2022-2023年度大埔區巴士路線計劃

FBI2 發表於 2022-2-24 19:25
我覺得遲早，而且科學園假日都好多人去休閒，又合乎紅鬼搶錢願景。

再陰乾/斬件64K
又可以抽小小276系水

tonyng 發表於 2022-2-28 23:55
「窩心」嘅意思，係指A線應該盡量深入每一條屋邨／屋苑去便利居民，但冇話一定要用一條線走天涯，你唔見 ...

你 #18 原文：根本2016年A47X原方案（唔計$30.9太貴之外）大埔區內走線係龍運（定係TD?）既貼地又窩心的安排
你明確指出 A47X 原方案大埔區內走線係龍運貼地又窩心的安排
除咗 #18，你喺 #13 #16 亦讚賞胡混原方案
而家諗住縮當冇講過胡混方案走線係貼地又窩心？
似乎選擇性失憶同選擇性失明嘅係你唔係我

你喺 #18 形容胡混原方案係貼地又窩心
咁請你回應一下
胡混原方案喺外圍行過富亨富善呢兩條冇 E41 嘅邨而唔係入邨
呢啲係咪就係你口中嘅"A47X 原方案大埔區內走線貼地又窩心"？

你喺 #18 亦提出：既然改埋今次，所經之地區／屋邨屋苑反正都差唔多變返原來方案，只係走綫唔同，唔爭在下年RPP將走綫理順，改返行2016年方案好過
如果由現時方案變返 2016 原方案
第一、冇 E41 嘅富亨就會由有入邨車變到要行出去汀角路先有車，回程更加要過天橋先返到屋企
唔知呢啲係咪就係你口中"令到拖住又重又大的筴的乘客可以行得最少步程就返到屋企"？
第二、冇 E41 嘅火車站將會由原本大埔區內行 1 公里就上公路變為行 7 公里先上到公路
唔知呢啲係咪就係你口中嘅"貼地又窩心"？

根本你連胡混原方案點行都唔知就吹奏咗先，仲要吹到大一大
俾我踢爆胡混原方案完全係玩 E41 服務範圍以外嘅邨之後
就諗住扮冇讚過胡混方案
咁新嘅 RPP 係公開資訊，而家都可以喺網上搵到
我建議你下次做好資料搜集先

YY487 發表於 2022-3-5 15:33
你 #18 原文：根本2016年A47X原方案（唔計$30.9太貴之外）大埔區內走線係龍運（定係TD?）既貼地又窩心的安 ...

我再重申一次，我一貫立場就係A47X區內(太和至白石角)太兜，長遠係要一拆二、均要深入區內各屋邨屋苑、維持原價。（相同立場我在其他FB交通Group都申述過）我要講嘅就已經講晒。

P.S. BTW, 幾年前271X大埔走線已經同你立場唔同交手(嘈過)一次，呢條thread唔想再同你糾纏落去。

tonyng 發表於 2022-3-5 23:01
我再重申一次，我一貫立場就係A47X區內(太和至白石角)太兜，長遠係要一拆二、均要深入區內各屋邨屋苑、維 ...

你一邊聲稱 A 車要均要深入區內各屋邨屋苑
另一邊將唔深入區內各屋邨屋苑嘅胡混 2016 原方案讚到貼地又窩心
你會唔會檢視下你呢啲自相矛盾嘅講法?

其實你唔需要講咁多嘢轉移視線，不斷重複 A47X 應該拆線
我從來冇評論過你提出"A47X區內(太和至白石角)太兜，長遠係要一拆二"呢樣嘢
我由頭到尾都係針對你 #13 #16 #18 不斷大讚胡混 2016 原方案嘅言論
我已經喺 #49 #52 列出我嘅理據
如果你要反駁，應該話如果你反駁得到嘅話
你只需要正面回應我 #49 #52 嘅回文
冇需要不斷轉移視線

你功課做唔足，俾我踢爆胡混原方案同你嘅形容係兩回事
解釋唔到胡混原方案點樣"貼地又窩心"
無從反駁就諗住攞個尾彩話"唔想再同你糾纏落去"，得啖笑
你收返 #18 "根本2016年A47X原方案...大埔區內走線係龍運...既貼地又窩心的安排"呢個誇張兼失實嘅形容咪冇人會糾纏你