九巴唔俾車長變通? 明知塞車都唔會行替代路線

呢兩日晚繁汀九橋都塞爆, 三幹路牌一早預報咗 "汀九橋擠塞" "長青隧道間歇封閉".

但一部又一部的九巴不懂由三幹落荃灣路再上屯門公路為替代路線, 係都要集體入去車龍中 "和你塞".

浪費油錢, 兼浪費乘客時間

未必係公司唔俾司機改道，可能係司機唔識行替代路線

無公司指示你都唔敢博

當汀九出事屯公都唔會好得去邊

問題就係九巴所有IT野都係垃圾

新城就可以即時通報到司機點改行

什至鐵巴都有對講機

九巴就只可以靠司機自己一個

roquelcm 發表於 2019-11-15 23:29
未必係公司唔俾司機改道，可能係司機唔識行替代路線

唔係啩, 汀九橋隨時因為大風而封閉行車線, 啲巴士係咪會停駛?

有時唔係話個車長唔想改
假如係ABCDEF 六架車
得C 果架改左道
又咁岩佢壞左車擺街, 咁點通知到D,E, F 果三架車去救?

你可以話車長真係擺街果陣可以打返公司叫救命
但係車長未等到人救, 可能佢已經上左白車
所以, 有客係車度, 真係好多局限

作為元朗天水圍車長
我希望解答倒你既問題

依幾晚即使長青間封 整體時間都係快過行荃灣屯公

長青全程3線行車 而且少匯合位 有都係流量較少既

當晚有睇google map都知道 行荃灣路同屯公既慘況

平時普通間封行屯公的確係快d
因為主要交通壓力都係來自去屯門車輛
但依幾晚交通壓力都係上大欖車輛
屯公上大欖有個明顯樽頸位 車龍倒塞
荃灣路有線段兩線行車 中途大量匯合位 影響埋荃灣段既青山公路

昨晚先見有往上水既 978 行林士街天橋往上水.

另之前試過行紅隧版既 934A, 唔同人鬥迫上加士區道天橋->西九龍走廊經美孚返荃灣, 反而走去行佐敦道->連翔道返上西九龍快速公路原線, 快唔快得過就唔知喇, 不過果日行佐敦道超順無塞車.

汀九塞城巴都未必會改，除非知係橋上炒車塞，但呢排度度塞，落屯公未必快到好多，葵涌去青衣荃灣個段一樣可以好塞

Neutroginger 發表於 2019-11-16 01:58
有時唔係話個車長唔想改
假如係ABCDEF 六架車
得C 果架改左道

自古以來﹐ "要人救" 唔一定要靠自己路線的後車﹐其他近似路線都得。

同埋﹐司機要報公司叫工程車支援。
如果真係有客未能轉其他線/無其他路線可作支援﹐司機報番上去﹐公司自然會安排另一部巴士來接應。
情況﹐有如尾班車出現故障一樣。