係真係咁鬼死重要?
既然你既利益冇受損到(除左揀車之外一樣有得上有位坐有冷氣)
點解唔可以一人讓一步
大家都唔清楚當時情況
唔通車長大聲叫"我唔上客"去到8P/8號站(估計影相者當時位置)度?
單憑兩張咁既相就可以話人拒載?
一個就企係前門位置望著部車..另一個就企係前轆位置望著個男人
就算係真係有截車都好
車長唔為意又係咪唔得?
準備關門望右邊鏡睇唔到左邊係咪唔得?
我淨係見相完全表達唔到拒載
我夠知規矩係寫清楚
但唔該可唔可以唔好下下係度咁道德
擺件事上網就可以係度審判人?
我就唔信你呢世人都冇做錯過
有冇邊個話自己呢世都冇唔跟規矩過馬路?
又例如樓上個度第二十條..你地當中有邊位係有完全遵守到?
4510 有晒全方位cctv, 而家咁多巴士公司人起到，公司實會留意，一查cctv 就知
share有D..............
過鐘飛站是常識吧
MTR bus, 追到上1班真係會delay 開車時間 K51算好, 我等506真係媽媽聲, 3架506入三聖都未怕過
其他公司我就唔知, 不過4510咁飛站係為咗拉番開後車我覺得都OK, 都係會停下一站
[ 本帖最後由 david95811 於 2015-8-17 10:18 編輯 ]
呢度大把人歪理當真理~~~盲目護短多不勝數~~如果公司俾既，駛乜咁驚？
你愈護短，只會令人更有興趣去踢爆更多~~
原帖由 053h4 於 2015-8-17 16:08 發表 http://www.hkitalk.net/HKiTalk2/images/common/back.gif
好似970咁, 兩部拖卡跳著行, 車上乘客緊係上飛站
但又好似我有次係銅鑼灣坐23去半山, 個客係街到等車, 見後面有車唔上, 其實部車大把位, 我就上前車
我上車座定, 過一陣見番個客, 爆晒粗咁話要投訴後車飛站
街上等 ...
呢D客咪抵死囉，後面個架落完客，就梗係抽頭走...仲上前車攞尾彩...