膠液廣場吹水料十月篇

GD1570 發表於 2022-10-23 18:20
屯公嘅巴士客量已經話咗你知你依個諗法係有誤的。

屯門交通規劃同TKO已經冇得比啦

仲要屯門坐西鐵遊大運，駁腳又要20分鐘先到西鐵站；將軍澳9成地方步行10分鐘內就到地鐵站，巴士邊有得做？

唔係中唔中意搭地鐵既問題，而係冇得揀，冇人能夠afford到搭巴士過海，比貴啲車費而等耐啲車，搭耐啲車（即係早好多出門口返工），然後無定向塞車（即係再早啲出門口，早到可能要去M記坐等夠鐘），呢樣野係唔現實，只有好有錢唔洗做既巴士迷先可以afford到呢樣野，而呢種人夠唔夠100個去載滿一架將軍澳過海既巴士？ 694 cut到20-30min一班加埋藍田、小西灣獨市及西灣河特快，先叫做圍到皮，未敢講大賺，竟然有人會幻想開新線落鰂魚涌可以"百貨應百客"，係發緊夢，不過如果呢個夢成真，我都會好開心，因為我都係巴士既supporter，只係我冇某啲人咁離地啫

GD1570 發表於 2022-10-23 18:20
屯公嘅巴士客量已經話咗你知你依個諗法係有誤的。

你的例子很好。

雖然屯公路況唔見得穩定，隔幾日就塞車；但係屯馬線走線完全唔favour屯門人出城，要兜左天水圍元朗錦田先出市區。

對普羅大眾嘅印象嚟講，住屯門嘅，搭巴士就快少少，但可能撞塞車；搭鐵嘅雖然穩定，但就兜路費時。

再加上屯公塞車，早30年前已經塞到街知巷聞。可能好多香港人，一年都唔會入一次屯門，但會同情屯門居民苦況。

所以屯門出城，揀搭巴士都算係make sense嘅選擇。就算遲到，老闆冇咁怪巴士塞車；要怪只會怪自己，點解當初請左個住屯門嘅下屬。


但將軍澳，真係sorry，你落街問十個非將軍澳居民，可能八九個都只識得入將軍澳搭鐵。快手嘛，直接嘛，穩定嘛。

所以，住將軍澳搭巴士返工塞車，真係唔會得到老闆同情。佢只係會覺得你玩嘢，明知地鐵快、巴士塞車都走去搭。

ctb8107 發表於 2022-10-23 19:46
唔係中唔中意搭地鐵既問題，而係冇得揀，冇人能夠afford到搭巴士過海，比貴啲車費而等耐啲車，搭耐啲車（即 ...

有錢的話，我寧願直接買車，揸車返工算。
冇錢嘅話，一係忍氣吞聲逼地鐵，一係就花時間花車錢等巴士慢慢過海。

前提係你老闆真心唔care，接受彈性返工時間又唔會黑你面。

le914 發表於 2022-10-23 20:17
你的例子很好。

雖然屯公路況唔見得穩定，隔幾日就塞車；但係屯馬線走線完全唔favour屯門人出城，要兜左 ...

其實屯公巴士比起未有鐵路出巿區嗰陣已經跌咗唔少，只係冇將軍澳咁慘烈！屯門巴粉應該好慶幸屯荃鐵路起唔成，唔係啲巴士線客量瀉得仲勁！

ky927 發表於 2022-10-23 09:46
我反而想問運吉有咩咁大遠見覺得一個皇后山可以一條西隧一條東隧，但無一條係落鰂魚涌
...

老實講,皇后山只係用一條線行西隧掃晒全個港島北岸都夠做啦, 就算停多個中環灣仔, 都好過塞2幹COMBO 吧, 時間上都未必比行2幹慢. 南行可以有快啲既路可以合理時間內掃晒多啲客源地方, 但北行就...缺點好似冇得快

alcc172517 發表於 2022-10-23 23:44
老實講,皇后山只係用一條線行西隧掃晒全個港島北岸都夠做啦, 就算停多個中環灣仔, 都好過塞2幹COMBO 吧,  ...

Exactly 一條停埋中環灣仔嘅952c
去鰂魚涌係耐，咁鬼叫條走線咁偏，咪最多啲站蜻蜓點水式揀位停，好過開 979/679 兩條但兩條都唔好數

HR1377 發表於 2022-10-22 19:58
792M出觀塘，西貢DC一定反枱，始終過多條隧道肯定會加價

如果用792P名義經將藍出觀塘，成件事又唔同哂

開支線792A囉，跟796S兜一圈變相796S日間版復活

GD1570 發表於 2022-10-23 18:23
我只係想帶出一個問題：

條線啱啱開(甚至未開)，新區未算入伙，然後一個二個就大大聲喺度「無客」、「摺 ...

exactly
我係康城近環澳路個邊
如果真係坑口經康城行將藍, 再行繞道出中環
我真係會搭喎

將藍隧道口已經劃好線
見到隧道口一出基本上單白線, 只有將藍車CUT出, 其他車冇得CUT 入黎,
直至去到巴士轉乘站個個位
所以基本上將藍隧道啲車可以合法打尖, 完全唔洗前半段
將藍行東隧巴士真係塞極有限
同而家又塞將軍澳隧道, 再塞東隧完全係兩回事

環澳路上車到落車真係分分鐘快過地鐵
我真係會揀巴士囉, 喺車到補眠好過企半個鐘地鐵

kentbryo 發表於 2022-10-24 00:41
exactly
我係康城近環澳路個邊
如果真係坑口經康城行將藍, 再行繞道出中環

打尖只限去程🤣🤣🤣🤣🤣🤣🤣