從低排放區說起……
睇見近日老九左撲右撲，去將啲歐四、歐五車調去行低排放區線，真係唔知好笑定應該喊三聲 :L一、睇到有post 講，話271、260X、74X等線都要嘔返啲新車出黎。
呢樣野真係好笑到爆，亦都顯示政府係幾咁低能。
因為個監測站係太子基榮果邊，所以行經果到嘅線就要符合標準；但同樣多車、多污染嘅尖沙咀彌敦道呢，就唔係監察範圍之內，所以271同260X都可以嘔返啲車出黎。
問題就係，好啦，俾你係太子做靚左條數，零污染啦，so what？只不過啲污染去左尖沙咀區，而因為尖沙咀無監測站，所以政府就當無事發生過，然後向市民大聲講「嗱，呢屆政府已經成功將繁忙路段嘅污染減少左XX%。」
二、柯打車都要歐四、歐五？咁臨時換入嘅車呢？
好啦，當你政府真係要呃自己、呃市民做靚盤數，好笑到連58M等本來唔應該受低排區影響嘅線，都因為要柯打市區線而搞到換歐四、五車，
咁假設有一日59X有車壞左，而總站內嘅59M得歐二、歐三車，咁又可唔可以臨時抽呢啲舊車去行59X？
如果抽左去行，而又俾老運見到，真係會罰錢？如果唔駛罰錢，啲柯打車當係壞車換入去行低排區嘅線，又真係咁易俾老運check到？
咁如果唔抽，即係代表59X無左班車，咁又對乘客公平咩？
巴士係用黎載客架，唔係俾你個政府用黎督數，搞到小市民上唔到車架。
三、公路線用返舊車，用多左油，對邊方面都無好處
政府真係好膚淺。
當年老九買MMC，唔少網友都講過係因為呢款新車慳唔少油，所以一開始百幾架都係擺去行公路線。
咁如果而家260X、74X、269B等長途線用返舊車，咪即係會用多左油？
燃油，眾所周知，係non-renewable energy resource，一啲都唔環保。用多左，其實對成個地球嘅污染都會嚴重左，只不過政府唔駛睇呢條數，所以先無視呢樣野；
對巴士公司黎講，用多左油，即係直接嘅成本增加；
對乘客黎講，巴士公司成本增加，即係可能會加價，一定唔會係好事。
總結：低排區呢種制度，只不過係一個為了政府造靚條數而造成嘅笑話。
利申：住港島區，搭邊到條線都有機會坐中新車、舊車，所以並不癡迷坐新車（加上新車關門嘅時間真係好長，一啲都唔享受）
最陰公係新九龍同新界嘅老人家。最需要低地台嘅就愈多白板。呢家開始退先好D。
向來港府就係咁官僚咁膚淺，邊度有問題就搞邊度，
但係同一時間另外個邊未比人踢爆就唔理，
呢個向來都係港府 o既文化，又何只一個排放區。
藍天行動又係一個例子，
將巴士狂 cut 谷客比港鐵，
結果未搞到港鐵日日都爆，
去到最後未又係要開返多小繁時線去疏導港鐵堆客。
講返排放區，
巴士公司起呢件事上根本就係被動，
所有野都只不過係聽政府所講，
有得到佢唔聽？
二 :
據聞城記 592 已經試過甩班拉舊車 , 結果好快就收到電話叫停。不過年底前可能都仲有得走盞既 ...
如果第時無得拉舊車就等運到啦 ;P
成個嚴格執行低排措施根本就係智障無極限.
59A單野老運就十五十六唔敢硬推,呢D咁既整色整水就話要推強,都唔知老運個腦生係邊.
1.認同做法係有D不智
但冇辦法既係總有舊車排放標準較差
總會有其他地方suffer
2.我諗執行上可能有難度
除非搵人由朝睇到晚
3.lee層唔認同
部分公路線用多左油但行彌敦道果批用少左油
除非有證明係批新車行長途線先可以用少D油
行非公路線就冇料到咁就話
而且MMC點解要行公路線我覺得主因
係12米新車載客量137個人先係重點
Snoopy@FB8617 發表於 2015-12-4 15:12
1.認同做法係有D不智
但冇辦法既係總有舊車排放標準較差
總會有其他地方suffer
第三點可能要請專業人士解答一下 ~
我嘅推測係，當年一開始就將堆MMC擺哂落公路線，而唔係擺落曬命市民線（如102、116等等），就係MMC行公路係比起市區，慳得多啲油。
即係話：
現時：
2 行舊B9，每單用1公升油（亂吹個數字）；而269B行MMC，每單用4公升油，兩線總耗油量係5公升。
將來，如果兩線車隊互調，就會變成：
2行MMC，每單用0.7公升油（的確比用B9慳左油），而269B行舊B9，每單要用4.8公升油，兩線總耗油量係5.5公升。
本帖最後由 Snoopy@FB8617 於 2015-12-4 17:09 編輯
neoplan720p 發表於 2015-12-4 15:54
第三點可能要請專業人士解答一下 ~
我嘅推測係，當年一開始就將堆MMC擺哂落公路線，而唔係擺落曬命市民 ...
又咁諗
當時長途線想換新車既選擇就係要減載客量
變左好多長途大線keep住都用緊舊車
對比起市區果批線座位未必係咁重要既情況下
優先換比長途線都唔出奇
而就住你既例子
我會再睇埋一單2號仔等於幾多單269B
先至可以睇到實際成效如何
例如行一單269B等於行兩單2號仔既話
其實即係269B用多0.8L換2號仔用少0.6L
當然條數都仲係用多左
但未必有想像中咁多
而另一個角度睇
市區線用油點都多過長途線
假設新車減少用油量係以百分比計既話
市區線理應可以用少更多油
除非新車係市區線用少油既成效係真係好唔顯著
承上反而有樣野我覺得應該要做既係
批新車放落只係兩味既字軌其實就有D浪費
如果有心想減排用少D油既應該將新車主力行全日既字軌先最有用
低排放區吾係只係限制編定班次既車要用環保車咩? cruisesnet 發表於 2015-12-4 17:37
低排放區吾係只係限制編定班次既車要用環保車咩?
運輸署要好好定義咩叫做「編定班次」。（下刪一百字）
1. 如果老九用「加班車」呢個concept落低排線，只不過而家唔出單層車，改出舊車去serve 返班客，咁樣又算唔算「編定班次」？
假定968唔夠新車，咁繁忙時間4-8分鐘時段，全部變哂8分鐘一班（出合資格嘅巴士），再加插啲舊車做「加班車」，維持返現有班次，咁又得唔得？
2. 另外，新城無「掛牌」呢套制度，咁點先叫做「編定班次」呢？:'(