本帖最後由 TYChow 於 2023-11-24 01:36 編輯
其實「紅巴」好學唔學,根本就係濫用咗荔廠41A「旺角匯豐左轉入新界」,就以為係快咗,但其實係要視乎巴士路線嘅目的地㗎!
彌敦道沿途大部份地方入沙田,如果行大埔道(加龍悅道入獅隧),根本就快過青沙,故此青沙喺九龍嘅優勢區域,應該係渡船街、荔枝角道及東京街以西,但係「凱婷」姐姐同西九龍嘅「地區代表」又能否掌握填海區上有幾多人要入新界返工?
不過喺2019年之後,乜鬼都變晒,區議員又轉人,「凱婷」班手下又轉人,之後又肺炎疫情客量下跌,有啲就甚至移民,結果就好多人際網絡都斷咗。
而巴士公司喺鐵仔「屯馬開通」、「紅磡過海」之後,沙田區Cut車多過食飯,甚至俾人形容做「屯門公司」。
有一段時間甚至連巴士公司公關部去攪「乘客聯絡小組」都怕咗班「沙田區巴士迷」!黃埔花園嗰次就係例子,連我都要用「車務分區」劃界先至可以提到280X及尖東「死車」阻路影響巴士行進嘅問題,巴士公司如此對待沙田區乘客,想提意見講青沙都好難!
當以上種種情況出現,加上欠人收車情況嚴重,而勞動力短缺,請極都唔夠人,連286X、287X都可以俾人Cut車,W3都要出盡「九牛二虎」之力先至開得返,青沙公路巴士線根本就無從發展!
而車長加人工的話,乘客車費過兩年之後就一定要加價嚟填數,咁大家又制唔制呢?既然「屯馬開通」、「紅磡過海」咁「興奮」嘅時候,倒不如「信奉」返「拜鐵路教」仲好過啦!