建議重組 18X 930A，開辦荃灣<->東區新線
繼上次建議重組 970 及 971，開辦荃灣往返香港仔新線後，今次再收拾廢線，開辦荃灣往東區新線，改善兩地連接。
詳情如下：
930A 改為只提供單向從荃灣西站開出的班次，並延長至銅鑼灣禮頓道，入境處後加停百德新街及波斯富街，班次不變；
下午往荃灣班次全數取消
開辦 930C 荃灣愉景新城 <-> 筲箕灣，
經楊屋道、荃灣路、西隧、西營盤、北角、鰂魚涌，
中環及灣仔區內不設站，日後改經中環灣仔繞道。
荃灣開 0640-1940，全日每 20 分一班；
筲箕灣開 0640-1940，全日每 20 分一班。
全程收費 $19，西營盤往荃灣 $16，西營盤往返筲箕灣（雙向分段）$8，
西隧口往荃灣 $8.4，楊屋道往愉景新城 $5.7，琴行街往筲箕灣 $4.1
配合 930C 開辦，18X 予以取消，上午繁忙時間及日間非繁忙時間需增派 2 輛巴士
===
另建議作出以下相關重組，抽調資源，及補償部份受 18X 取消影響的地區：
18P 改為只於平日 0600-0940 從卑路乍灣單向開往北角，減至每 20 分鐘一班，釋放資源
18 恢復全日行駛，西行跟現時 18P，東行頭車開 1000，加經德輔道中、畢打街，
1700-1800 增至 12 分鐘一班，1800-2000 增至 15 分鐘一班，西行 1500-1600 減至每 12 分一班；
另早上繁忙時間往上環之班次，改編為 18S
新增 23X 筲箕灣 <-> 蒲飛路，
經太古城、鰂魚涌、北角、東區走廊，東行停政府總部、演藝學院及入境事務大樓，西行不停灣仔金鐘；
筲箕灣開 0700 0720 1750 1810，蒲飛路開 0740 0800 1510 1530，全數班次由 23 抽調，全程收費 $9
88X 改為上下午繁忙時間雙向服務，兩邊總站對開 0735 0800 1745 1805
微調 5B 10 非繁忙時間班次，及 8P 上繁東行、下繁西行班次，釋放資源；
另削減 780 往中環方向 1740-1920 之班次至每 20 分鐘一班
（全文完）
其實林士街天橋拆既話
18P已經可以自動波東行落中環
到時或者取消條5X更實際
不過堅尼地城無左條18X，佢地肯唔肯放手都係問題
18X雖然客量唔多，但行過咁多持份者都會死保，先係最大問題
如果西區角度，18X全日直達柴灣無咁大需求
中途加經太古城筲箕灣又會拖慢車程
所以無得救，除非運吉強制取消呢條線
唔太建議5B 10非繁減班, 本身都略疏, 客量都唔少
另外都唔太建議780下繁中環方向減班, 唔理客量多少, 廿分鐘一班實在好難睇好趕客
kay 發表於 2016-10-22 15:08
其實林士街天橋拆既話
18P已經可以自動波東行落中環
到時或者取消條5X更實際
弊在 18P 唔經銅鑼灣，而且就算之後拆林士街天橋，跟 5X 落橋，都係做唔到德輔道中上客位
至於 18X 問題，其實變成 930C，東區同西營盤/石塘咀都會開綠燈，真係得堅尼地城有機會嘈，
但問題佢地近地鐵，係最無資格嘈的一班
而我亦因此將 88X 變成兩味雙向，堅尼地城有車去柴灣返工仲實際過去鰂魚涌，尤其是柴灣東工業區唔近地鐵站，
不過暫時又唔認為呢條線值得全日，而且唔知可以邊度抽資源
如果再夾硬少少，夾埋之前另一個建議的 972，佢地仲會有條荃葵/長沙灣線
根本問題係堅尼地城無太多有潛力巴士線可以交換，除左 101X 同 972 外，已經無其他巴士線值得開，
畢竟太近地鐵站，呢個問題我覺得無得搞
我buy 930C...
