hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (C) Transport 交通討論區 航空(C2) 浸鹹水遇溺記 CX255 HKG-LHR 上得山多終遇虎 浸鹹水多終 ...
開啟左側

[飛行報告] 浸鹹水遇溺記 CX255 HKG-LHR 上得山多終遇虎 浸鹹水多終遇溺

[複製鏈接]
HZ8186 發表於 2024-2-12 17:17 | 顯示全部樓層 |閱讀模式

                                    Advertisement



本帖最後由 HZ8186 於 2024-2-12 17:22 編輯


-- 前 言 --

雖然呢個系列叫 ‘浸鹹水遇溺記’ ,不過老老實實 四年黎小弟旅途上都係安然無恙 - 小弟係搭乘五十程航班之中 最驚險既事應該都係 1. 搭港航之後遭天譴 同埋 2. 係奧地利航空上面差少少餓死 咁解~~

豈知黎到小弟要翻英國行畢業禮既時候就真係遇溺 - 仲要唔係浸一下就算 佢係一浪接一浪咁拍埋黎 - 即使小弟一年後望翻轉頭 都依然覺得刺激…

-- Flight Info --

LH797 HKG - FRA
Airbus A340-300
STD 2325 (Cancelled)
STA 0730

LH904 FRA - LHR
Airbus A320neo
STD 1000 (Cancelled)
STA 1040

CX255 HKG - LHR B-LQC
Airbus A350-900
STD 0110 ATD 0142 (HKT)
STA 0815 ATA 0849 (BST)

-- 復 常 --

二〇二二年,香港以外既世界已經漸漸復常,而世界各界亦開始拾起步伐,努力追回疫情兩年間失去既時間。小弟既大學亦唔例外 - 大學宣佈會補辦兩年前因為疫情延誤既畢業禮 - 而小弟便同家人一同前往英國參加畢業禮,順便黎一個久違既 family trip。

由於今次係同家人一同出行,亦要顧及回港隔離安排,我地選擇乘搭漢莎航空往返歐洲 - 小弟就購買左 HKG-FRA-LHR, LNZ-FRA-HKG Multi-City Itenary,而家人則買下 HKG-FRA-LHR, DUB-FRA-HKG 既行程 - 價錢親民既同時,亦可用盡漢莎航空於歐洲內既強大網路。(而小弟都可以嘗試搭下 A340-300 呢部四引擎飛機)

不過,跟唔上世界復常步伐既 除左香港之外,亦有整個航空界 - 業界於兩年前遇上疫情時裁走的人手 於兩年後經濟復蘇時消失得無影無蹤。而當各航空公司希望提供同疫情前相等既服務時,無論航空公司自身有否足夠既機師,只要 機組 地勤 工程 ATC 任何一環不能提供足夠既人手 提供必須既服務,復常二字只會是空談而已。

-- 網 線 --

小弟出發前三日,法蘭克福機場地勤人員公會宣布 希望爭取一個能反映通脹既薪酬加幅以及改善待遇 會同資方提出談判。唯係雙方談判未得到共識既情況下,公會宣佈將會於小弟出發當日罷工,而漢莎航空亦果斷地宣佈當天所有來往法蘭克福既航班皆會被取消。

漢莎既 Passenger Protection Mechanism 隨即投入服務 - 我和家人隨即收到一份電郵 指我們已被安排乘搭翌日凌晨既 CX255 (i.e. 遲原有起飛時間兩小時既航班) 由香港直接抵達倫敦,而當晚亦見到唔少 LH 既乘客被安排轉乘 CX, LX, 甚至 KL 前往其目的地。係呢個安排下,小弟同家人便按原定時間前往機場,並展開呢個 accidentally cathay 既旅程。

(順帶一提 漢莎係有自家研發唔少協助計畫航空公司運作既軟件 - 有興趣可以上網睇下 Lufthansa Technik 旗下 Netline 系列既軟件。小弟相信今次既 protection 都應該係由呢個軟件安排既~~)

-- 空 港 --

相隔兩年,小弟再次以乘客身份黎到香港國際機場 。同兩年前一樣,機場都係鐵馬圍城 人去樓空,不過今次 香港與世界既隔膜彷佛再次增加左。

機場禁區係分左 供來往 台灣, 中國 航班使用既 "綠色區域" ,以及供國際航班使用既 "橙色區域"。來自 台灣 中國 來港轉機既乘客以及離港乘客係可以 使用 "綠色區域" ,不過由其他地方轉機既乘客落機後則會直接進入 "橙色區域"。機場當局於 26 號閘口旁設立一個關口 將兩個區域隔開,而乘客進入 "橙色區域" 既範圍 後就不能返回 "綠色區域"。

小弟通過呢個閘口時 唔知點解猶豫左陣 - 通過呢個閘口 彷佛好似係犯了逆天大罪,而浪子回家時就需要七天監禁 面壁思過...

好啦,鼓起勇氣,踏出呢個所謂既 "綠色區域", 正式展開小弟既旅程。

-- 民 安 --

如果閣下有睇開小弟之前寫落既 遇溺記 既話,相信閣下都會知道小弟係會盡量嘗試唔同既航空公司以及機型 - 又點會想到最後小弟係以一程國泰商務艙結束小弟既留學生涯,又以一程國泰經濟艙去出席自己既畢業禮呢?

