高鐵往來西九龍站與福田站一月十日起加班

s3n370 發表於 2024-2-15 06:04
港鐵對高鐵嘅營運無乜話事權，個人認知都係睇廣州頭，
廣深港就難以寄予厚望架啦。

都係之前講嗰樣野，堆埋一齊開係縮短最少間距啩
始終高鐵加減速度低，由二三百落零再上二三百要時間，埋站減速嗰下亦會頂住後面

其實呢啲玩下啲排班game都知
如果要每班慢車都拉開啲全部畀快車夾住，基本上整體間距係會長咗，總班次少咗

s3n370 發表於 2024-3-3 21:10
你話枕住5/10/15分密密就話。
而家係一堆車响短時間黎哂，再隔半粒鐘甚至更耐先至黎。

嗰位ching個case嗰到，考慮個點係G305票額比較少啩
国鐵賣飛制度亦係好搞笑的，明明鼓勵人提早book，但又會鎖票，尤其係中短途 (例如京滬堆標杆，上海去南京呢啲嫌你搭得短唔會畀你提早買)，當日甚至臨開車前一個鐘先放出黎賣
套用落嗰個case到，G305都唔一定會賣短途，可能太多人長途落西九，呢班車深圳去西九嗰水就係咁先，所以變咗會同G5655隔好近，無位都唔洗要人等多好耐啩

Ricky403 發表於 2024-3-3 22:09
嗰位ching個case嗰到，考慮個點係G305票額比較少啩
国鐵賣飛制度亦係好搞笑的，明明鼓勵人提早book，但又 ...

我果日係調返轉，G5655賣哂，而G305啱啱好有幾張，結果架車埋福田時應該得兩三成滿，但打爆返香港。

鎖到最後肯放出嚟，對短途客都可以接受。又其實香港覺得自己好多客，但套落廣深高鐵都未必有壓倒性優勢。但北京-南京-上海，對比中間堆細站係壓倒性咁多客，而深港對比返應該係杭州去上海，真係完全無辦法係可以搭地鐵搞掂。

Ricky403 發表於 2024-3-3 14:04
都係之前講嗰樣野，堆埋一齊開係縮短最少間距啩
始終高鐵加減速度低，由二三百落零再上二三百要時間，埋 ...

打機就話過到關唔出事就贏。現實上好多時都要optimise。

將service pattern相若嘅列車group哂一齊開，係可以減少間距開密D，
正如機場安排航班升降都會儘量安排heavy non-heavy一齊。

不過就算唔睇現實，理論上都有問題：
排到盡就話用呢招開多D車啫，而家唔係日日春運黃金周。
更何況而家係一排無車黎，一係就夾埋一齊，即係無車黎嘅時間無好好被利用囉。

第二，用得呢個concept一定係按直達/停站車咁group，
而直達車又一定係响停站車停站果陣飛站爬頭。
諗下成村直達車要飛站，等好多班車先至有空檔離站，
架車咪要行耐D做少轉？
東海道大多數Nozomi，都唔會咁迫到Hikari Kodoma等好多班車先至走到。

同埋，就算開車果下group埋一齊，去到中途快車開始爬頭，咪一樣會打散哂？

睇番京滬，標杆大標杆就有pattern，慢兩粒鐘+嘅站站樂就無。
撞埋一齊就會出現有D快車，唔駛跟慢車好多個站就可以去到有fast track嘅車站爬頭，
有D要跟耐D。

一set pattern就可以睇下邊度爬頭最好去set pattern，咁快慢車都可以行順D。

個人睇唔到咁排班係出自技術層面問題，而係營運方針同點定優次。

s3n370 發表於 2024-3-4 05:41
打機就話過到關唔出事就贏。現實上好多時都要optimise。

將service pattern相若嘅列車group哂一齊開，係 ...

