[探討]有沒有可能以這種形式來復興蒸汽火車?

把一架柴油機車做成蒸汽火車的模樣，採用蒸汽火車的車輪驅動方式（“轟隆轟隆轟隆轟隆。。。”個種，唔知叫咩名），但內裏是柴油動力
可以用聲效來模擬汽笛和噴出蒸汽的聲音效果（當然不會真的噴出黑煙）
在機車頭後面拖一個無動力的假煤水車駕駛卡，末端加裝駕駛室，既可以方便掉頭，又可以假扮成煤水車，一舉兩得
當然還必須安裝現代化的訊號系統，說白了就是一架假扮成蒸汽火車頭的柴油機車頭
我認爲這樣一來既可以在視覺上和聽覺上使昔日蒸汽火車的英姿重現在大家眼前，又可以滿足到現代鐵路運營的需求，實在是一舉兩得
歡迎討論和指正

你講的一支推動車輪的杆﹐係靠水蒸氣積聚後有一定的壓力﹐在活門排出時推動的。

但柴油機車﹐根本唔係用這個方便推動車輪運作﹐因為唔會產生水蒸氣。


蒸氣火車其實燒什麼燃料其實係無關的﹐最重點係要「煲水」產生蒸汽壓力。
你的提議欠缺了「煲水」﹐所以係行唔通的。
極其量只係「扮」到車身的外型﹐其他野係做唔到相同的效果的。

而蒸氣火車其實係可以倒行的﹐只不過駕駛時司機會好辛苦囉﹐同埋後面的煤水車卡會擋視線(視乎車卡設計而定)。


PS. 唔好以為柴油機車﹐係由柴油引擎直接推動車輪轉動。柴油引擎唔係直接推動部車行駛的﹐最少你而家見到的柴油機車都唔係由柴油引擎直接推動車輪轉動。

其實阿磚家可以望一望日本先，人地伊予鐵道架少爺列車已經係用柴油引擎推動既仿蒸汽火車嚟架啦
仲整咗個發煙裝置添
https://zh.wikipedia.org/wiki/%E5%B0%91%E7%88%BA%E5%88%97%E8%BB%8A

咁當然啦喺香港嗰間公司啦喎...

kei_hk 發表於 2017-3-29 17:21
PS. 唔好以為柴油機車﹐係由柴油引擎直接推動車輪轉動。柴油引擎唔係直接推動部車行駛的﹐最少你而家見到的柴油機車都唔係由柴油引擎直接推動車輪轉動。

柴油機車有好多種，柴油引擎直接驅動大概等於 diesel-mechanical，世界上係有的，主要用於調車。
至於最普遍的柴油驅動方式主要係 diesel-electric 及 diesel-hydraulic。
https://en.wikipedia.org/wiki/Diesel_locomotive

關於樓主的提議，我第一時間都係諗到伊予鐵道少爺列車，樓上已有站友回應，不贅。
問題係點解要整架假蒸機先？鐵迷鍾意蒸機就係鍾意陣炭燒味同噴煙丫嘛，柴油扮蒸機都冇咗個神髓，主線運用對營運者亦無誘因。
而且，近年仍然有新蒸機生產架～
https://en.wikipedia.org/wiki/Steam_locomotive#Revival

kei_hk 發表於 2017-3-29 17:21
你講的一支推動車輪的杆﹐係靠水蒸氣積聚後有一定的壓力﹐在活門排出時推動的。

但柴油機車﹐根本唔係用這 ...

我當然知道柴油機車不是由引擎直接推動車輛行，現時最主流的柴油機車是柴電式，由引擎帶動電動機驅動車輪
所以其實可以把蒸汽驅動的氣缸改成電磁方式驅動，這樣就能做到跟蒸汽火車一樣車杆一前一後地推動車輪的效果，當然還有轟隆轟隆那種聲音

講真，好多野都係事在人爲嘅，沒有不可能
唯一需要擔心嘅問題就係有無人/鐵路公司/車輛製造商願意單純爲左這種復古情懷，特登研製一種仿造蒸汽頭氣缸造型的電磁車杆驅動裝置

HV9990 發表於 2017-3-29 23:59
其實阿磚家可以望一望日本先，人地伊予鐵道架少爺列車已經係用柴油引擎推動既仿蒸汽火車嚟架啦
仲整咗個發 ...

我都差啲想講少爺列車個例子，不過你幫我講左就thx曬啦
少爺列車固然係仿蒸汽火車的柴油機車的成功例子
不過伊予鐵道始終係輕便鐵路，一部咁嘅迷你SL氣勢同用途無論如何始終唔及得上那些主幹線的大型SL（C62、D51、9600這類）
要是有一天也能仿一架大型SL，相信會比伊予鐵道的這台迷你SL更成功也更震撼

DIH 發表於 2017-3-30 09:26
柴油機車有好多種，柴油引擎直接驅動大概等於 diesel-mechanical，世界上係有的，主要用於調車。
至於最普 ...

柴油扮蒸機點會無咗個神髓？蒸汽火車的魅力在於那車杆帶動車輪時發出的轟隆轟隆的聲音、汽笛聲同彪悍造型，豈止於炭燒味同噴煙？
現在社會科技進步，蒸汽火車噴出的煙霧已經被視爲公害，不可能再像以前那樣大搖大擺地在鐵路線上奔馳
我唔反對啲人懷舊，講真我點會唔鐘意蒸汽火車？細個時候睇電影《北極快車》，就已經深深被片入面部2-8-4蒸機的轟隆轟隆聲、汽笛聲以及那造型所吸引，成部電影嘅賣點恐怕就係個部蒸機
只係我覺得就算懷舊都要與時代結合，顧及他人感受
鐵路迷就話唔介意蒸汽火車個啲滾滾煙霧同炭燒味姐，但普通人就唔係咁樣講啦，
想像一下現代的車站已經夠擠逼，突然有部煙霧滾滾的蒸機通過，萬一那個車站上蓋是密封的，整個月台的乘客肯定品嚐到一頓"難忘"的煙霧盛宴
唔好忘記鐵路沿線仲有好多密集的居民，佢地又會有乜野感受？

對於我黎講，柴油/Hybrid扮蒸機就係能夠同時滿足懷舊和現代需求的最佳選擇
只要能夠扮到外形、車杆帶動車輪的動態效果和發出的那種轟隆轟隆的聲音，還有汽笛，就已經足夠架啦

K.C.R2007 發表於 2017-3-30 15:10
我都差啲想講少爺列車個例子，不過你幫我講左就thx曬啦
少爺列車固然係仿蒸汽火車的柴油機車的成功例 ...

當初少爺列車整做柴油好似話係考慮到當地街道環境問題

而仿大型SL我相信日本冇咁既必要，當地仲有一批SL活躍緊
東武都係借人嗰架嚟玩