兩年間,國泰無論係表面上或內裡都經歷唔少轉變 - 不過國泰無論係軟件同硬件方面依然強勢 - 雖然佢既 Inflight Magazine 尚未恢復,不過相隔兩年,佢既 IFE Content Library 只有加無減。

座位方面,國泰既 A359 經濟艙座位係依舊舒服 - 對腰部既承托係軟硬適中,小弟把椅背靠後 蓋上毛氈 輕易就安睡七小時。 今日既用機 B-LQC 於疫情期間由法國廠房送抵香港並與國泰機隊中服役不足一年,而機艙係非常新穎整潔。

膳食方面,雖然機組人員於起飛後已經即時派餐,不過由於當時已經係香港時間凌晨兩點,小弟當晚係選擇直接 skip 左份晚餐,訓耐少少 - 不過個餐聞落都幾香 - 要忍口唔食都要相當意志力先做到~~

早餐就有粥炒麵同英式早餐兩個選擇 - 呢兩個選擇基本上係咁多年黎都無變過 而相信呢度都有唔少人食過。 小弟就要左份英式早餐,食完後 飛機已經係德國上空準備跨越英倫海峽 降落倫敦希斯洛機場。

-- 微 塵  --

係一部國泰既 A350 上面渡過十四小時後,小弟一家終算有驚無險地到達倫敦。小弟對漢莎既處理係感到幾滿意 - 雖然遇上歐洲既工潮,不過漢莎 適時 適當 適合 既處理,的確令到小弟一家可以安心地抵達目的地。

小弟最後係比原定時間早兩個小時到達倫敦,而小弟及後更發現 今次係賺左國泰既六千幾里數。用一個 “五” 星級既價格搭一間五星級航空公司 - 相信都無咩野可以投訴啦~~

不過今趟旅程驚險既部份尚未完結,而呢個世界上有需要罷工 (以及識罷工) 既人絕對唔剩止法蘭克福既地勤人員。

下回 "遇溺記" 既主角係每晚來往蘇格蘭及倫敦既通宵火車班次 Caledonian Sleeper,照計今次腳踏實地應該好少少啦掛...



法蘭克福機場地勤人員工指未能與資方達成薪酬加幅以及改善待遇的協議,宣布將會於小弟出發當日罷工


相信大家都有聽過漢莎航空於 2018 年 係如何拎到五星級航空公司既評價~~ 點知小弟誤打誤撞 今次又真係有一個 真.五星級航空公司既體驗~~


同兩年前一樣,機場都係鐵馬圍城,人去樓空。不過今次,香港與世界既隔膜彷佛再次增加左。


好啦,鼓起勇氣,踏出呢個所謂既 "綠色區域", 正式展開小弟既旅程。


兩年間 機場係有唔少變化 - 而裝修後既登機閘口又整得幾靚~~


//活在想像最美好 浪漫化這一切可覆蓋糟糕
越是好 越怕最終得不到 才驚醒 才發覺已變做野草//
陳蕾 荒島之幻象


國泰既 IFE Library 係相當豐富 - Friends 同 Simpsons 各有一季係基本啦,而 Rick & Morty 都有半季 S5 可以睇~~


留意今次既航班走線係相當迂迴 - 自從俄羅斯於年頭入侵烏克蘭後,唔少飛機會避免過俄羅斯空域,以 1. 減少飛機被誤擊既風險 以及 2. 減少支付俄羅斯當局既 Overflight Fees。今日既航班比一年前既長一小時,而香港紐約既航班甚至會花多三小時以繞過俄羅斯空域。


If it ain't broken, don’t fix it - 國泰既早餐正正符合呢個原則 - 早餐有粥炒麵同英式早餐兩個選擇 - 呢兩個選擇基本上係咁多年黎都無變過 - But it ain't broken~~



受香港防疫政策所限,航班到達倫敦後只可以於停機坪停泊,並不能接上登機橋。作為航空迷既小弟固然會開心,不過呢個亦為一般旅客 (尤其係行動不便既乘客) 帶來相當不便。


接駁巴士係希斯路機場行左唔少距離先將乘客送到入境大廳,彷彿好似先俾各位旅客見到復常既景況時先慢慢適應,再入境英國咁~~


Slava Ukraine!


