關於「逆向」客源

留意九巴八達通機
白字「起程」
紅字「回程」

TYChow 發表於 2020-1-14 23:09
留意九巴八達通機
白字「起程」
紅字「回程」

咁37一定係朝早入葵盛同夜晚出九龍

ccicoltd 發表於 2020-1-12 00:39
38 早上還有一批客由藍田往觀塘牛頭角，試過早上繁時坐 38 西行，觀塘道每站都有人打鐘下車。

...

38全日都有呢類客, 橫頭磡 黃大仙 鑽石山落車比比皆是, 性價比高係原因之一, 但好多新界人就係唔明白, 搭咁短途阻延行車時間, 實際上20-25分鐘車程對九龍居民來講唔算短, 如果有市區路線做到一樣車程, 絕對唔會抗拒乘搭.

89都一樣, 成程車最多人未必係入沙田, 翠屏 和樂-牛頭角 淘大, 裕民坊 牛頭角-淘大, 牛頭角 淘大-啓業 彩虹 鑽石山 黃大仙 橫頭磡, 啓業-黃大仙 橫頭磡, 濕濕碎碎同16藍田落觀塘一樣咁好搵.

279X 前身 279P 開線初心係俾北區居民方便去大欖隧道轉車，或到青衣站轉東涌線：機場快線，可是因收費高，所以初初客量不高

但相反青衣居民需要北上工作和消費，279X 反而發展到變成青衣居民用作去上水轉東鐵過境

現在的 279X 平日雙向頂閘，假日差不多成為青衣北上專線

kingprowm 發表於 2020-1-16 12:01
279X 前身 279P 開線初心係俾北區居民方便去大欖隧道轉車，或到青衣站轉東涌線：機場快線，可是因收費高， ...

同大埔公路馬場同新城市對出呢幾年塞多咗都有關，278X班上水荃葵客倒走晒去279X

你呢個  model 根本行唔通，因為有部分路線無辦法套用到落去。

舉例：以279X為例，上水（A區）來往青衣（B區）。如果條線上水無通勤位（假設唔經上水火車站），條線會唔會開？會，因為上水人要搭去欖隧同青衣轉車。掉轉，如果條線青衣無通勤位（假設唔經青衣機鐵站，而只服務青衣各屋邨），條線會唔會開？會，因為青衣居民需要用上水火車站轉車返大陸。咁呢個 model 已經行唔通啦。

任何一個 model ，只要舉到個反例嘅，即係個 model 唔 work ，而需要改善個 model 。一個反例已經足夠證明一個定理係無效嘅啦。

所以我個人習慣就直接按地區來分，用以下規則，只以兩端總站位置作為依據，大原則為「偏遠地區往市中心」作順向，而且一律以嗰個地區初初出現嗰陣嘅情況為準，之後點發展都唔再理會，喺下列表中，前者往後者一律當順向，完整列表如下：

機場島（飛機維修區→後勤區→港珠澳大橋→客運大樓）→大嶼山（昂平→東涌（小蠔灣→石門甲→逸東→迎東→市中心）→大澳→梅窩）→新界（元朗（鄉郊→天水圍→元朗市）→屯門（鄉郊→屋邨→市中心）→北區（鄉郊→上水→粉嶺）→大埔（鄉郊→屋邨→市中心）→西貢（十四鄉→清水灣→西貢市中心）→將軍澳（大赤沙→小赤沙→百勝角→翠林→調景嶺→坑口→寶林→市中心）→沙田（馬鞍山→馬料水→沙田各屋邨→沙田市中心）→青衣（屋邨→機鐵站）→荃灣（屋邨→地鐵站）→葵涌（山區→葵芳→葵興））→港九市區（南區（石澳→赤柱→淺水灣→置富→華富→華貴→鴨脷洲→田灣→香港仔） → 觀塘（安達臣→秀茂坪→藍田→牛頭角→九龍灣→觀塘市中心）→荔枝角→長沙灣→深水埗→黃大仙→九龍城→紅磡→旺角→油麻地→尖沙咀→港島半山（山頂→耀東→寶馬山→跑馬地（上）→西半山）→東區（小西灣→柴灣→鰂魚涌→北角）→西環（堅尼地城→石塘咀→西營盤）→港島CBD（銅鑼灣→灣仔→中上環））

