lsc04d11 發表於 2016-4-5 19:49
成日話巴士公司唔夠司機用，又成日話紅小賺得少。
其實，好簡單，招紅小司機成為巴士司機，將紅小變成「歷 ...
運吉會話：轉做綠小係司機同工會既事，佢管唔到架:D
GK3258 發表於 2016-4-6 00:58
你話改就改？幾多重組係比小巴佬一句利益問題而扼殺左？
依家政府係怕小巴佬，根本係巴士比佢㩒住黎打
...
係，110上旺角成日唔成事就係筲旺紅VAN大大力BAN先出事
自從柴小巴士公司將118送上橋後，北角呢個"肥豬肉"就由紅VAN做番主導，結果三個月內加三蚊⋯⋯
而家好多北角人都知道係柴小巴士公司討好柴小將118起飛，而紅VAN眼見旺角北角特快呢舊肥豬肉就落到佢地手上，點知北角人都未懵得哂，周不時經過歌頓道架旺角黎既紅VAN都未坐滿⋯⋯（未瘋狂加價前118起飛後班班爆的）
呢D紅VAN係唔係自己攞黎衰？
GK3258 發表於 2016-4-6 01:03
睇下全球有幾多地方會好似香港咁，將小巴劃左岀巴士範圍外任佢發展？老實講，小巴有其好處，但唔代表就 ...
冇錯，再唔係由紅小轉做綠小俾正苦規範佢地都好D等佢地冇得亂黎:D
ahken 發表於 2016-4-6 11:09
不過紅頂就係衰可以加價加到天花龍鳳，唉⋯⋯
如果巴士公司俾到壓力紅小，佢又點會亂加？
何況巴士一樣可以係天價
你住港島，新城咁多年無加過價，就話紅小貴過巴士好多
但九龍新界真係未必
其中最離譜既，係秀茂坪去旺角，98C仲貴過秀旺，真係諷刺之極
偏偏九巴不斷陰乾隔離條95/13D
前者今年RPP仲要高客量之下減班，嘗試逼成邨人上98C（係，你無眼花，你口中既新城招數，九巴一樣做得好狼死）
根本紅小又好，巴士又好，甚至港鐵都好
無競爭，就無進步
GK3258 發表於 2016-4-6 01:03
睇下全球有幾多地方會好似香港咁，將小巴劃左岀巴士範圍外任佢發展？老實講，小巴有其好處，但唔代表就 ...
資源錯配既問題係有
有時見102/71A排晒長龍都真係覺得小巴清客效率低
但問題係，事到如今，你好難話一收就收返小巴成個行業
尤其小巴本身牽涉好多公司，有大有細，你一下子取替佢真係好多人既生計會受到影響
統一規管係有其好處，但其前設係巴士公司同運輸署要做得好
而我真係唔覺得今日既九新城俾到一堆令人拍案叫絕既方案出來
我會覺得，與其走去提倡收回小巴行業這類不設實際既建議
不如叫運輸署喺批准新綠小線之前三思，盡量少批同巴士完全重疊既小巴出來
GK3258 發表於 2016-4-6 01:03
睇下全球有幾多地方會好似香港咁，將小巴劃左岀巴士範圍外任佢發展？老實講，小巴有其好處，但唔代表就 ...
我覺得澳門是，只不過分別是由巴士公司黎行小車聯合班次，仲有車費補貼，人地仲未有鐵路服務，已用行政手段改好d 路線，相反香港又點？
你呢個問題是旺角，荃灣，元朗，上水跟本說唔通的，唔通正係你一個人搭丫，樓主是用不到人地的時間，加上小巴去的地方好多鐵路去不到，用巴士燒油錢兼浪費時間，相信唔係個個都忍到
我覺得有紅小玩運吉同乘客是好事黎，起碼可制約港鐵同專利巴士服務不足，依家夜行路線不見得好多巴士行，某程度我會建議紅小交d野出黎換更自由路線，例如可上高速，入機場，入沙田馬鞍山，什至服務關口禁區(港珠澳大橋)，移除紅小禁區，加座位等等....
castanopsis 發表於 2016-4-6 14:11
如果巴士公司俾到壓力紅小，佢又點會亂加？
何況巴士一樣可以係天價
你所謂巴士公司比到既壓力紅小諗法根本就大錯特錯。事實係即使巴士同小巴完全重叠，巴士亦唔會比到壓力小巴，相反，事實係小巴累死條巴士線。例子大把，91M,8,212等，問題唔在有無競爭，而係規劃嗰個。當初小巴就根本唔應訪係分開獨立公司，而應該歸番入巴士公司。客量多就改用大巴，唔多客先用小巴，呢啲先係正確分配資源。競爭，只係會帶黎資源錯配，傷既一定會係巴士，繼而乘客
本帖最後由 GK3258 於 2016-4-6 16:11 編輯
castanopsis 發表於 2016-4-6 14:26
資源錯配既問題係有
有時見102/71A排晒長龍都真係覺得小巴清客效率低
但問題係，事到如今，你好難話一收 ...
要怪就怪當年政府比白牌車合法化，先埋下咁大既禍根。
當然一次過收番係唔可能，但逐步收番牌照同路線，要求巴士公司引入小巴(就可以多過十六座)，就可慢慢糾正呢個問題。
但依家運輸署仍然開辦新小巴路線，呢樣先令人極度失望
政府太慢小巴公司，係因為佢惡。呢個主次問題運輸署好應該糾正番
巴士迷思維係冇共生呢樣野
紅頂個效益 巴士收到半價都做唔到
時間過左冇得返轉頭
以狗巴呢幾年既加幅
服務都係咁垃圾
價錢個差距已經收窄左好多