尖東站啟用13年以來首次列車入錯月台？

根據維典,2002年9月3日早上約十時許，觀塘綫原本一列回廠列車，因控制室沒有通知車長將列車回廠，使車長在調景嶺站至牛頭角站間繼續接載乘客往油麻地。當列車離開牛頭角站後，錯誤駛進一條往九龍灣車廠的路軌。車長發現入錯路軌後隨即煞停列車，其後將列車反方向倒車駛出約30公尺，待路軌修正後，列車才成功進入九龍灣站。

kei_hk 發表於 2017-10-30 15:06
有無想過背後要處理好多野?
單是成個控制中心的職員﹐所有司機﹐所有車站職員﹐全部要重新培訓考核﹐要花 ...

都估到你呢個磚家講野

時代會變，你咁講東鐵都唔洗換車啦，

唔洗換信號系統啦

protocol都會Update啦

便利乘客本身就係一個宗旨

可惜而家係慳錢既大前題下好多都無晒

kei_hk 發表於 2017-10-30 15:06
有無想過背後要處理好多野?
單是成個控制中心的職員﹐所有司機﹐所有車站職員﹐全部要重新培訓考核﹐要花 ...

為甚麼改美孚同九龍塘 月台編號有咁大困難?

重新印製月台編號指示牌, 小冊子, 幕門編號, 廣播都咁困難咩?
我覺得完全只係印刷同重新錄音問題, 港鐵咁多唔捨得花錢, 定係環保問題?

timewater 發表於 2017-10-31 10:17
為甚麼改美孚同九龍塘 月台編號有咁大困難?

重新印製月台編號指示牌, 小冊子, 幕門編號, 廣播都咁困難咩 ...

攪一大堆指示牌﹐貼紙...... 根本唔需要好多錢﹐反正有些野到某個時期﹐都要更換/更新。
但背後內部野(例如站內的訊號系統-備用車站管理模式)﹐一環扣一環﹐在唔影響安全的情況下﹐咪無更改的動力囉。

油麻地係少數更改月台的例子﹐因為在延長的時間﹐背後一大堆野本身都要更新更改﹐所以一鑊過處理。

kei_hk 發表於 2017-10-31 11:27
攪一大堆指示牌﹐貼紙...... 根本唔需要好多錢﹐反正有些野到某個時期﹐都要更換/更新。
但背後內部野(例 ...

鰂魚涌站3號及4號月台於延長至北角站當天也是對調了月台編號。

kei_hk 發表於 2017-10-31 11:27
攪一大堆指示牌﹐貼紙...... 根本唔需要好多錢﹐反正有些野到某個時期﹐都要更換/更新。
但背後內部野(例 ...

嚴格黎講唔可以話你錯。
換月台號碼係多野搞，但全部都係手板眼見功夫，
煩但無乜難度。

核心問題係磚家往往將繁複但唔難嘅工夫吹到大一大。
而真係難好多嘅野呢，一句無心做輕描淡寫。
好難怪呢度眾多板友封閣下做磚家大大

timewater 發表於 2017-10-31 10:17
為甚麼改美孚同九龍塘 月台編號有咁大困難?

重新印製月台編號指示牌, 小冊子, 幕門編號, 廣播都咁困難咩 ...

長文注意

其實真係唔明，次次講九龍塘站同美孚站既月台問題，梗係有一班磚家仆出黎話轉月台編號幾麻煩幾大工程，但之前尖東站(歸西)、油麻地站(觀塘線延長黃埔站)、鰂魚涌站(將線/觀塘線延長北角站)都改過月台編號，點解唯獨九龍塘站美孚站就改唔到？一直冇人答到，又或者答左等如冇答。

上面話咩油麻地站改月台編號，因為延長時「背後一大堆野本身都要更新更改﹐所以一鑊過處理」，咁唔通2009年西鐵延長紅磡站/東鐵縮回紅磡站時，又唔係「背後一大堆野本身都要更新更改」？咁點解當時唔「一鑊過處理」？

