hkitalk.net 香港交通資訊網

標題: 浸鹹水遇溺記 第三十三回 EN8043 LNZ-FRA 滿漢全席 [打印本頁]
作者: HZ8186    時間: 2025-11-20 00:24
標題: 浸鹹水遇溺記 第三十三回 EN8043 LNZ-FRA 滿漢全席


-- Prelude 前言 --

雖然呢個系列叫 ‘浸鹹水遇溺記’ ，不過多年黎 小弟旅途上都係安然無恙 - 小弟係搭乘五十程航班之中 最驚險既事應該都係 1. 搭港航之後遭天譴 同埋 2. 係奧地利航空上面差少少餓死 咁解... 豈知小弟於 2022 年拜訪歐洲既時候就真係遇溺 - 仲要唔係浸一下就算 佢係一浪接一浪咁拍埋黎 - 即使小弟三年後望翻轉頭 都依然覺得刺激…

分別見證左香港、法蘭克福既地勤工人薪金、英國鐵路界工人既薪金、蘇格蘭渡輪水手健康、英國候鳥既健康 (?) 、同阿姆斯特丹機場地勤人員既數目 全部都跟唔上世界復常步伐之後，小弟於二二年八月頭飛抵希臘既最大島嶼 Crete ，並於呢個地中海既渡假勝地稍休數天，再返回香港。

今日既行程係相當特別 - 小弟先乘 European Air Charter 既 MD82 先由 Heraklion 前往 Linz，轉乘 Air Dolomiti 既 E190 由 Linz 前往 Frankfurt，再乘 Lufthansa 既 A340-300 返港。 BUC MD82 / DLH A343 既兩篇飛行報告早前已經推出，分別可以係 呢度 同 呢度 睇到~~

-- Flight Info --

EN8043 LNZ-FRA
I-ADJL
Embraer E195LR
STD 1435 ATD 1445 (CEST)
STA 1540 ATA 1550


係 Linz 機場苦等四個鐘後，小弟係時候乘 Air Dolomiti 前往法蘭克福，轉機前往香港~~


咁點解呢四小時係苦等呢？只要係因為呢個機場係相當細小 - 離境大堂除左一間 coffee shop 之外基本上係無任何設施。而小弟又唔係太夠時間乘巴士進城遊玩既情況下，小弟只好買一杯咖啡，係行李箱入面拎本書出黎，靜待 Air Dolomiti 既地勤人員開放 check-in desk~~


不過小弟又唔可以過份怪責 Linz 機場既 - 呢個 regional airport 每日一般只會處理大約四五班載客航班，而除左 Air Dolomiti 一日兩班來往 Frankfurt 既服務之外，其他載客航班都係由廉航營運，前往歐洲各個渡假勝地既季節性服務 - 一塊 Departure Board 已經見到晒所有今日航班班次 (甚至呢度已經顯示埋貨運航班)


機場亦設有一個觀景台 - 除左有岩岩從 Heraklion 降落既 European Air Charter MD-82 之外，停機坪上以有一部將會前往 Leipzig 既 SmartLynx Cargo A320 同一部前往 Heraklion 既 Corendon Airlines / Global Airways A320 (睇黎奧地利人真係好鍾意去 Crete )


有維修人員替 European Air Charter 既 MD-82 跟換輪胎


機場嘅建築設計係走一個非常歐洲既路線 - corporate & inoffensive, 0% gimmicks & 100% functional


今日嘅飛機 I-ADJL, 一部 13 歲既 E195, 從法蘭克福抵達~~ 雖然呢部 ERJ 遠觀體型細小，不過佢係有多達 122 張座位，相等於一部 A320 既三分之二既載客量~~


Air Dolomiti 係一間於 2003 年被漢莎集團收購既 Regional Airline - 雖然名義上佢係一間意大利既航空公司，不過其 Operating Base 則同母公司 Lufthansa 睇齊，分別位於 Frankfurt & Munich - 並替其營運唔少區域性航班，將乘客接駁到各個歐洲中小型城市~~  


