列舉綠的甚少或不經過的合法經營地方

以前坑口地鐵站未開放錄的前，綠的只會係西貢巿中心附近載客，好少會載客到銀線灣，科大及清水灣一帶。
坑口地鐵站開放綠的後，佢既經營只到地鐵站。

除左將軍澳外，荃灣德士古道往來機場及城隧綠的只會行天橋，下面完全唔見佢經過。

請列舉綠的甚少或不經過的合法經營地方。

德士古道橋底行得都唔俾上落客。另外，汀九至青龍頭一段青山公路未見過綠的。荃灣站都甚少綠的等候，落完客好多即走

順利邨綠的站應該都甚少綠的出沒

將軍澳環保大道、石角路肯定上榜
唔肯定綠的上唔上得百勝角路，如果上得嘅話都應該上榜

荃灣德士古道往來機場及城隧綠的只會行天橋

上面已經有人講了﹐行下面又唔會有人上車落車﹐由頭到尾都係雙黃線﹐點解唔行天橋無燈位﹐而去行下面慢慢排幾支燈+荃青交匯處。

無情情行橋底﹐真係未比客 "小" 過呀。

除非條橋有事故唔行得﹐才無計要下橋底。

同一道理﹐屯門公路荃灣出口 至 荃青交匯處 一段荃灣路天橋﹐同樣係可以供新界的士使用﹐但平時係唔會見到新界的士使用。
不過﹐每年總有三兩天﹐新界的士被迫要行這一段路的﹐但實情被迫要行的日子﹐有無新界的士使用﹐又係另一個迷﹐其中一天會係農曆新年後

以前都有唔少新界的士使用楓樹窩路<>青衣西路<>青馬管制區﹐但係青衣北岸公路開通後﹐又係已經絕跡。

順利邨新界的士站，好多新界人都唔知綠的可以出唯一一個巿區上落點. 我搭巴士經清水灣道出九龍，十次只見一次綠的凷旗經龍翔道入機場/荃灣/屯門，車頭可載一名乘客但不可取酬

想問威爾斯及將軍澳醫院急症室綠的站，多唔多綠的停車等客?

simon12 發表於 2017-10-25 00:16
順利邨新界的士站，好多新界人都唔知綠的可以出唯一一個巿區上落點. 我搭巴士經清水灣道出九龍，十次只見一 ...

搭綠的去到順利邨之後交通又唔係特別方便點解唔直接坐紅的出去,或者坐綠小落彩虹

simon12 發表於 2017-10-25 00:23
想問威爾斯及將軍澳醫院急症室綠的站，多唔多綠的停車等客?

唔知青衣機鐵站又多唔多新界的士上客落客

除了上面提及的 青衣西路及青衣北岸公路(進出大嶼山)﹐青衣仲有一段路(青敬路 - 介乎青衣機鐵站進出路口 至 北橋回旋處)係可供新界的士行駛(不淮上落客)﹐不過你見到有新界的士的機會﹐都係微乎其微。

再補充: 銀線灣至清水灣泳灘/大澳門郊野公園都冇綠的出沒