樂華總站設休息室遭圍封 九巴員工轟房署不近人情

搵個地台墊起咗，暫時搭建物係咪都要計地積比?

我記得以前睇僭建新聞，話件野唔係起係地下就唔會俾人拆

kei_hk 發表於 2017-8-11 12:34
似乎房署一直唔批出放休息室﹐是基於房署唔可以簡單處理的事情﹐所以一直拖/唔批。

http://hk.on.cc/hk/b ...

工聯會屬會都無面畀，難怪車長咁㷫。
註：當區區議員樂華北係東九龍社區關注組，樂華南係前民主黨。

如果九巴一早知悉房署有恰當理由拒絕申請，無論員工點嘈，照計上頭都唔會勞師動眾搬咁大舊野去個總站。我估計係一直無回覆或左推右搪居多，搞到話得事的人都㷫埋。

大家都係想有瓦遮頭食餐飯姐，申請四年都只係用拖字訣，一搞大咗件事就即刻做嘢話批准...都唔知係政府唔做嘢定有心為難九巴..

cocogohk 發表於 2017-8-11 17:17
大家都係想有瓦遮頭食餐飯姐，申請四年都只係用拖字訣，一搞大咗件事就即刻做嘢話批准...都唔知係政府唔做 ...

如果真係地積比問題，這便不是房署可解決到的問題，係要搵其他方法去符合地積比這個魔咒。除非有人搵到房署計錯地積比，其實仲有用剩。

又或者，站長/休息室其實一直以來都唔需要計算地積比，房署之前有誤解，而家糾正誤解，就可以即時批出放休息室供司機使用。



而家攪到這樣，真係唔知最終點收科。

kei_hk 發表於 2017-8-11 14:00
以現時得到的資訊﹐而家係九巴將班司機放上枱做戲﹐九巴借民意迫政府做野。

樂華巴士總站位於樂華北邨範圍內，業主只有兩個，分別是房委會及領展，有地契規管。因九巴不是業主，不可向地政總署/城規會申請。
以我所知，公共屋邨的地契只有住宅及非住宅總樓面面積。九巴員工休息室當然作非住宅樓面面積計算。
在當年領匯(即現時領展)上市時，房委會有百多條公共屋邨的非住宅設施「賣給」領匯，當時此等公共屋邨非以地契(government lease)規管，是由「歸屬令」(vesting order)規範，需製訂地契，但當時並無想到/預計到樓面面積會有變化，因此以當時屋邨的住宅及非住宅總樓面面積，作為地契中各總樓面面積之上限。因此如有什麼用途擬作更改，房署邨經理便十分緊張及小心檢視總樓面面積有否超出上限，其實房署內部有產業測量師可諮詢，不過一般都會問埋該區的地政處的意見，因可能需修改地契，但修改不是一件容易批准之事。

以前試過在天水圍一條類似樂華北邨的屋邨，九巴擬在巴士總站側加設臨時流動廁所方便車長，連運吉都支持，但房署一直未有批准，要諮詢地政總署，最後九巴都擺了臨時流動廁所，車長都有用到。

DIH 發表於 2017-8-11 17:01
工聯會屬會都無面畀，難怪車長咁㷫。
註：當區區議員樂華北係東九龍社區關注組，樂華南係前民主黨。

當然無面畀，而家有啲咩事就搵強力部門去捉啲「逆賊」，釘書機伺候，仲使你班老弱爛頭卒？

tkwong 發表於 2017-8-11 22:00
樂華巴士總站位於樂華北邨範圍內，
業主只有兩個，分別是房委會及領展，
有地契規管。因九巴不是業主，不可向
地政總署/城規會申請。

多謝指正,九巴肯定唔係
業主,但也不算是租客……

事後孔明嚟講,有無
辦法,係九巴唔需要以
違規在先嘅風險,去令到
合理時間內得到業主(房署
及領展)嘅協助? 先唔好話由
佢哋申請或進一步行動,但起碼
唔好石沉大海甚至只能倚賴傳媒?

cocogohk 發表於 2017-8-11 17:17
大家都係想有瓦遮頭食餐飯姐，申請四年都只係用拖字訣，一搞大咗件事就即刻做嘢話批准...都唔知係政府唔做 ...

我係狗巴都呻笨

行正路申請咗四年都唔得

先斬後奏即刻得

早知走歪路

kitarolo 發表於 2017-8-11 22:52
多謝指正,九巴肯定唔係
業主,但也不算是租客……

一般屋邨如有巴士總站，有站長室而又在屋邨範圍內，房委會會與有關巴士公司簽訂站長室的「暫准證」，訂明借用地方的面積及每月收取「暫准證費用」。我相信樂華巴總員工休息室，日後房委會必向九巴每月收取「暫准證費用」，金額由房委員因應面積制定。

da54 發表於 2017-8-11 12:16
睇 ETA，中途站嘅班次都幾正常，唔知係咪 d 車變晒中途起載.....

班次好正常架, 因為「罷工」果班全部攞哂假