真係冇一部雙層電巴啱香港用？

眨下眼,頭批E500MMC/B9TL 已經踏入 12至14年嘅車齡, 後者更加有啲已經去到15至16年嘅車齡。 過多幾年 大型嘅換車潮又到。 早前政府話600部電巴配額料全數批出。 而家就咁睇似乎真係冇一部電巴啱香港

1. B12D 續航力好但係座位少 如果要放棄夠大電去換座位嘅話最尾結果會同E500EV 一樣。 暫時就咁睇嘅話穩定性算高,起碼出車率都幾高下。 至於有冇其他隱性疾病就真係唔知

2. E500EV 續航力叫緊緊應付到短途至中途路線, 穩定性唔高, 但係叫做個載客量可以爭下氣, 做到同柴油巴士一樣嘅載客量。 暫時睇,地鐵玩得最開心

3. 電Wright 早前有人傳話狀況唔係幾好 所以先會週圍去搵人試車, 但係睇返之前特工兄出嘅post, 最尾九巴都肯收嚟試。

4. 威馳騰 仲差過B12D,E500EV 。而且呢幾排又唔見咗影 睇嚟壞車率都幾高, 仲要續航好差。氫 嗰部就更加唔使講, 氫氫的我走了 正如我氫氫的來 而家就真係唔知氫咗去邊🤷‍♀️

暫時得呢四款喺香港算叫有落地行過, 就咁睇而家似乎四款都唔啱巴士公司心水。 唔知最尾嗰600部會花落誰家。 睇怕巴士公司都好頭痕。 不過冇事嘅,最多咪買返柴油巴(如果政府比嘅話🤭)

CRRC 魚塘 都未出場

無理由咁大個市場魚塘唔出招

CRRC 之前啤左一架應該有公司會試

天空之神 發表於 2026-3-27 03:21
CRRC 魚塘 都未出場

無理由咁大個市場魚塘唔出招

CRRC 有畀過一部鐵巴同埋大嶼山巴士試
至於魚塘就 得個講字,淨係喺個官網度整咗個香港嘅spec , 條真魚都未見

其他公司難講，但估計最大嗰間會分散投資至少買兩間。至於邊間廠食大份就好視乎有冇廠砌到部第1.5代出嚟再試玩有突飛猛進嘅表現，咁佢嘅第2代應該可以佔大份。

BYD目前用法和內地C919客機類似，行的次數也不是盡用，所以都冇乜性價比可言。AED出車多左好多，中環成日見到。CRRC車南方唔多適合，睇廣州個批，其實好唔掂。宇通對南方壓氣也一樣唔得

ccchhhuuunnn 發表於 2026-3-27 04:44
其他公司難講，但估計最大嗰間會分散投資至少買兩間。至於邊間廠食大份就好視乎有冇廠砌到部第1.5代出嚟再 ...

ADL都做唔到件好產品就知呢個PROJECT有幾難做

到頭來係香港堆公司去妥協

香港咁嘅情況好惡做
1. 要有油車載客量
2. 要有油車行駛距離
3. 要有油車補充能源嘅速度同方便性
4. 要乎合香港落後嘅法例
5. 香港電動私家車充電設施遠遠落後過內地

邊間車廠搞得掂真係唔使愁無訂單

國產車弱項係冷氣（應該話大陸人慣咗焗唔係咩一回事）

暫時仲未做到好似現有Denso冷氣大風得嚟夠涼，依家B12D係靠開到低溫嚟谷著壓縮機

toyl 發表於 2026-3-27 09:03
國產車弱項係冷氣（應該話大陸人慣咗焗唔係咩一回事）

暫時仲未做到好似現有Denso冷氣大風得嚟夠涼，依家B ...

申利 : 咁多年來﹐我都未坐過電動巴士。

我想知冷氣情況﹐究竟係油車及電車有分別的問題﹐定係純粹國產野唔得。


油車及電車的冷氣﹐其實係完全唔同的。
油車會配合引擎﹐製造暖氣﹐調出理想溫度輸出。
電車副空調﹐一係製冷﹐一係製暖﹐按車箱環境改變出冷出暖。


你提到BYD的車冷氣靠調低溫去谷著冷氣泵。
ADL 部電車﹐的情況又點? (唔好用油車做比較)

電車會唔會因為整體電池續航力關係 (特別係九巴自己決定)﹐在冷氣打主意﹐刻意校細風慳電﹐令到冷氣表現未如大家心目中的理想?

算啦, 政府要推電車, 簡單講, 各個巴士總站連電都未拉到點樣叫人推電車
唔好多, 大站整返幾個50kW Ultra charge plug 先講啦
迪士尼, 東涌站, 逸東, 元朗西, 青機, 寶琳應該做到啦