經過十四小時既飛行,小弟終於可以入境英國 展開小弟咁多次旅程中 或者係最精彩 亦係最考驗最小弟航空認知既一趟旅程。

-- fin --


如果閣下鐘意小弟既飛行報告既話, 不妨睇埋小弟之前寫落既浸鹹水遇溺記~~

第二十七回 CX255 HKG-LHR 回到最初的起點
第二十八回 BA1470 LHR-INV 北上的步伐  - 不日推出
第二十九回 LM391 LM398 EDI-KOI-EDI A Study of Tartans  - 不日推出
第三十回 LM711 KOI-PPW-WRY-KOI 全球最短航班  - 不日推出
第三十一回 LX425 WK348 BHX-ZRH-HER 青出於藍的雪絨花  - 不日推出
第三十二回 BUC8336 HER-LNZ McDonnell Madness  - 不日推出
第三十三回 EN8043 LNZ-FRA Air Dolomiti & 法蘭克福半日遊  - 不日推出










評分

參與人數 6aPower +16 HugeC +60 收起 理由
YY487 + 2 + 10 多謝分享
S3BL100 + 3 + 10 多謝分享
DIH + 5 + 10 多謝分享
timothychu + 2 + 10 多謝分享
Waiyin12 + 2 + 10 有圖有真相, congrats for graduation !!.
yuenpo + 2 + 10 多謝分享

查看全部評分

Waiyin12 發表於 2024-2-13 11:28 來自手機 | 顯示全部樓層
點解份早餐唔打開蓋先影 XD

小弟同年(2022)搭 Lufthansa 返英國,當日同樣遇上罷工,但該次漢莎係將班機 delay 到罷工日結束後才出發,FRA - HKG、HKG - FRA 來程都係 delay 一晚,次日清早先起飛;
由於首程 delay,注定第二程 FRA - LHR 會 missed connection,而漢莎提供的 rebooking options 包括 SQ 經 SIN、TG 經 BKK 及 KL 經 BKK + AMS(CX 直飛 LHR 只得 waiting list);當下我有少少心動想搭 SQ,但要提早一日半離開香港(而我兩晚都有約),加上擔心 last minute booking 會淨返 middle seats,最後只係 rebook FRA - LHR 一程了事(以及 claim EU 261~

可以用 LH 轉機價錢搭 CX 直航 LHR,絕對係一個 bonus;而 LH、LX 香港線有同 CX sharecode(反之亦然),亦會有 LH / LX 飛 FRA / ZRH 轉 CX 的 inter-line 機票,價格未必比全程 LH / LX 貴

7 日酒店隔離我都經歷過,亦唔係第一次聽用 “監禁” 形容隔離檢疫;
事後回想,年中睇新聞都有聽聞,返刑事法、罪名成立被法庭判即時監禁,但刑期介乎 1 - 6 日;而一向身家清白、只係 2020 - 2022 年間入境香港,反而要被 “監禁” 7 - 21 日不等...





 樓主| HZ8186 發表於 2024-2-14 02:11 | 顯示全部樓層
Waiyin12 發表於 2024-2-13 11:28
點解份早餐唔打開蓋先影 XD

小弟同年(2022)搭 Lufthansa 返英國,當日同樣遇上罷工,但該次漢莎係將班機 ...
點解份早餐唔打開蓋先影 XD
兩年無搭過飛機 未重拾節奏 haha

當下我有少少心動想搭 SQ,但要提早一日半離開香港(而我兩晚都有約),加上擔心 last minute booking 會淨返 middle seats,最後只係 rebook FRA - LHR 一程了事(以及 claim EU 261~)
咁的確 遲一日出發之後 claim 261 係最著數啦

7 日酒店隔離我都經歷過,亦唔係第一次聽用 “監禁” 形容隔離檢疫; 事後回想,年中睇新聞都有聽聞,返刑事法、罪名成立被法庭判即時監禁,但刑期介乎 1 - 6 日;而一向身家清白、只係 2020 - 2022 年間入境香港,反而要被 “監禁” 7 - 21 日不等...
小弟唔係一個醫學專家 唔評論究竟隔離多久最合適啦,不過小弟對防疫條例及入境限制/豁免係略有認知既。當然,而家講既所有野都係時後孔明,不過小弟既觀察係 1. 政府完全唔識做期望管理 (Expectation Management), 以及 2. 因為市民欠缺有效既溝通渠道,就算有人認真做期望管理 都一定會事倍功半。

1. 相信呢個世界上無人係想感染病毒,而相信無人係想將病毒傳染畀其他人。不過如果 "曾於海外逗留" 就要判有罪,而刑罰更會隨時增減既,咁你又甘唔甘於受罰先? 何況當時係無人計畫 "疫情緩和" 後如何復常,甚至刻意唔界定咩係 "疫情緩和" - 如果你係一個要經常需要離港工作既人,Why wouldn't you take the easy way out?

聽講近期有人見到國泰欠人收車嬲嬲豬話要佢交報告喔 - 你肯定你想佢同你講真話?  

2. 就好簡單既 - 唔知點解當年有幾間可信既媒體突然倒閉... 唔知點解呢?

Opps 小弟多言了~

cruisesnet 發表於 2024-2-14 10:45 | 顯示全部樓層

                                    Advertisement



受香港防疫政策所限,航班到達倫敦後只可以於停機坪停泊,並不能接上登機橋。作為航空迷既小弟固然會開心,不過呢個亦為一般旅客 (尤其係行動不便既乘客) 帶來相當不便。


咩原因?
Fuk19805 發表於 2024-2-19 23:53 | 顯示全部樓層
唔接橋應該唔關疫情事掛?
2022年應該英國政府唔理疫情,2021年小弟都仲用緊橋,應該2022年唔會倒退返
IG: mhlam307_photospam
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-2-23 01:59

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表