上面列表大致嘅理據如下：
機場同大嶼山屬離島，所以係公認最偏遠嘅地方，所以去邊都係順向，要排最先，而因為梅窩係大嶼山嘅市中心，所以排大嶼山最後。雖然東涌已經發展咗成為新市鎮，但係因為最初有東涌嗰陣，無可爭議地東涌去梅窩係去市中心，喺唔改變原有地區嘅順序情況下，仍然保留返東涌排先過梅窩。

新界亦都係偏遠地方，所以排係離島之後，港九市區之間。至於新界之內排序嘅原則，你可以見到排先嘅都係偏遠地區（九巴以往稱為新界郊區），直到西貢為之都係有綠色的士可以服務嘅，剩返嘅屬近郊（九巴以往稱為新界市區）要靠紅的出入（馬鞍山及馬料水除外，因為屬沙田新市鎮嘅一部分所以需要同沙田其餘地方一齊排）。遠郊之間，元朗屯門排先過上水大埔，因為初初發展嗰陣，元朗人要過上水／大埔火車站轉火車出市區，或者經屯門公路出市區。而大埔排先過西貢，因為大埔離市區距離比較遠。至於沙田排先過荃灣嘅原因係因為沙田同市區隔咗座山，而且荃灣（荃灣葵涌同屬一個新市鎮，而青衣係荃灣嘅延伸）開發得比沙田早，而荃灣亦都係最早有地下鐵路到達嘅地區，感覺上同市區嘅觀塘已經分別唔大。將軍澳呢個其實比較難搞，喺未有798之前其實同沙田荃灣呢組之間嘅關係都唔確定，不過我最終放喺西貢同沙田之間，因為將軍澳、沙田、荃灣同九龍距離相若，但後兩者明顯發展較成熟，而將軍澳仍然係以住宅為主。

到港九市區，我拆南區出來排先嘅原因，唔同港島其它地區一齊係因為南區環境上屬郊區，同港九其餘地區有明確分別，相關路線包括有107、171、671、970、971、973等。而九龍市區入面，最遲發展嘅觀塘我排最先，之後到新九龍其餘地方，最後先到界限街以南嘅九龍CBD；港島亦都類似，半山區因為同山腳市區有明顯分別，所以獨立出來排先，然後按偏遠程度同發展次序排，小西灣到北角，以及維多利亞城以內，堅尼地城到西營盤，最後到核心商業區。

利用呢個原則，只要知道條線兩端總站，就可以即刻明確指出邊邊為之順向，邊邊為之逆向。例如九巴嘅42同88，因為屬新界來往九龍嘅路線，所以一律可以視作為新界去九龍為順，九龍返新界為逆，兩個總站之間點行都唔影響順逆。不過亦都利用呢個原則，一條路線只要修改個總站，就即刻可以改變到佢嘅順逆向。例如九巴嘅99線，開線嗰陣泥涌去西貢屬順向，但一拉多兩個站去烏溪沙站之後，就變咗同299一樣，西貢去烏溪沙站係順向，而實際上西沙路沿線嘅乘客亦都真係會搭去烏溪沙站轉火車出市區。

miklcct 發表於 2020-1-20 21:26
你呢個  model 根本行唔通，因為有部分路線無辦法套用到落去。

舉例：以279X為例，上水（A區）來往青衣（B ...

你似乎未睇明我#1想帶出既嘢
我個論點係，順逆唔係非黑即白既concept
就算有個別例子唔適用，都唔影響個概念既正當性
你用地區性質定義順逆，一樣會有好多counter example
279X、城隧線呢啲case，本身就borderline，刻意區分只會搞到更加混亂

castanopsis 發表於 2020-1-29 00:27
你似乎未睇明我#1想帶出既嘢我個論點係，順逆唔係非黑即白既concept
就算有個別例子唔適用，都唔影響個概 ...

279X既case無論點拗點都改變唔到條線係北區居民主導既事實，否則肯定會出下直達青衣其他部分既特班，甚至最簡單直接既改行埋青康路加站及南灣隧道，追近249X既待遇。

但諷刺既係現時keep住咁樣引青衣南居民集中果幾個站搭279X來往北區對於九巴黎講其實更好，因為可以收多堆幾蚊區內分段客，夾埋即係多堆廿蚊客，谷49X都冇咁好賺。