2025-26年度已公佈的巴士路線計劃

長話短說，

一是西鐵在「美孚」做轉乘站，二是高架走線入屯門，我對此表示極大保留的態度。



「美孚」、「葵芳」其實也不適合做九地轉乘站，因步行距離太遠。

「美孚」更是要步行320米或以上，吸收力大打折扣。



而地鐵荔景站旁邊，即賢麗苑商場地下一帶，其實已勉強有足夠空間興建九鐵荔景站。

地下建站，花崗岩石層甚至無須影響山上建築，

至於冷氣機組、冷卻塔之類，可以重建賢麗苑商場後整合處理。

只係用長電梯就可接駁九地，最多用1-2分鐘時間，唔洗好似依家咁5-6分鐘。

此舉方便了轉乘，方便大西北去葵涌/青衣，及後南綫通車更可分流荃綫尖咀客流。

當初九鐵是否非要選擇「美孚」不可呢？





二，屯門要陪兜元朗，我認為應該只是暫時性的，不應該是永久性的。

如果當初地下走線入屯門，經寶田一帶入屯中，今日局面一定彈性好多。

東大嶼鐵路在屯門走線堪定無咁困難，甚至西鐵直通南下皆可。

甚至有分拆屯門出市區鐵路的可能。

如此方符合當初「西部外走廊」的擴充設計。



至於部分人對我番言論當成笑話看待，麻煩先請你睇下1998年大西北有咩發展計劃。

大西北人口潛力係大過新東，當年單計洪水橋、元朗北/南、錦田、北環綫沿路，人口隨時多出60萬，

更莫講今日有北部都會區，人口隨時對比1998年返個兩至三倍。



新東可以有兩條重鐵出市區，大西北就冇資格？

屯門/洪水橋分拆多一條完全係合理同必要，可惜當初走線設計已經定左死局，無可挽救。



概念性地講，

當初經寶田一帶入屯中，預留結構待將來大興邨重建加站，

拆綫時，朗屏做中轉站，興建天北-朗屏一段路軌，甚至過埋海到深圳前海一帶，做第二條跨境鐵路。

深圳前海-烏溪沙，命名為「天馬綫」。

然後三聖灣填海，貨櫃站同三聖邨收回重建，興建屯中-荃灣西/荔景段路軌，

列車在三聖後直接剷入荃灣西，車程約7-8分鐘。

同時加建輕鐵路軌連接三聖站同屯碼。

朗屏-屏山(今天水圍)-洪水橋-寶田-大興-屯門(屯門公園地底)-三聖-荃灣西-荔景

然後第二期通去觀塘，

荔景-讚石山-九龍灣西-觀碼-油塘

命名為「屯門綫」。



此舉可做哂以下客流：

1.屯門/洪水橋-葵青/市區

2.大西北/大嶼山青衣/荃葵-東九/將軍澳/啟德

3.荃葵-沙田/馬鞍山

遲下如果東九龍捷運在鑽石山設站，更做埋山上客流。



定線有廣泛客流支持，同時協助東九沿海一帶轉型做商用區。





我只能話定左死局，講咩都冇用。點解咁多屯門人走去搭巴士，

又何解屯門50萬人，元朗60萬，但屯公塞過㰖隧咁多？

西鐵在屯門的吸引力係差，以致難以發揮鐵路本該有的功效，這是不爭的事實。



有錢搬去其他地方住好過，一個山旮旯地方，遠離市區交通不便。

希望國家睇到呢個教訓，日後發展沿海二線城市，鐵路交通唔好搞到好似大西北咁一塌糊塗。

回帶
https://www.hkitalk.net/HKiTalk2/thread-1113965-1-1.html

真。唔駛轉車方案應該係荃灣線直接沿青公架空入屯門，仲要普速站距短，站位又靚，不過咁正俾屯門人打爆，下游又要再諗辦法。

政府係唔會為屯門投放咁多資源落去，除非係經濟發展重鎮，由人工島鐵路一事已經再次証明左，講左咁多年直去屯門南都被臨門一腳Q起去左洪水橋上前海。

西部鐵路開始規劃嗰陣只係八十年代，邊會有人估到四十年後大西北人口膨脹呢

其實當年地鐵交嘅方案啱哂樓主，以東涌綫分支起，荔景跨月台轉荃灣綫仲可以直達香港島，荃灣西亦保留咗分段嘅結構，可惜吖，政府最後buy九鐵嘅方案
至於九鐵點解唔跟地鐵，相信大家都比較清楚，因為九鐵最初規劃條西鐵並唔係本地客運專用，而係混雜咗跨境客運同跨境貨運，相信有部分原因係為咗做到原先規劃嘅葵芳至大圍鐵路嘅任務
樓主可以諗下跟佢倡議個定線，可以點樣：
1. 喺西鐵行車線以立體交叉形式分支駁落貨櫃碼頭
2. 避開元朗地下溶洞而同時設站 (如果元朗不能地底，咁九十號波屯門點都無得出市區㗎啦)
3. 經屯門前往深圳而無需途徑ban咗兩次前後一百年嘅「屯荃困難路段」

至於新東，其實1967年已經建議喺九鐵外加條沙田線出市區，而事實上東鐵綫仲要運載新界東北嘅客，兩條鐵係應有嘅

你估收地真係咁容易?
參考下當年西鐵收華基
https://zh.wikipedia.org/zh-hk/% ... D%E4%B8%AD%E5%BF%83

三隻字：結果論
政府發展香港既計劃不嬲垃圾
最近期啟德就知
冇論係起輕軌定係將商業用地改劃住宅
根本唔係以民為本

不過超級讚成5好住大西北
我有2個朋友住大興良景
每日坐輕鐵可以搞成半粒鐘先坐到屯馬
返學或者約出嚟玩真係早我成粒鐘出
最慘係次次屯門公路塞到怕,5敢坐巴士
坐屯馬返屯門基本上到天水圍先有得坐
交通超級唔方便
都關當初西鐵同道路設計失敗有關