機場快線接駁港珠澳人工島口岸可行性

其實機場同珠澳人工島口岸咁近，可唔可以將機場快線延長去加個站呢？
技術上，載客量上可唔可行呢？

其實因該起隨道時順便起埋鐵路, 機鐵駁去西鐵

我相信大嶼山發展諮詢委員會 同你諗緊同一樣野，如國家下旨無話得唔得既
若然真係拉過去口岸可以同巴士搶客，又可以呃下D第一次黎香港既遊客比一舊水出市區
口岸站可以接駁轉乘來往屯門同東涌既鐵路

機場快線如果無記錯，載客率好似得45%-67%，
如果拉去口岸，我估可望提升到80-100%

waterboy1984 發表於 2017-3-2 16:03
機場快線如果無記錯，載客率好似得45%-67%，
如果拉去口岸，我估可望提升到80-100%
...

機場快線咁貴，人地駁車出東涌轉 / 坐A線唔好

waterboy1984 發表於 2017-3-2 16:03
機場快線如果無記錯，載客率好似得45%-67%，
如果拉去口岸，我估可望提升到80-100%
...

如果政府係想發展大嶼山(北)一帶﹐用來填海建屋居住(東涌新建議填海﹐MTR車廠﹐以至一直伸延到欣澳)﹐這便不要攪機場快線﹐唔好令機場快線客量大幅提升。

盡量把機埸快線日後的加班的空間﹐轉給日後的東涌線﹐以便應付日後大嶼山的通勤客的需求。
(註 : 理論上﹐現時的機場快線係可以增加車卡數目﹐在不增加班次的情況下提升總載客量)

假如真係想人工島有鐵路﹐應該係要另建新線﹐用另一條路出入大嶼山。
當有另一條新路出入大嶼山﹐機場快線拉埋去人工島我無異議。
東涌線的通勤客會分流去新路線之上﹐介時有2條線的班次分配可以分配得平均一點。

HV9990 發表於 2017-3-2 23:58
機場快線咁貴，人地駁車出東涌轉 / 坐A線唔好

理論上，接駁出入境口岸鐵路貴，都係好平常而合理嘅事，
機場及港珠澳口岸都主要係旅客，東涌線唔應該駁去口岸係因為東涌線應該留返俾本地居民搭，

機鐵本來就係為旅客而設，想慳錢嘅旅客自然識搭巴士，
想舒服/快嘅旅客俾多D來得到服務亦好合理，根本唔需要為佢地去考慮

RDS-2014個時曾經研究過拉機快去人工島, 但最終無任何建議得出。人工島上面會有上蓋發展, 要起車站唔係上天就係入地
上天就要遷就海天碼頭進出嘅船隻限高, 車站要跟人工島上蓋發展整合。落地就要係博覽館前入左地底, 再經海底隧道轉入人工島。兩個方案都好有可能要重建博覽館站做地底車站先得
人工島疑似已經預留左港深西部快速軌道的車站位置, 如果機快接入的話可能會佔用左

長遠而言人工島口岸鐵路應該係屯門 <> 東大嶼 <> 港島的鐵路幹線去連接的了。

其實將機場快綫的機場站做總站，經博覽館，人工島出欣澳。
當然，這可能需要重建博覧館站！
及要加岔口在民航署對出的位置！
但是你想想，尤其旅客，你要用港珠澳橋之後去機場或出中環，又同你駁車駁鐵咩！
不過，以今時今日的情況。講就咁講！