對港鐵職員的好奇

原帖由 hokachung 於 2013-12-18 03:31 發表

你自己都答錯啦，彩虹站鬼有606X
職員本身未必住喺附近，平時出入可能都係靠公司車
張乘車應變錦囊寫住咩咪答你咩lor，就係咁簡單
你要怪就怪出應變錦囊嗰班人啦 ...

乘車應變錦囊這樣東西在處理上又確實有一定程度的麻煩。

唔出會驚比市民話歧視冇智能手機的市民，換得太慢又驚住內容太過outdate，換得太快又驚住激嬲環保人士和小心會影響拿到ISO14001的資格。

原帖由 4056 於 2013-12-18 14:48 發表
你唔駛好奇！如果你遇著我，你爆血管都似！

我做開輕鐵嘅，但我嘅認知真係只限輕鐵。唔好話巴士，就連其他線，例如西鐵，地鐵等等，我真係諗都廢事諗，叫你問返上面啲人。另外，我渣輕鐵嘅，唔係查飛，所以你問我車費問題，一律拒絕回答。例如 ...

據聞有客買飛出現問題嘅話（e.g.入左錢無飛出、唔識找錢），輕鐵車長需要落車幫拖
請問係真唔係呢？

原帖由 paul2357paul 於 2013-12-18 15:27 發表


乘車應變錦囊這樣東西在處理上又確實有一定程度的麻煩。

唔出會驚比市民話歧視冇智能手機的市民，換得太慢又驚住內容太過outdate，換得太快又驚住激嬲環保人士和小心會影響拿到ISO14001的資格。 ...

其實處理乘車應變錦囊同處理車站指南差唔多，都係該update時update
舊版攞去廢紙回收，一樣可以好環保

原帖由 hokachung 於 2013-12-18 20:23 發表

據聞有客買飛出現問題嘅話（e.g.入左錢無飛出、唔識找錢），輕鐵車長需要落車幫拖
請問係真唔係呢？

唔駛，只需call上去搵人來就ok。

可能HR真係好討厭我呢種人，但D求職雜誌又成日話要誠實話俾見工者你既才能，或對份工既優勢，而且公司不是愛請一D對公司熱心的員工嗎？
今次事件就係反映職員對交通配套不太認識，就算見工時冇咁多認識，都好應該在工作上任後學習及了解更多。我其實不會要求太高，前線唔識可以問高層，但起碼唔好完全俾唔到答案。(大家討論好多後生仔有什麼手機可以自己查，但今次事件，抱怨的很多都是長者呢！長者依靠職員，很正常吧！)

當你去競爭一樣野時，輸左，見到競爭對手好勁，你都會心服口服。但見到競爭對手明明差好遠，又做唔到要求，你會唔會唔gur？

如果大家認為做港鐵就真係只理港鐵既事/知識既話，咁我只能慨嘆……我唔要求多，起碼港鐵出事時都知道教人點樣搭。
(若九巴司機在香港島被人問路，都不會只答九巴路線，難道有一些較直接較便宜的新巴/城巴路線，你不會建議他選用嗎？)

同埋呢個post我都想帶出，香港人本身(非指職員)對自己身邊的環境都不太清楚及重視，難道你由將軍澳去觀塘返工，你的交通知識就只限來往此兩地的路線？起碼將軍澳來往各地及觀塘來往各地既基本路線知識都要知道吧……如果唔係人地約你去邊度邊度，又要人教你？
難道有個急症室電話打黎，call你過去(whatever理由)，你要問番一個好忙既急症室護士，醫院點去？
見到B2版有post話耀興路仲有大把學生等606A番小西灣，學校又不太重視，在早會上講一聲溫馨提示真的這難？D學生遲哂到，寫原因係「巴士路線取消」，呢個原因我覺得接受唔到囉。

分開兩面來講

如果講緊去見工，最重要明白公司文化，
假如誠實並不是這間公司的文化，你誠實只會被當成隨時披露公司機密的計時炸彈；
假如這間公司重視規章程序與政治正確多於以最快時間實際解決問題，
有才幹有主見的人只會被當成搞事分子，令管理層覺得被內外夾擊。

但我都同意好多人對身邊環境實在太唔了解。
好似將線故障當日，我識得有人在調景嶺返寶琳用了1.5小時，因為佢唔識搭乜野巴士。
睇返我自己，知道可能搞到七點半，就有預計假如觀塘線頂唔順，我可以搭東鐵轉小巴。
如果係我被困將軍澳，巴士上唔到、的士等唔到，無辦法之下行路都要了。

我細個有巴士證，搭開巴士，對路面交通同香港城市面貌有較深認識，
但隨著鐵路越來越多，後生仔有學生優惠，
寧願轉幾次車企成個鐘都唔識用40分鐘坐一程巴士，養成依賴是必然的。
至於成年人，就有好多係市鎮發展好才遷入，一開始已經有鐵路，都唔識自己去發掘巴士小巴網絡。

唔好講咩啦，早幾年91M仍在安寧花園做總站，我媽在厚德想去返總站搭車，
結問問勻成條街都冇人答到佢（照道理班人係街坊黎架喎），最後都係靠自己摸到去。

[ 本帖最後由 DIH 於 2013-12-19 09:13 編輯 ]

當我在隔離鋪睇唔過眼鬧爆當日將軍澳綫/觀塘綫改道後車長亂報站,
北角下一站係鰂魚涌係常識都可以報左做油塘, 而將鰂魚涌英文
讀成Causeway Bay亦揭露左車長英文水平.