Last look at this fabulous MD-82… Thank you and good bye~~


座位既 Seat Pitch 係異常地好 - 唔知係咪因為小弟坐喺機艙頭半部份嘅關係，呢度既 Pitch 大約有 35 吋嘅~~


雖然飛機上並沒有 Seat-Back IFE, 不過乘客可以連上機上既無線網路 收看少量既電影同電視劇~~
P.S. 雖然呢點應該有稍稍難去考証，不過小弟有合理懷疑 漢莎集團旗下航空公司既安全卡 係整個航空界入面最大張既~~


雖然 Air Dolomiti 係設有商務艙，不過同歐洲其他航空公司一樣，兩者既機上差別唔係太大。論硬件配置上 兩者基本上係一模一樣，而有分別既部份係機上膳食同埋機場貴賓室而已~~


Enroute towards Frankfurt - 呢個一小時航班係相當平淡，窗外望住德國南部既農田慢慢飄過，轉眼間 飛機已經去到法蘭克福既市郊~~


//未來事不知答案 問大神問星座
能預知得更多 期待的可會不出錯
成長中領略過//
記憶之流 per se


雖然飛機已經到達法蘭克福機場上空，不過飛機依然需要根據 Approach Path 排隊進場 - 由影呢張相到真係降落 係依然要等多 15 分鐘~~


講開又講 - 咁代表小弟係搭晒漢莎集團旗下所有全資擁有既航空公司 - 唔知呢個成就係咪叫做滿漢全席呢


由於小弟嘅行李喺 Linz 已經 check-through 咗既關係，抵達法蘭克福後 小弟係毋需再次辦理機艙行李手續，可以直接前往接駁航班既閘口~~


不過今日小弟喺法蘭克福機場有大約四個鐘嘅轉機時間 - 既然有充裕既時間，小弟就借呢個機會去參觀下呢個機場 - 而第一站一定係呢個位於 T1 既巨型 Solari / Split Flap 航班資訊顯示屏~~


黎到德國就當然要整翻份 currywurst 先走啦 (何況翻到香港之後係要隔離七日...) - 小弟第二站就黎到火車站隔離既小食亭 - 雖然呢度一細份已經要 11EUR ，不過呢個係絕對過到口癮既~~


第三站就黎到法蘭克福主場 - 漢莎航空既 WorldShop~~


法蘭克福機場係有提供會進入 airside 既機場深度遊 - 訪客可以搭巴士係停機坪之間穿梭，而巴士上亦會有導遊用德語同英語介紹機場各個設備 - 可惜今日佢嘅場次全部爆滿~~


小弟第四站就去咗位於 T1 嘅 Visitor Centre~~ 到訪呢個訪客中心之前，所有訪客都要預先網上登記同付款 - 呢度位位盛惠 7 歐羅~~


唔知係咪疫情關係，呢個訪客中心今日係異常冷清 - 計埋小弟自己 成個訪客中心應該廿人都冇


呢個訪客中心既 centrepiece 無疑就係呢個 1:1000 既機場模型 - 訪客可以通過中心提供既 tablet 了解機場運作以及飛機升降，內容亦用多個語言 由淺入深 咁介紹機場運作。


呢個展覽除咗介紹機場運作之外，亦有花費篇章去講解航空業對法蘭克福同埋成個德國帶嚟嘅正面幫助 - 可惜探訪當日 因為疫情嘅關係 唔係所有設備都開放比公眾使用


訪客中心內亦可以欣賞到停機坪既景觀，當日中心出面停泊左一部特別拉花既 Air Dolomiti ERJ-195 I-ADJO


參觀完 Visitor's Centre之後，小弟搭機場既無人列車前往最後一站 - 位於二號客運大樓既 Visitor's Terrace


二號客運大樓位於機場西北面，主要服務 non-Star Alliance 既航空公司。佢既南部係設有一個觀景台，可以係度見到機場西面既所有 movements，以及大部份既航班升降。


