路過講兩句。講真依家條 39M,自從無咗堆 3 字頭掛牌車之後,不時見到有直梯出現。呢一兩個月好返少少,但再前排 (秋天果陣),39M 經常亂派車,又有 ATEU,又有樣版 B9 等等,根本無視乘客需要。
最慘果樣係轉乘,喺富華街等車上山,條隊已經長,不時排到去力生間越南野度,仲要轉埋彎,然後出架直梯。果個站有 ETA 螢幕,有時上客上得七七八八,排頭班人見到就快有其他線到,就等下一班,而要轉乘乘客 (包括我) 見到前面唔郁,又唔知係上滿定班人唔肯上,萬一跑上前然後架車關門走人,都幾難入返條隊中間排。
放工時間等 39M,果個站真係可以連 30 都一站打爆架 ATS,好在 ATS 仲有個輪椅位可以逼多幾個。就算 39M 有派 12.8,其實一樣頂閘 (當然 ATS 頂閘仲辛苦,因為 ATS 比較 chok)。
有時嬲果頭,真係行上山算