[由admin91合併] MTR 擬定 6月 機場快線加價

唔知早上青衣/九龍「頭等位」去香港﹐會加到幾多錢?

而家 $20﹐仲平過東鐵。(以收費基準計算)


*********************************************************
開通至今成廿年都未加過價﹐加一成真係一點也不過份。


http://www.881903.com/Page/ZH-TW/newsdetail.aspx?ItemId=935250&csid=261_341

[size=14.6667px]港鐵建議機場快線六月加價大約一成


18.04.2017 13:08
[size=14.6667px]

機場快綫六月起加價（商台新聞）

港鐵建議機場快線六月加價大約一成，成人八達通來往市區車站及機場站或博覽館站，加價五至十元，例如由香港站去機場，收費由現時一百元，加至一百一十元。成人單程票就加價十至十五元。成人即時來回博覽館特別優惠，亦會上調五至八元。至於團體票及旅遊票的定價維持不變。
港鐵公司表示，機場快線通車近二十年來，未曾調整票價，為確保有可持續的收入，以支持不斷上漲的營運成本，有需要調整票價。根據政府與港鐵簽訂的營運協議，機場快線不包括在票價調整機制，港鐵公司可以自行訂定票價，但在加價前需要諮詢交通諮詢委員會及立法會交通事務委員會。

估唔到A車無得加之下，機鐵居然有得加
不過文中無提到而家幾搵得錢嘅上午特快出市區價錢會加定減，可能會繼續攞來吸客？

http://hk.apple.nextmedia.com/realtime/news/20170418/56578875

其實我唔介意加價，亦唔介意等多1-2分鐘一班，龜鐵你執執大嶼山線個時間表同花d錢攪攪欣澳站好過啦，餐餐坐機鐵就o係欣澳追到前面東涌線，一路碌下碌下到青衣。

反方向又係咁，咬到去深水角打後先叫正常車速，特快價錢，碌車速度

rickywk 發表於 2017-4-18 21:18
其實我唔介意加價，亦唔介意等多1-2分鐘一班，龜鐵你執執大嶼山線個時間表同花d錢攪攪欣澳站好過啦，餐餐坐 ...

想問下碌完之後仲做唔做到24分鐘行車時間?

其實等到起完屯赤南段，馬上將大嶼山段四軌化，效果會唔會顯著?

本壇於2017年4月18日出現三個關於機場快線加價的新貼文，現全部集中於一文討論，謝謝。

admin91
R1/R3分板板主

JH_LE4612 發表於 2017-4-19 06:49
想問下碌完之後仲做唔做到24分鐘行車時間?

其實等到起完屯赤南段，馬上將大嶼山段四軌化，效果會唔會顯 ...

4軌化?  邊個比錢?
當年荔景去到奧運都只係2條軌﹐不過有預4軌的空間。

係去到西鐵南昌站動工﹐才把荔景橋延長落地﹐一直去到南昌奧運站。
如果唔係一大堆橋柱(上面公路)﹐令到做唔到高速行車的渡軌﹐睇怕這一段都唔會4軌化。


如果講番上面香港方向﹐去到欣澳附近追到前面東涌線﹐令到去到欣澳便要開始慢車﹐大嶼山4軌化都未必處理到此問題。
因為緊接青馬路段﹐系統要計算行車數目﹐每方向1部車。即係後車都要慢行過汲水門橋﹐待前車離開青馬橋才可全速行駛。


以現時班次來講﹐其實執時間表已經可以處理到問題。
例如個別班次提早30-45秒開出﹐另一線的車遲30-45秒開出﹐這樣便會令到相隔時間增加1-1.5分鐘﹐都有機會避得開這個問題。
但詳細真係要試過才知work唔work﹐是否早開遅開的時間要再增加? 會唔會上落客時間抵銷番?

cks188 發表於 2017-4-18 17:40
估唔到A車無得加之下，機鐵居然有得加
不過文中無提到而家幾搵得錢嘅上午特快出市區價錢會加定減，可能會繼 ...

A車有幾年有加價?
機鐵又幾多年無加價?

唔好單單睇今年有無得加價。

好似舊年都已經傳機機會加價﹐都唔係新鮮話題。

JH_LE4612 發表於 2017-4-19 06:49
想問下碌完之後仲做唔做到24分鐘行車時間?

其實等到起完屯赤南段，馬上將大嶼山段四軌化，效果會唔會顯 ...

大嶼山段四軌化, 吾將青馬大橋果段同埋過海果段4線化埋係無用,

但係4線化既工程既費用何其高