為攞優惠每日行多廿分鐘 咁搭港鐵又抵唔抵？

如果每朝要浪費精神咁行來行去
不如訓多陣好過？

http://hk.apple.nextmedia.com/re ... t/20170315/56426639

佢呢種慳法未必人人會明, 但係最緊要佢開心就好

我都會為晨早優惠早15分鐘起身

phykk45 發表於 2017-3-15 14:54
我都會為晨早優惠早15分鐘起身

如果係順路經過優惠站﹐或者好似你的情況﹐純粹早少少出門口﹐便可取到優惠﹐我相信唔少人會做。

我每天返工都用優惠站﹐因為順路。(兜入商場去部機的一兩分鐘唔好計)

正如唔少人返大陸﹐都在上水/粉嶺出閘再入閘一樣。


唔會明顯增加你的行程時間﹐但又有優惠﹐何樂而不為?


但係去到月票中途出閘﹐再行去$2機﹐再繼續行程﹐相信會做的人係甚少。
要知道時間都係成本之一﹐真係要衡量接近20分鐘及所慳的車費﹐是否合乎價格。
(即報導所講﹐東涌線月票﹐東涌去九龍區﹐先在青衣出閘搵優惠站﹐再返回青衣站繼續行程)

各適其適啦...

幾年前在天后返工, 觀塘做起訖點嘅我會在炮台山出入閘, 一程平兩蚊左右, 等於用左特惠站, 早更收工後更會行去北角碼頭搭船, 夜更天氣冇咁熱行去灣仔碼頭搭天星尾船去尖碼轉28, 再由樂華行返落觀塘.

時間一定係慢過港鐵, 但我唔鍾意俾佢賺我錢, 盡可能會搵方法避開港鐵, 到真正需要時先用錢買穩定車程, 我相信唔少人都係咁做.

phykk45 發表於 2017-3-15 14:54
我都會為晨早優惠早15分鐘起身

我相反，為左個晨早優惠，要遲D O係尖東出閘。(因為我正常0710去到尖東站月台，要等到15分)

日日行去特惠站，好多人都係咁啦……

持有屯門-南昌全月通的我，於特惠星期六美孚落，行去盈輝台嘟CARD食個lunch，再搭去尖沙咀，都只係$0.2。哈。
或者每次去九龍灣o個邊，走之前都專登兜入去拍卡。

咁樣慳其實係好正常，我仲以為有d再勁d既「絕招」，真係唔知點解要買書。


仲有，慳幾多唔淨只同港鐵八達通收費比，再同埋巴士比較啦。
只講E22，$18X2X20=$720

其實我成日FF，O係每卡車每道門最中間條柱擺部特惠機，拍卡有九折，鼓勵人行入去仲實際。哈哈。
佢口中講既奧運去迪士尼，反正都係慳錢人家，不如沿深旺道行去港灣豪庭，嘟完兩蚊，繼續去南昌搭港鐵去迪士尼，咪只計欣澳往迪士尼再75折囉！慳咁多，點行都抵。(唔得咪搭一程701，仍然O係度嫁)

行得多對鞋磨得多易爛，要買過對鞋條數又點計先

總有人覺為左得優惠，付出個Time Cost值嘅。
為左食一杯半價雪糕排一粒鐘嘅大有人在。
你比著我寧願20分鐘拎黎訓多陣，食飯食慢少少享受下好過，
再唔係多左20分鐘自己整飯拎返公司已經變相慳左10、20蚊一日啦。
優惠站果D又唔太順自己路嘅無謂夾硬要去拎啦。

jpoon 發表於 2017-3-16 05:16
行得多對鞋磨得多易爛，要買過對鞋條數又點計先

純以$計，新聞主角一個月慳到的車費，
行入東薈城買波鞋有唔少選擇
任你日日行甚至狂操，半年都未必踩爛一對鞋啦

回正題，純用錢計的話就唔值
但有其他目的，最明顯係儲夠運動量（近年最興的每日一萬步？），
反正都係要行，順便慳埋搭車錢，何樂而不為

個人以前有空閒時間，會早一個站落車/行多一個站先上車慳錢
可惜近年無呢個luxury，搭車都係以快為先

不過繼續保留一個習慣，
就係last leg尚餘一公里左右，或者全程兩三公里左右
會直接行過去，除非有其他需要
慳錢同增加運動量係其次，
重點係以上距離的路程，通常小弟行路會快過搭車
就算日日咁行，平均一年左右先要換一對鞋