估唔到法蘭克福機場係相當 spotter-friendly - 雖然觀景台多邊用鐵絲網封起，不過機場當局既係鐵絲網中間加設相機用既洞口，方便拍攝~~


雖然法蘭克福大部份航班都係由漢莎集團營運，不過作為歐洲其中一個最大既機場，呢度亦有機會見到比較少見既機型同航空公司配搭，例如呢部正被土耳其籍廉航 Corendon Airlines 濕租既 A330-300~~


And that's it! 四個小時既 transit time 好快就咁過左 - 小弟再次通過安全檢查後，便前往閘口 登上漢莎航空既 LH796 前往香港，為小弟一個星期既歐遊作結 - 有興趣既話可以睇小弟三年前寫落既飛行報告，睇下當年既飛行體驗同入境經驗係如何~~

-----------------------------------------------

小弟開咗個 IG 專頁啊~~ Follow along my adventures at @bombe_de_terre

如果閣下鐘意小弟既飛行報告既話, 不妨睇埋之前寫落既其他旅行報告~~

一個尋找 CSeries 的故事


一個初嘗漢莎航空的故事


一個初嘗布魯塞爾航空的故事


-----------------------------------------------

作者: S3BL100    時間: 2025-11-20 04:50
E190/E195 我暫時未有機會坐，但佢細佬 E175 就真係當食生菜咁坐。雖然係 regional jet 佈局但絕對比起 Boeing 737 更舒服，空間感夠大。以我而家坐 E190/E195 困難程度同全球數目計，呢款機對我都算得上係神獸

唔講唔知原來 FRA 有個 Visitor's Center 仲有觀景台，下次路過又要留意下先~
作者: HZ8186    時間: 2025-11-20 17:18
S3BL100 發表於 2025-11-20 04:50
E190/E195 我暫時未有機會坐，但佢細佬 E175 就真係當食生菜咁坐。雖然係 regional jet 佈局但絕對比起 Boe ...

的確係 - JetBlue E190 退役後，北美真係無乜人繼續用呢個 Type~~

下次經法蘭克福轉機既時候 不妨安排多少少轉機時間 玩埋呢個 鴨仔團

作者: clivetock    時間: 2025-11-20 22:02
本帖最後由 clivetock 於 2025-11-20 22:05 編輯
講開又講 - 咁代表小弟係搭晒漢莎集團旗下所有全資擁有既航空公司 - 唔知呢個成就係咪叫做滿漢全席呢

雖然唔係全資擁有，但係都想知樓主會唔會挑戰埋 ITA Airways
見過網上有人叫 LH Group 做空中神聖羅馬帝國
作者: Fuk19805    時間: 2025-11-20 23:06
估唔到呢間公司嘅E190同E195可以係兩個世界，幾個月前坐E190，張凳明顯係另一款，又硬板凳又迫
作者: S3BL100    時間: 2025-11-20 23:18
Fuk19805 發表於 2025-11-20 23:06
估唔到呢間公司嘅E190同E195可以係兩個世界，幾個月前坐E190，張凳明顯係另一款，又硬板凳又迫 ...

睇返你當日個 report 你坐果架 E190 用緊果款凳同我平時喺美國坐 United Express 堆 E175 張凳係同一款，我自己就覺得無咩野，但知道美國呢邊唔少人鬧呢張凳

呢款都幾肯定唔係初代 E-jets 原廠果款凳，原廠果款凳係呢款，我 DL Connection 同 AA Eagle 都坐過，應該就比較舒服。但 AA Eagle 新一批 E-jets 都用緊 UA Express 同你坐果部 E190 果款凳了

樓主坐呢架 E195 用果款凳就仲新款，唔知係咪因為樓主坐呢架係 Air Dolomiti 一手機而你當日坐果架係由 LH Cityline 過檔，而前者後尾又翻新過。但睇樓主圖片新凳好似比起你坐果張更薄 坐感如何就有待樓主補充了
作者: Fuk19805    時間: 2025-11-20 23:33
S3BL100 發表於 2025-11-20 23:18
睇返你當日個 report 你坐果架 E190 用緊果款凳同我平時喺美國坐 United Express 堆 E175 張凳係同一款， ...

