其實有冇辦法可以控制到B1站頭工作人員嘅質素？

利申：B1常客。

其實搭開都知有時站助/保安都幾惡，主要都係有客錯在先，而大部分客都願意合作。
就算真係惡，都係惡一兩下就停。

但今晚其中一個外判保安（明顯唔係KMB制服）個態度好離譜。撞正星期日晚最多香港人返歸嘅時段，唔駛幾分鐘就頂閘。
21:17左右，見到幾架B1頂閘一段時間都未開車。
望一望ETA，仲有2分鐘開車，心諗係咪真係等21:20先開車。

等緊期間，突然有個外判保安叫前面個客轉去企中門，又叫人行去中門上車。
過半分鐘，無啦啦傳來好大力嘅敲玻璃聲，我都被嚇親。
原來個保安喝門口啲人有咁入企得咁入。
中門又攝多幾個客入嚟，但有一堆客等緊下一部車。
之後開始嚟料，估計因為有客互撞。
唔只一個客發晒癲勁大聲鬧個保安，仲聽到個保安鬧返個客轉頭。
鬧鬧下夠鐘21:20開車。

雖然態度唔好係預期之中，但好似今晚咁態度咁差真係第一次見。
其實有冇辦法可以控制到佢哋嘅質素？

B1班站務,唔惡係搞唔掂啦,好聲好氣班壞同胞和壞本地客係唔會理會,當然都有好既客.

又唔見屎水咁著重要塞到真頂閘先開車。

FBI2 發表於 2025-11-30 22:38
B1班站務,唔惡係搞唔掂啦,好聲好氣班壞同胞和壞本地客係唔會理會,當然都有好既客. ...

深圳河北既質素不嬲都一般

但深圳南既直頭係西客中既極品

沒有誰比誰高尚

巴士的膠 發表於 2025-11-30 22:56
又唔見屎水咁著重要塞到真頂閘先開車。

你冇睇過平日B8係點啦

巴士的膠 發表於 2025-11-30 22:56
又唔見屎水咁著重要塞到真頂閘先開車。

除非唔夠車（例如上下繁），B1好少真頂閘先開。
感覺只係一定要夠鐘先開+工作人員態度差先搞成咁。
雖然依啲時間落馬洲路沿線幾個站基本係只有人落冇人上。

工作人員態度差係好明顯嘅問題。
另一方面，喺咁嘅case，幾部車接近完全爆滿，係咪仲一定要夠20分先開？
出面堆客望住仲迫唔入嘅巴士幾分鐘，望到20分等幾部車開晒，然後先有得上車。
反正南下嘅B1係唔會跟開車前3分鐘內先上客嘅指引。
17-18分嗰陣，望到滿晒人但唔開車，已經諗會唔會有客嘈。
點知唔係嘈唔開車嘅問題，而係嘈個保安態度。

個職員唔屬於九巴嘅話 應該只能夠向入境處/運輸署投訴
不過如果有影片/圖片作證會更好

TA7343@N241 發表於 2025-11-30 23:30
除非唔夠車（例如上下繁），B1好少真頂閘先開。
感覺只係一定要夠鐘先開+工作人員態度差先搞成咁。
雖然依 ...

站長室醒水打鐘咪可以打大開車囉
未放行又點敢開車，最多都係閂埋道門

引入呢種巴士咪可以真頂閘囉

九巴事實上係炒過一部份B1 維站。
主要原因係態度問題。
例如企元朗站，上過不少Facebook 片段個位後生維站