「唔係日日春運黃金周」
估計因為唔想節日攝時間開臨客同時要改正班時間
所以平日都留定位畀臨客，將啲cycle拉到好疏甚至一日內無cycle可言 (類似東北新幹線)

巴士就話編完師傅表後收咗車，可以拉上補下令班次無咁唔平均
鐵路得嗰兩條線，又用booking制，用最大運力編完表，再收起啲班次，之後唔會拉番勻咁解啩

時間表有留位同無留位爭好遠
同樣日本，大地震後加開嘅一班上行hayabusa，停站係跟最快班次 (新青森、盛岡、仙台、大宮)，但時間幾乎等於最慢嘅班次

Ricky403 發表於 2024-3-5 15:18
「唔係日日春運黃金周」
估計因為唔想節日攝時間開臨客同時要改正班時間
所以平日都留定位畀臨客，將啲cyc ...

咁响現有時間表預埋大節嘅臨客班次，又真係唔奇。

不過都唔駛將現有班次迫埋一齊，之後一大段時間無車。
預兩三班正常再攝若干臨客，一樣做到同樣效果。

就算延誤都可以果兩三班車之後嘅buffer處理。

s3n370 發表於 2024-3-7 04:13
咁响現有時間表預埋大節嘅臨客班次，又真係唔奇。

不過都唔駛將現有班次迫埋一齊，之後一大段時間無車。 ...

因為隔離post順手去撳聽日深北上廣州南班次睇睇
其實呢個區間就朝早真係好平均，多數都係5/6/7間唔中就留個位隔10或12分鐘，黃昏開始多啲長間隔同唔平均間隔，好似G1016開17:04，下班G6042開17:25；G6232開21:59，G6210開22:04，G6506開22:38，G6330開22:45
你講嗰樣野似乎純粹係西九先比較大問題，落西九嘅車唔係喺深圳北堆車入面算平均分布，當中可能係為咗部分直通去汕頭班次行車時間快啲而犧牲平均間隔，又或者係慳車，廣深自己轉啲車唔想為夾出西九平均間隔而嘥時間喺深北或廣州南等，甚至直頭無位畀佢等
不過西九長途車個營運安排係廣鐵由廣州南或深北先送架車落西九同食一水廣深港，之後先喺西九做長途車北上，令件事更複雜
就好似之前講過，要長短途套跑又夾番出平均班次，咁西九站都未必夠月台去擺堆未夠鐘開嘅車

Ricky403 發表於 2024-3-8 09:15
因為隔離post順手去撳聽日深北上廣州南班次睇睇
其實呢個區間就朝早真係好平均，多數都係5/6/7間唔中就留 ...

咁就算有規律咁開，班次平均D都只係逐個遠路D嘅目的地去睇。
而近住尾站時密時疏，有十零分鐘嘅差距其實好正常。

當然港鐵要改班次未必有好大say，始終港鐵只係管一段仔，
唔似其他局管一大個網絡。隨時自己D車爭路行都有排夾。

上深圳北都話要同好多車夾，但係福田短棍派番勻D，顧慮少好多掛？

用番港鐵嘅時間表推算，例如G5810/5860隔7分鐘連開兩班福田短棍，
但對上同打後前後去福田嘅就隔半個鐘/20分。
理論上5810早5分開、5860遲5分開就已經可以拉番勻D。

對番呢兩班車之前/之後10分鐘内都無車開，
而呢兩抽車睇落亦接得番之前同對落要跑嘅班次。完全係doable。

另一個可以諗嘅係現時無乜車會响福田爬停站車，對調停/飛福田車，
令班次勻D亦得。反正去深圳北嘅班次密好多。

以上只係對調而唔係加車，係唔會令到西九龍唔夠月台嘅。
就算唔夠位，睇番長途車嘅時間表，有D車到香港應該唔可能响西九等到夠鐘返內地，
亦唔似跑短途車，唯一合理解釋係私去石崗等夠鐘。

s3n370 發表於 2024-3-14 07:54
咁就算有規律咁開，班次平均D都只係逐個遠路D嘅目的地去睇。
而近住尾站時密時疏，有十零分鐘嘅差距其實 ...

到港長途車，多數都起碼做番上深圳北或廣州南再收廠喎
係龜鐵車先至收石崗

福田車都開到爛時間，咁真係要落到營運層面，或者有路邊料先知入面發生咩事啦