我唔敢講港鐵所有車長甚至職員的車站知識和語文水平都好似呢位車長咁強,
但連基本路線知識(其實只係照讀)咁貧乏的人都可以擔任車長,
樓主亦唔好期望咁大, 要鐵路職員連路面交通工具知識都要知得
一清二楚喇!

[ 本帖最後由 EX-TL 於 2013-12-19 10:08 編輯 ]

原帖由 lsc04d11 於 2013-12-19 06:04 發表
(若九巴司機在香港島被人問路，都不會只答九巴路線，難道有一些較直接較便宜的新巴/城巴路線，你不會建議他選用嗎？)

你肯定? 我唔認為九巴司機一定要知道對家既路線喇
even 你係度問住九龍/新界既巴迷對岸既巴士路線
我諗唔會個個唔使check都搭到你所有對岸路線既走線車費服務時間啦....
我亦都想知閣下係咪對你屋企樓下既衣食住行所有方面都咁瞭如指掌....


仲有, 見你又舉香港人對自己身邊有咩交通工具唔清楚唔重視呢樣野
我都係不厭其煩loop多次
我曾經有個朋友, 佢連自己樓下有咩巴士線去咩地方都唔知
次次去街唔想保鐵就打黎問我去邊度邊度有咩車搭
but so what? 人地咪一樣返緊高薪厚職囉....
比著係你, 我諗你又會唔鋸人喇...

最後, 見到你話要學校係早會提學生無左606A
你認為呢d 係學校責任?
你認為學校高層老師要識晒所有附近既巴士小巴路線仲要每日update?
咁如果講完行, 到食喇, 學校附近有餐廳開業或者執笠
又使唔使係早會溫馨提示?

[ 本帖最後由 teddybus 於 2013-12-19 11:54 編輯 ]

樓主0既知識0係爆鑊果日係相當有用。但有幾可0係日常工作用得著？

除佐按指引做野，日常遇到麻煩、不適0既乘客0既機會，應該遠高過停駛呢類爆鑊0既情況掛？咁睇法有急救牌可能更有優勢。

除佐樣技能有無用，閣下點演譯，人事部點睇，都唔可以忽略。

原帖由 lsc04d11 於 2013-12-17 20:11 發表
琴日事故，有報紙報道明明冇左692，乘車應變錦囊仍然有。呢點我都認同港鐵，剛剛才取消，咁又無理由印得咁快，update得咁快。但連職員都繼續建議過海乘客搭692……

我就好奇想知，如果我問以下車站既職員以下既問題，會否得奇怪答 ...

關於問題三，小弟設想自已係車站職員，就算私下教親朋好友搭東隧巴士，甚至自已放棄免費搭地鐵，遇著個客咁問，都係教佢搭地鐵去到柴灣站，再搵果度同事幫手，而唔會教佢搭D乜乜606x / 紅小。

將軍澳線停駛果日，咪教佢經旺角金鐘囉。

自已本份都做唔好，仲要明倒公司米，博炒咩。

[ 本帖最後由 s3n370 於 2013-12-19 13:14 編輯 ]

原帖由 s3n370 於 2013-12-19 13:12 發表


關於問題三，小弟設想自已係車站職員，就算私下教親朋好友搭東隧巴士，甚至自已放棄免費搭地鐵，遇著個客咁問，都係教佢搭地鐵去到柴灣站，再搵果度同事幫手，而唔會教佢搭D乜乜606x / 紅小。

將軍澳線停駛果日，咪教佢經旺角金鐘囉。

自已本份都做唔好，仲要明倒公司米，博炒咩。

請參巧小弟#9帖子。

我就係會教佢搭巴士，我仲要係著住港鐵制服嘅時候喺月台教佢搭巴士。例如去旺角就68X，銅鑼灣就968等等。總之佢問我路，我一定答倒佢最直接路線。甚至乎佢問點去赤柱我都會答佢。

試過有人問點樣去羅湖，我隔離個師兄即刻答「西鐵去紅磡轉東鐵」，我即刻好大反應「你冇病牙話？276去上水轉火車，一個站唔好？」。個師兄先醒起巴士快啲。

我嘅本份係為自己而做嘅，唔係為公司而做嘅。我係公司嘅本份只限渣車。擺明倒公司米架喇，so what?博炒？我犯咗咩例呢請問？

將軍澳線停駛，緊係教佢601,619過咗海先啦！