回鄉記 鐵路篇 (1)：倫敦周邊見聞 (多圖)

JH_LE4612 發表於 2024-3-5 23:17
WLO一直都係做緊雙Y嘅規劃 (北面駁 Hend/West Hampstead TL，南面駁Hounslow/Kew Bridge)，頂盡係要計下 ...

WLO嘅主菜都係協助城市發展，直白D咪可以俾現有用地起多D屋住多D人。

D車點開係要夾，但係問題唔係真係大。

WLO最繁忙都係接入Thameslink。
TL Core section繁時開緊20 tphpd，最盡可以開24。
北邊一離開St Pancras/南邊一離開Blackfriars就要分道揚鑣

WLO預計最多開8 tphpd，我當入TL都要避埋快車，
WLO只係需要攝番TL走佐過Cambridge果邊之後留低嘅空檔就得。
至於Richmond LO同Hounslow loop班次更疏，更多位可以攝。

更重要係WLO唔係隊架車落去行就得，計劃入邊要起新站，咁照計現有車站/軌道改建唔會少。月台唔掂都可以起reverse track。


而Hounslow loop大部分車站都接近Piccadilly Line，
而據TfL自己嘅調查，距離Jubilee / Northern / Victoria Line更遠嘅SE SN站，
好多人就算住响火車站隔離，都情願搭巴士轉tube。
我估Hounslow loop情況應該相若？

响交通運輸層面，TfL想善用NR嘅運力，
唔想明明隔離有鐵路坐都走去打爆條Tube。
跟手善用到堆under utilised嘅鐵路，又可以起多D住宅，
呢個咪係想食埋呢堆NR嘅原因。

s3n370 發表於 2024-3-7 04:09
WLO嘅主菜都係協助城市發展，直白D咪可以俾現有用地起多D屋住多D人。

D車點開係要夾，但係問題唔係真係 ...

咁呢個當然，OOC喺TfL計劃入面係大型Opportunity Area嚟，以前仲有個講法話係CBD3/Canary Wharf 2，不過依家高鐵同商廈一齊縮水，就算啲公司想推人翻office 都唔一定谷得起，反正同時都有唔少 office downsize緊。OOC要夠吸引，南北接駁要通，WLO其實可以。

起月台執路軌當然唔少得，Neasden Harlesden甚至OOC自己都要砌一大堆天橋月台比人轉車，semaphore signal都要炸，但係相比起其他計劃(包括呢兩個月選舉前夕開始有翻啲風聲嘅XR2)簡單得多，起碼個 alignment喺度先。

頭先手痕㩒下地圖，嗰段MML好似係六軌，如果肯起新月台嘅話應該唔使同快軌打交？阻到快TL都冇太大所謂(反正core section成日倒塞)，但阻到EMR就打亂哂上面，我估多多錢都寧願起新月台算。

以前正正就係住過倫敦SE站附近，火車班次有時真係唔靚，又黐埋一齊到又疏，反正之後都係轉地鐵，所以咪咁多人揀巴士轉地鐵。另外有唔少站出面嘅密度其實唔高，直接受惠於火車嘅人唔多，變左好多人本身都要駁多程巴士，咁倒不如直接搭到地鐵站先算。就算比你起到Kidbrooke咁密，得一個站多人，SE都懶得加太多班...

JH_LE4612 發表於 2024-3-10 00:43
咁呢個當然，OOC喺TfL計劃入面係大型Opportunity Area嚟，以前仲有個講法話係CBD3/Canary Wharf 2，不過 ...

好粗略對過TL同EM嘅時間表，EM off peak只係開緊6班車，
一係同TL嘅快車一齊開，又或者响頭幾個站就爬佐TL嘅慢車。

至於XR2我估煲水居多，先前其中一個斬HS2嘅理由，
就係投放更多資源落其他地區嘅基建。而家大部分企業，
包括TfL Network Rail都要員工返多幾日，而家office嘅需求應該會反彈。
WCML同SWML都爆嘅情況下，斬HS2 phase 2同拖住XR2下，
當局會點解決呢兩條線嘅鑊都係個有趣嘅課題。

AV115 發表於 2024-3-3 06:46
可能 West London Orbital 通車就係契機一嘢大執 Hounslow Loop，然後就有機會順便重整吓而家混亂到不堪 ...

對於乘客嚟講，服務太複雜會難以記住班次細節，以至出現誤乘情況。
但重組同時亦必須顧及乘客出行需要，否則效果隨時不堪設想。

s20131417 發表於 2024-3-21 21:10
對於乘客嚟講，服務太複雜會難以記住班次細節，以至出現誤乘情況。
但重組同時亦必須顧及乘客出行需要， ...

有冇諗過收收聲先？唔熟悉可以唔搭嗲，個個post都見到個連ChatGPT都不如嘅廢噏

英國嘅通勤火車大多數係每個鐘頭同一分（eg 17分快車往A，02 32分各站停車往A，47分快車往B），如果日日搭嘅通勤客連自己要搭嘅車都記唔到，不如索性過主