[歡迎討論] 西隧巴士(967/969系)替代路線

見到近排城巴嘅天水圍過海線喺巴典嘅介紹度加咗唔少替代路線，有冇朋友分享下一啲真係用過啲替代路線嘅經歷

Ref: 967X
往銅鑼灣
途經：天瑞路、天華路、天葵路、天秀路、天瑞路、濕地公園路、天慈路、朗天路、唐人新村交匯處、元朗公路、青朗公路、青衣西北交匯處、長青公路、長青隧道、青葵公路、（西九龍公路）＊、西區海底隧道、林士街天橋、民寶街、耀星街、龍和道、添華道、夏慤道、告士打道、維園道、銅鑼灣天橋、內告士打道、波斯富街及禮頓道
＊ 可視乎交通情況，改經（西九龍公路、連翔道及西九龍公路）或（西九龍公路、連翔道、雅翔道、佐敦道、連翔道及西九龍公路）或（西九龍公路、雅翔道、佐敦道、連翔道及西九龍公路）。


往天恩
摩頓臺、高士威道、伊榮街、邊寧頓街、怡和街、軒尼詩道、盧押道、告士打道、夏慤道、紅棉路支路、琳寶徑、遮打道、昃臣道、干諾道中、租庇利街、德輔道中、（禧利街、干諾道中）＊、（干諾道西）＃、西區海底隧道、西九龍公路、青葵公路、長青隧道、長青公路、青衣西北交匯處、青朗公路、元朗公路、唐人新村交匯處、朗天路、天福路、天城路、天龍路、天葵路、濕地公園路、天瑞路、天秀路、天葵路、天華路及天瑞路
＊ 可視乎交通狀況，改經（永和街及干諾道中）或摩利臣街。
＃ 可視乎交通情況，改經干諾道西（西行）、水街及干諾道西（東行）。


討論
西隧+上游嘅3號幹線+連翔道只會越嚟越塞，
短期內6號幹線會進一步引咗一部份往來東九龍/將軍澳嘅車，
長期大西北+北都嘅發展都只會進一步將啲車推去西隧過海

除咗加隧道費之外，喺路面上有冇位可以做得更好去加快返啲巴士？
1. 港島出入口除咗加返條線，路口上係咪可以改下？(好似下面呢個建議咁)
https://www.hkitalk.net/HKiTalk2/thread-2229381-1-1.html

2. 上繁西九龍公路係咪應該要整一條8:00-10:00嘅巴士專線？
例如由連翔道匯入西九龍公路嘅位開始，設一條巴士專線去到佐敦道入口 (連住現有嘅全日佐敦道嘅巴士專線)
或者喺昂船洲大橋落西九龍公路嘅位開始，設一條巴士專線(左/左二線)去到油麻地出口等等
或者好似大老山咁，整個巴士專用入口？(eg 西九龍公路、雅翔道、佐敦道、連翔道及西九龍公路 整個巴士插隊位)

3. 下繁港島入口，干諾道西地面上西隧(即係皇后街站附近)位置可唔可以改做巴士專線？
干諾道西天橋落干諾道西有成三/四線，有冇方法將往薄扶林嗰幾條線其中一條變成巴士專線？(但要加個入口)
或者加個巴士專線入口，同山道天橋/堅尼地城嘅車匯合

4. 巴士仲有啲咩替代路線可以考慮？

歡迎討論

屯公都係因為無鐵 (當時) 巴士第二順位做主幹先有咁長同埋封咗小欖出入口嘅巴士線
西隧呢度講緊平行嘅東涌綫 (同機場快綫) 都未飽和，將來容量仲有望增加，西隧巴士可能比較難有特別優待啦

其實東隧紅隧都有巴士線幫助巴士打尖， 反而西隧就做唔到

#2：連翔道匯入西九龍公路條巴士線畫到去BBI都冇所謂，本身佐敦道入口都係專利巴士專用
#3：可以參考紅隧概念，中景道開始的干諾道中橋底繁時劃做巴士專線，其他下路車改行中景道 -> 干諾道西 (東邊街路口畀直行) -> 水街入西隧

tommy14D 發表於 2025-10-20 15:41
其實東隧紅隧都有巴士線幫助巴士打尖， 反而西隧就做唔到

因為西隧大家講緊係要留條線比巴士專用

反而係似香隧南區入口兩條線上繁要分走一條比巴士

劃條線比巴士專用
其他車少左條線
上繁隨時會頂返去長青隧道

kay 發表於 2025-10-20 15:46
因為西隧大家講緊係要留條線比巴士專用

反而係似香隧南區入口兩條線上繁要分走一條比巴士

但呢個位比較似係有啲無可奈何先咁建議
紅東隧都係比較早期嘅道路設計，有好多(出)入口，尤其紅隧，所以喺鄰近但用量少好多嘅出入口就可以做插隊位

例如紅隧北行堅拿道天橋嘅入口，就係攞隔離告士打道出口借位 (或者南行漆咸道南入口攞紅磡出口借位)
東隧近年加嘅北行民康街嘅線都係借東廊太古城方向位

但去到90年代設計西隧(+3號幹線)，設計變成避免大量出入口
西隧入口附近根本冇位借，有啲就係本身已經自身難保
例如南行尖沙咀出口長期排緊隊，油麻地出口都變埋做6幹
(仲可以預期呢個出口都會塞爆添，1線出口去3線嘅中九龍繞道仲唔好似青沙咁塞死)

北行有堅尼地城出口借少少位(所以依家咪成堆自私車用呢個出口打尖囉)，
但最後林士街天橋+干諾道西匯合得兩線咪又做晒樽頸

所以先有版友會進取啲咁建議留條線比巴士專用

skibidiot 發表於 2025-10-20 15:58
但呢個位比較似係有啲無可奈何先咁建議
紅東隧都係比較早期嘅道路設計，有好多(出)入口，尤其紅隧，所以 ...

但以未有南港島線前既香隧
上繁塞到返鴨脷洲大橋

死因係黃竹坑道天橋地底2+2剩1線
結果架巴士塞到連巴士專線都去唔到

所以話劃條唔短既線其實即係將已經飽和既容量再縮
唔代表對巴士有正面影響

反而自己睇法係巴士應該行西廊
臨到西隧口先屈返出去

kay 發表於 2025-10-20 16:08
但以未有南港島線前既香隧
上繁塞到返鴨脷洲大橋

行西廊=行埋荃灣路
咁會塞晒 (i) 荃灣路(本身塞過青葵公路) (ii) 西廊(得兩條線) (iii) 塘尾道出口喎
仲未計西廊容量仲細過西九龍公路

#2: 西九龍公路近民安隊總部至轉車站一段已經係巴士專線, 但因為有一大段劃錯左做雙白線 (見 google map 條雙白線係無劃到咁長), 條巴士專線只可比佐敦道->連翔道嚟既巴士用 (e.g. 914), 搞到青沙/奧海城過來的巴士用唔盡條巴士專線, 青沙/奧海城過來的巴士要 cut 去巴士專線又要停喺度讓連翔道嚟既車先 cut 到入去, 塞住後面啲車.

skibidiot 發表於 2025-10-20 16:12
行西廊=行埋荃灣路
咁會塞晒 (i) 荃灣路(本身塞過青葵公路) (ii) 西廊(得兩條線) (iii) 塘尾道出口喎
仲 ...

睇過D痕記片
上繁額外行車時間多到可以有30分鐘
既然都已成定局
倒轉諗有無咩路可以唔駛額外30分鐘行車時間

依家最KICK係未到西隧打大佬大家D車都玩死晒