新皇崗口岸巴士服務詳情

kei_hk 發表於 2026-9-14 13:54
純風險管理﹐一開波就預左大客流﹐應該唔會選10月國內長假啟用。

最怕係個個關口都唔夠車用﹐仲要分批車 ...

咁其實都要面對呢個問題㗎，早啲開咪可以早啲體驗到呢個風險

williamau 發表於 2026-9-18 08:54
某報指預計會係10月12日正式開通...

咁即係一嚟就直接重陽3日連假做壓力測試，上次端午節深圳灣出哂事，而家咁有信心直接喺3日連假前啟用

計我話最好就延遲多一個星期，等到10月20先至啟用，適逢10月24係港鐵半價日，好多人會走去搭鐵北上，咁新口岸就唔使咁快要面對假日人流壓力

不如10月24啦
嗰日有半價鐵 可以分流走一部分貪平嘅人
兼且市區巴士都少咗客

tommy14D 發表於 2026-9-18 09:00
成個黃金週都唔開，喺都要拖到， 唔爭在過埋重陽先開啦

唔係，計重陽節前開估計都係踩住Deadline嚟安排，因為本身APEC啲先遣人員就要到深圳喇，一般會提前一個月左右到埠，以便安排相關事宜，之前新聞已講過新皇崗口岸係APEC參會人員重要嘅進出口岸之一，擺明之前上面阿爺已經講開哂，肯定有人會經此到深圳！！再拖落去就大件事喇

Quanta 發表於 2026-9-18 09:16
不如10月24啦
嗰日有半價鐵 可以分流走一部分貪平嘅人
兼且市區巴士都少咗客

其實鐵路半價完都要13蚊，都係貴

傳12/10 開

tommy14D 發表於 2026-9-18 09:03
咁其實都要面對呢個問題㗎，早啲開咪可以早啲體驗到呢個風險

問題係﹐幾間巴士公司是否全面ready?


巴士公司及政府是否已經摸熟乘客的坐車模式﹐有什麼改變?


真係10月1日開﹐一開波就即刻中人流最高的日子﹐完全沒有機會按經驗去調派車﹐齊齊爆大鑊的風險高。


相反﹐避開國內長假後﹐人流回復正常。
巴士公司及政府就可以慢慢了解乘客乘車模式的改變﹐吸引實際運作經驗﹐調整車輛調配策略。



ps. 仲未計算巴士公司的新巴士﹐因為口岸未知幾時啟用﹐押後出牌程序﹐令到車輛數目不足應付國慶長假期的需求。

Ohm 發表於 2026-9-18 09:16
咁即係一嚟就直接重陽3日連假做壓力測試，上次端午節深圳灣出哂事，而家咁有信心直接喺3日連假前啟用

計 ...

重陽唔係國內假期﹐即係只係得香港人放假。


當係一個 "公測"﹐比大家了解一下新屎坑﹐順便做埋真正的壓力測試。

TA7343@N241 發表於 2026-9-14 18:05
最近兩個星期日晚福田返香港。
搭B1係要由站頭兜到站尾，再兜返站頭先上到車。
對上一次返到站頭仲打埋蛇 ...

咁B1都開少咗好多車
以前10分鐘閒閒地4架，而家有3架都還神
河邊多數已經無車擺喺度
甚至平日係即補即解，黎到落完客就要準備去上客

kei_hk 發表於 2026-9-18 09:46
問題係﹐幾間巴士公司是否全面ready?

如果按風險管理角度以至意頭，8號（星期四）開會更理想。
依日係大陸黃金周後第一個工作日，跟住個星期六係要返工返學。

況且，以香港角度，17-19號重陽長周末前仲有個星期六日做緩衝。
巴士公司可以根據10-11號客流分布，評估17-19號要預幾多車。
特別係19號晚回港潮。