原帖由 lsc04d11 於 2013-12-28 15:31 發表 
咁呢個司機好明顯係一部「駕巴士機器」，只知自己條路線，唔知道自己經過的那條名為「西區海底隧道」………
有時，我都話，唔係我地要求高，有d係做事的人要求低，連最簡單的基本東西也不知道。
一係就佢地唔好服務態度，咩都話 ... 最簡單的基本東西 」。
鐵路線總有限制，車站外亦有唔少巴士小巴連接。咁個「基本」係咪要對所有途經該站既公共交通路線如數家珍、瞭如指掌，講得晒所有巴士路線、俾到所有巴士站確實位置、知道幾點有車幾點無車？如果係咁，呢位職員應該另謀高就，鐵路公司似乎唔係最適合佢既地方。
做得咁上下，車站附近環境都叫大概認識，亦知道邊啲線會比較多人問。不過，鐵路公司職員有「免費乘搭鐵路」呢個福利，大部分路線俾佢哋自己選擇時都係會首先Load到鐵路（前述大西北去落馬洲呢類用鐵路極浪費時間既路線另計）；對家巴士公司有乜嘢路線最好當然要知啦，最好就梗係極度緊貼最新路線改動，但 職員自己公務都可能繁重之時， 總唔能夠期望一有改動可以馬上Update個Database。有時做呢類顧客服務唔係想「要求低」，而係自己離開工作崗位時無太多心機去考究。「基本東西」同「合理期望」應該點樣取得平衡，小弟會咁睇：
1. 車站有附屬PTI的話（例如旺角東、將軍澳、鑽石山等），咁你話要知道入呢個交匯處既路線，就唔係好過份，可以叫得上「基本」既。
2. 車站無PTI但鄰近大型巴士站（美孚、筲箕灣、黃大仙等），咁個「基本」要求應該係Spot Out度個站響邊；當然啦，乘客問嚟問去都係問個啲路線個啲地方，要答得更準確的話就無太大困難。
3. 車站鄰近巴士站大部份係中途站（彌敦道走廊沿線、馬鞍山綫部份車站），咁你答到我個站大概響邊可以收貨。
老實講車站職員點會記得晒咁多資料，站頭點都預備一堆「參考」資料，叫做方便職員解答呢類其他公交既疑難，不過部分既更新程度似乎就太...
過去數版討論似乎開始有點Sidetrack，再用返樓主開Post時拋出幾個問題去睇：
1. 在將軍澳站問去灣仔點搭巴士？ （692取消都上過港聞，呢個問題個Sense應該比較高，職員正路都係叫你搭鐵）
2. 本（上）星期六在天水圍站問B2X o係邊度上車？（調返轉問點去深圳灣，職員應該就識啦，新線唔新線對乘客影響有限）
3. 平日早繁時段在牛頭角站問去筲箕灣搭咩巴士？（606或者有機會答到，X線真係好勉強；不過鐵路要轉兩次車路程，或者有職員答到呢個Alternative）
4. 在沙田站問點去禾輋搭689？（應該會有職員傻下傻下咁查表，之後都係答你唔到，又或者教你點去禾輋之後再自己搵 ）
顧客服務其實有教路，一俾係要準確答案，最忌點錯人；咁除非真係好肯定，唔係的話都未必敢貿貿然俾個有可能係錯既答案。
至於樓主拋出4條問題，過咗一個禮拜，做咗神秘顧客未啊？唔知問到既結果同小弟預計又相近嗎？
多言了。 | 
樓主
