高鐵往來西九龍站與福田站一月十日起加班

Ricky403 發表於 2024-2-9 12:46
安全距離排班嗰陣實會考慮，只係邊架車就邊架車，同埋駛唔駛就姐
唔同路局各自為政只係解緊佢地因為路況 ...

加埋国鐵中短途個票價唔太回到本㗎，要做長啲，等車上嘅人肚餓頸渴去買野食野飲黎改善盈收（好似係）

Ricky403 發表於 2024-2-9 12:49
加埋国鐵中短途個票價唔太回到本㗎，要做長啲，等車上嘅人肚餓頸渴去買野食野飲黎改善盈收（好似係） ...

應該話大陸既文化係, 寧願一車到尾, 座耐D,都吾寧願轉車! 所以先導致有甘多超長途站站停既高鐵出現!

HU6455 發表於 2024-2-10 22:43
應該話大陸既文化係, 寧願一車到尾, 座耐D,都吾寧願轉車! 所以先導致有甘多超長途站站停既高鐵出現!
...

以前都冇轉乘概念，所以都係盡量要始發同直達車，依家就真係好似香港某巴士公司咁，經常叫人轉車

Ricky403 發表於 2024-2-9 04:46
安全距離排班嗰陣實會考慮，只係邊架車就邊架車，同埋駛唔駛就姐
唔同路局各自為政只係解緊佢地因為路況 ...

你嘅意思係咪即係，排班時優先俾標杆車，之後就係長途跨線/局，
最後先至係局內車。咁我所講嘅“各自為政”個邏輯一樣，只係實際優先次序唔同啫。
咁就明顯唔係各自為政，而係先後次序唔同啦。


你所講嘅不規則排法同攝多D車其實一D關係都無。
之前先講完鐵路容量受制於列車間嘅安全間距。
無論正線同跨線車係乜比例都好，兩款車嘅數字加埋一定唔可以多過主線嘅容量。
主線車多就唔會多位攝跨線車，反之亦然。
不規則排班可以攝多D車呢點係唔成立嘅。

標杆車跨線車有優先權，搞到正線車都要不規則咁開。
咁問題來啦，若跨線車係完全無pattern 的話，
咁頂多都係某D時段係撞到應嘅啫，又何以搞到全日都亂哂呢？

而响中國內地搭鐵路要預先訂飛提早去到安檢，本身就更值得固定間距。
客流量本身就會隨住時間日期嘅而變動。搞得固定間距即係客流夠大啦。
班次唔均勻咪會令自然變動變得更極端。
唔止係D客慘，個站人流唔平均，都令鐵路局調動人力物力更加難啦。

話雖如此，內地廿四個鐘一個循環都玩得掂，咁就算唔理想，if it ain't broke don't fix it。

而你提嘅優先次序就的確反映內地同外地嘅文化相異之處，
就係內地定佐優先嘅事，就會目標為本，其他就擺埋一邊。

外地一般都會較著重平衡，去達致最好嘅效果。
儘管外地嘅玩法，運行速度較高嘅長途列車大多數都會有priority。
不過若果俾某班長途車priority會令中短途有太大阻滯，咁長途車响呢D位都要讓一讓。

s3n370 發表於 2024-2-13 07:40
你嘅意思係咪即係，排班時優先俾標杆車，之後就係長途跨線/局，
最後先至係局內車。咁我所講嘅“各自為政 ...

最後都係出現因為難夾定點班次而放棄整定點班次嘅情形
撇除直唔直通其他路線嘅因素，之前都提過，唔同站客量唔同，唔同班次停站同行車時間唔同，都令件事難搞

不過有部分都係$$$$問題
京滬堆標杆車，編號最細佢最大，咪有上海虹橋開XX:00嘅定點班次囉

你所講嘅不規則排法同攝多D車其實一D關係都無

呢個唔啱，因為唔同車停站唔一樣，行車時間唔同，尤其標杆車唔會停細站
前後車行車時間差距越大，可以做到嘅最細headway越大
以廣深港做例，跨線車集中近中午同夜晚行，少車停虎門光明城呢啲細啲嘅站，可以縮窄行車時間差距，容許更密班次

當然你可以話跨線車停埋啲細站咪得，但國內有啲細站個客量淨係夠一日幾班，齋做通學或通勤班次；中午同頭尾就唔會夠站員安排上落客
外國啲鐵路可以玩地鐵化，啲細站唔搵人睇上落客，都唔會出事，逃票又由得佢，咁咪可以多啲班次停

班次唔均勻咪會令自然變動變得更極端。 唔止係D客慘，個站人流唔平均，都令鐵路局調動人力物力更加難啦。

客都要買定飛book咗位先至可以入站，唔會令個站人流嚴重唔平均
加埋hub站多數起大咗去應付春運，就算人流唔同時段唔平均，其實唔係咩問題
調番轉，可以喺客量低嘅時段熄部分燈、安排少啲人當值去慳$$$$添

Ricky403 發表於 2024-2-13 04:43
最後都係出現因為難夾定點班次而放棄整定點班次嘅情形
撇除直唔直通其他路線嘅因素，之前都提過，唔同站 ...