但前題係中繞通先做...
我唔知系咪唔夠車定咩...
新界走線系應該跟48X+290咁行，同埋其中一個方向最好入葵廣上客...
除非你淋住做西隧轉乘...
本帖最後由 S3BL100 於 2016-10-22 23:24 編輯
Ravenclaw 發表於 2016-10-22 23:11
我buy 930C...
但前題係中繞通先做...
我覺得唔一定要等繞道通車都可以做，當然現階段中環灣仔唔好擺站，第時通車就即刻改行
至於點解荃灣路直入而唔停埋葵芳葵興，一來因為有條現成的 930A 回程咁行，二來想用最少資源做呢條線
930C 的可愛之處，係 18X 的行車時間，再加 20 分鐘，已經可以直行西九龍公路、荃灣路入到愉景新城，
亦因此呢條線回本門檻好低（計埋隧道費都係），值得一試，就算只做荃灣巿中心同柴灣角，都未必會唔夠客
情況同之前一次建議用 972 去收拾 971 兼重組埋 970，做埋長沙灣特快，甚至順手幫 904 斬短，又有唔同。
S3BL100 發表於 2016-10-22 22:50
弊在 18P 唔經銅鑼灣，而且就算之後拆林士街天橋，跟 5X 落橋，都係做唔到德輔道中上客位
至於 18X 問題 ...
同埋新18P東行行返18既路
西區都唔會有人上車，因為車費貴過流水
如果係想做返18東行功能，西區係無需要去
不過係西區人自己找苦
唔想18P行維園入，但依家18P東行大部份時間客量唔得
你睇下上次18X，新創建寧願得罪北角至筲箕灣
都唔得罪西區，930C堅尼地城無份，可能無問題，可能好有問題
當然，補返個bbi比930C應該可以增加通過機會
S3BL100 發表於 2016-10-22 23:23
我覺得唔一定要等繞道通車都可以做，當然現階段中環灣仔唔好擺站，第時通車就即刻改行
至於點解荃灣路直 ...
我突然有個諗法如果葵興、葵芳又係有需求去港島東，真係可以拉埋美孚去做，
如果以 936 方式開支線，取道青山公路往來東北葵，起甘泉街（港島方向）及饒宗頤文化館去搶下 102 客。
反之如果係以 935 方式開分支的話，直情停一停美孚先再學 936 方式出港島*，食下堆轉車客往返港島東。
唔知咁又有冇機會做得起。
* 我知道 936 北行方向先會停饒宗頤文化館，我意思係指學 936 北行個條定線出港島。 kay 發表於 2016-10-23 08:16
同埋新18P東行行返18既路
西區都唔會有人上車，因為車費貴過流水
不過如果東行跟 18 而西行跟 18P 的話，都係要入埋西區
至於 18P 東行維園入電車路？似乎要望下個別北角人的嘴臉啵…:L
而上次可以明搵東區笨，唔代表今次都可以。
畢竟近幾次重組，東區個別小區（尤其鰂魚涌）都係輸家，好難期望佢地會肯交線而唔做等價交換，未必可以再硬推
反而堅尼地城仲可以用「新鐵路通車」「巴士客量下跌」為由重組
S3BL100 發表於 2016-10-23 13:09
不過如果東行跟 18 而西行跟 18P 的話，都係要入埋西區
至於 18P 東行維園入電車路？似乎要望下個別北角 ...
如果18P東行行維園
2號行永興街入返電車路，中環返北角照計就收貨
問題係西環就堅持18P要永興街/歌頓道入
但上次新巴重組
明明2號無擱置改道，但最後都無改線
原因係唔想東區有4.1中環半特快線返去，722仲尷尬
而2號本身車程太長，理應西行行清風街天橋
都係太平唔肯改快，但朝早未到大坑已經爆晒
大坑上唔到2唯有上5X，但好明顯浪費2號乘客時間