大膽推測(可能是錯的)：因為尖東站、油麻地站、鰂魚涌站改月台編號，改法係現有號碼1/2之間或3/4之間對調，即係「現有號碼對調」，但九龍塘站、美孚站既玩法，係要將其中一邊既1/2改成3/4，即係「開新number」，而背後既電腦系統，「開新number」比「現有號碼對調」複雜，所以除非增加月台，否則盡量避免去做。

不過咁，有D野，大家睇到好大，但港/地/九鐵眼中，可能只係沙塵一粒 ，hea得就hea懶得去理，根本就冇得解。

就好似港島線未西延時，對「點解冇四字或以上站名(除左輕鐵)」夠諸多猜測，夠有人估話咩四個字太長又咩技術困難，但之後堅尼地城、香港大學、海洋公園、海怡半島一個接一個出現；

又好似東鐵九龍站改名紅磡站後，東鐵旺角至羅湖各站既指示牌，就仲係「往九龍」(直到尖東站啟用至改「往尖東」)，夠好多討論點解唔寫「往紅磡」，有人又話咩「九龍」唔係站名，係指往九龍「區」，但又解釋唔到點解反方向唔用同一標準寫「往新界」，而寫站名「往羅湖」，同埋尖東站啟用後點解要改「往尖東」。

************************************************************************

題外話，個人認為港鐵要改要統一既，仲有呢D：

南昌站同油塘站都有需要改月台編號，此兩站既月台編號分佈：

南昌站
2.往紅磡 1.往屯門 4.往香港 3.往東涌

油塘站
2.往黃埔 3.往寶琳/康城
1.往調景嶺  4.往北角

予人不太整齊之感，如果改成
南昌站
4.往紅磡 3.往屯門 2.往香港 1.往東涌

油塘站
2.往黃埔 1.往寶琳/康城
3.往調景嶺  4.往北角

咁就順眼，整齊得多！

另一樣係香港站同中環站既出口代號，應該統一作為一站處理。

香港站同中環站出口代號，各自為政有所重覆，各自由A開始，中環站有ABC出口，香港站又有ABC出口，對生客、遊客易生混淆，尤尤其所謂香港站C出口，同中環站太近。
香港站出口代號，應接中環站後，例如中環站出口去到L，咁香港站出口就應該由M開始，即係中環站出口去到T了。

呢樣又真係唔明，兩尖昔日唔同公司，都做到統一出口代號冇重覆，尖東站出口代號由J開始，緊接尖沙咀站既H，合併後仲進一步改善，o係尖沙咀站指示牌增設尖東站出口直接指示(反之亦然)，反而一直同屬地/港鐵既香港站中環站，就各自為政得咁緊要。

當然最好係合併「兩個站」，成為有4線8月台既中環站

海怡半島可簡短為海怡,因為半島只是裝飾,無意義

mckhgc 發表於 2017-10-31 17:59
長文注意

其實真係唔明，次次講九龍塘站同美孚站既月台問題，梗係有一班磚家仆出黎話轉月台編號幾麻煩幾大 ...

其實我覺得太子站、金鐘站先至奇怪，啲冧把唔係編曬畀一條綫先再編畀另一條綫
太子站：
1：荃灣綫；2, 3：觀塘綫；4：荃灣綫
金鐘站：
1：荃灣綫；2, 3：港島綫；4：荃灣綫；5, 6：南港島綫

hokachung 發表於 2017-11-1 00:47
其實我覺得太子站、金鐘站先至奇怪，啲冧把唔係編曬畀一條綫先再編畀另一條綫
太子站：
1：荃灣綫；2, 3： ...

呢樣野好多年前，地鐵只有3條線既年代，我已經留意到。

唔知點解，荃灣綫同其它綫交匯時，「往荃灣」永遠係1號月台(中環站有兩個「往荃灣」就冇得好講啦)，但「往中環」就有時2有時4。
尤其係旺角站，明明係觀塘線有先，但都係荃灣綫用細號碼月台。

荃灣綫仲有一樣特別，就係唯一永遠不變，永不加站永不延長永不縮短，過去冇將來計劃都冇，最多只係幾個站改過名。