既然細站停車唔多，那怕係無額外軌道俾車飛站，
最壞咪只係有果三幾班車停嘅時段影響到正線運作，
無車停嘅大部分時間都係掂行掂過架啦。
咁點解可以全日都夾唔到呢？更何況大把如光明城嘅細站有路軌俾車飛站？

就算前車要停細站，後車唔停，最壞嘅情況講緊要兩車相隔唔夠多先至會出現，
亦只係跟尾去到有路軌爬頭為止。
不過話說回頭，無爬頭軌之下，排停站車行先，
後面不停站車仲要跟到咁貼，咁排法究竟係畫train path/交路果個唔夠功架，
定係起車站果陣目光唔夠遠大，無起定路軌俾車飛站呢？

至於人流問題，而家正正係聯合到站班次，一係連續幾班車隔幾分鐘，
跟住就大半個鐘先至再黎幾班，咪人同地方時刻都要維持高峰運作囉？

既然你都認知車站就係為春運黃金周嘅高峰而設計，鐵路本身亦然，
咁即係鐵路嘅班期响平日，唔駛預到咁忟啦。


任何鐵路網廣闊發達嘅地方總會有N咁多個交匯，
亦總會有大中細需求嘅站，一樣可以砌得到有規律嘅時間表。
個問題恐怕只係點解唔排得有規律，而唔係做唔到。

s3n370 發表於 2024-2-14 08:42
既然細站停車唔多，那怕係無額外軌道俾車飛站，
最壞咪只係有果三幾班車停嘅時段影響到正線運作，
無車停 ...

如果你講緊西九站，咁仲有交路同政治問題會阻礙打散班次，龜鐵車去到最遠廣州南，一定要南下番西九龍 (否則更加蝕錢)，如果想做規律班次就要等夠鐘，但隔離版版友一早話廣州南無咁多位畀你慢慢等，同理西九站都無咁多月台可以擺車，結果是旦一程撞埋其他車都係意料之中
其他局有得套跑，情況或者好少少，不過要夾到好多條線都有每個鐘重覆嘅定點班次，講緊全国高鐵客專網絡過千車次大量直通同停站pattern底下都唔係容易嘅事，最後都係得京滬標杆有呢個條件做
至於其他hub站，講真當路線同班次夠多嗰陣，平日真係唔太覺會有一啲時間特別多人而其他時間少好多人

唔係話做定點班次唔可行唔得，而係国情底下背後需要多好多資源同埋負責路局 (擔當) 嘅叫價能力 (龜基本上係無的，亦不屑於經營)，有限嘅月台/到發線已經大大限制咗可以搞定點班次嘅路線數量
而當普通高鐵甚至客專都一般做唔到每個鐘重覆嗰陣，每2-6個鐘重覆，同每日重覆，又有幾大分別呢

Ricky403 發表於 2024-2-14 07:12
如果你講緊西九站，咁仲有交路同政治問題會阻礙打散班次，龜鐵車去到最遠廣州南，一定要南下番西九龍 (否 ...

港鐵對高鐵嘅營運無乜話事權，個人認知都係睇廣州頭，
廣深港就難以寄予厚望架啦。

不過奇怪嘅係京滬除佐標杆大標杆外，
每個鐘至少都有另外兩班停細站嘅高鐵都係聚埋一齊咁開。
香港就話變遺址，沿路往返京滬都搞到咁就幾奇怪啦

可能係空管太嚴，高鐵瞓响度都贏啦

s3n370 發表於 2024-2-15 06:04
港鐵對高鐵嘅營運無乜話事權，個人認知都係睇廣州頭，
廣深港就難以寄予厚望架啦。

試過星期日晚南下，G5655同G305隔幾分鐘都可以兩班都滿，福田個月台排到頂對面幕門再轉彎，似乎需求隨住加經停福田嘅車真係多咗。

京滬呢類中長途另一個問題係標杆同站站樂可以差幾個鐘嘅運行時間，而日本、台灣面積有限，相對快慢車嘅時差未有咁跨張。

巴士的膠 發表於 2024-3-2 15:43
試過星期日晚南下，G5655同G305隔幾分鐘都可以兩班都滿，福田個月台排到頂對面幕門再轉彎，似乎需求隨住 ...

你話枕住5/10/15分密密就話。
而家係一堆車响短時間黎哂，再隔半粒鐘甚至更耐先至黎。

派得均勻D，安檢、出入境、海關、甚至月台條扶手電梯，都多少少時間清客，同樣咁多客，大家都唔駛等咁耐
咁多客仲要夾硬聚埋一齊，從效率黎講其實係唔理想。

你話香港福田只係响條支線度，仲要係廣州話事，就做唔到D乜。

京滬站站樂話就停細城細站（相對京滬係細），不過需求班次就一D都唔細囉。