薄係一回事，佢做到厚墊但又有薄凳嘅坐感先係厲害 要鬧嘅厚凳仲有BA以前未改艙嘅Y，坐A380同777坐過，張凳係好硬，仲要張凳背侵蝕埋大家嘅legroom，而大部分人飛13個鐘都係會較後張凳，再加埋大英廢國級別嘅嘢食，嗰2程真係極品到而家都仲未有勇氣坐BA
想講之前好期待E-Jet就係見你之前嘅report都對E-Jet嘅凳好讚賞，點知俾漢沙過咗一棟 之不過有Dolomiti嘅航線，包括我嘅LCY同樓主嘅LNZ，應該就冇更好嘅options可以揀
作者: ECBuzz    時間: 2025-11-21 12:03
小弟有幸19年坐過AA由US過檔嘅E190, 執飛嘅PHL-BOS航班; 但坐感如何則無印象🫤
作者: HZ8186    時間: 2025-11-22 23:08
clivetock 發表於 2025-11-20 22:02
雖然唔係全資擁有，但係都想知樓主會唔會挑戰埋 ITA Airways
見過網上有人叫 LH Group 做空中神聖羅馬帝國 ...

話說頭先小弟睇維基既時候 發現漢莎係 2023 年將 Eurowings 既 long-haul branch 拆左出黎，叫做 Discover Airlines... 睇黎要拎 滿漢全席 呢個成就既話就要擇日再戰  

除左 ITA 之外，漢莎亦有另一間 JV 叫 SunExpress (一間專門營運來往德國同土耳其既廉航) - 希望兩間都將來有機會試到啦~~

作者: Waiyin12    時間: 2025-11-25 10:06
HZ8186 發表於 2025-11-20 17:18
的確係 - JetBlue E190 退役後，北美真係無乜人繼續用呢個 Type~~

下次經法蘭克福轉機既時候 不妨安排多 ...

以前 Air Canada 都有 E190，可惜都係捱唔過疫情

Air Dolomiti 同 LH 自家航班相比，察覺到嘅唯一分別，應該係小食由 LH 派開嘅一塊朱古力，變咗一塊曲奇餅？

我自己最有可能搭到 Dolomiti (或者以前仲係 LH Cityflyer 年代) E190 都應該係 LCY-FRA，但近幾次買機票都係見到由 LHR 出發會平過 LCY，結果臨門一腳都係去咗 LHR 搭 A320neo，拖咗幾年都解鎖唔到漢莎集團嘅 E190

“返到香港之後仲要隔離七日” - 而家諗返起 2022 年嗰陣想搭飛機返香港，簡直係人生難事之一；今時今日可以自由出入境搭飛機去旅行，其實係幾幸福嘅一件事
作者: Waiyin12    時間: 2025-11-25 10:09
clivetock 發表於 2025-11-20 22:02
雖然唔係全資擁有，但係都想知樓主會唔會挑戰埋 ITA Airways
見過網上有人叫 LH Group 做空中神聖羅馬帝國 ...

如果用英文講出嚟，應該會十分政治不正確；但 LH group 而家嘅版圖，有點 1930 年代未期歐洲軸心勢力範圍嘅影子
作者: Waiyin12    時間: 2025-11-25 10:21
S3BL100 發表於 2025-11-20 04:50
E190/E195 我暫時未有機會坐，但佢細佬 E175 就真係當食生菜咁坐。雖然係 regional jet 佈局但絕對比起 Boe ...

如果 trans-Atlantic 嗰程搭 LH 再駁短途嘅 Air Dolomiti，應該唔會太難？
或者 DL-AF/KL，都有 AF Hop 或者 KLM Cityhopper 用緊 E190

目的地計最容易應該係 LCY，基本上唔係 A220-100 就係 E190/5，而 LH（包括 Air Dolomiti） 同 KL 機隊入面都未有 A220



歡迎光臨 hkitalk.net 香港交通資訊網 (https://www.hkitalk.net/HKiTalk2/) Powered by Discuz! X3.4