尖東站啟用13年以來首次列車入錯月台？

mckhgc 發表於 2017-11-1 07:34
呢樣野好多年前，地鐵只有3條線既年代，我已經留意到。

唔知點解，荃灣綫同其它綫交匯時，「往荃灣」永 ...

從港九線三個跨月台轉車站，睇得出當年編月台號碼嘅原則(重要性遞減)：

• 上行單數、下行雙數。
• 同層號碼相連。
• 各層大細同邊。
• 1號月台不變。
• 相鄰車站嘅1號月台，同線同向。
  

mckhgc 發表於 2017-10-31 17:59
長文注意

其實真係唔明，次次講九龍塘站同美孚站既月台問題，梗係有一班磚家仆出黎話轉月台編號幾麻煩幾大 ...

九龍塘同美孚係兩間公司各自建造，除了有轉乘通道之外，機電之類我諗全部都係分開運作，甚至唔知會唔會訊號系統default一定要由1號月台開先，唔可以只有3/4號月台（例如美孚西鐵月台改稱3/4，則西鐵電腦系統只會見到美孚3/4而不會見到地鐵1/2，可能系統不容許這種情況，我唔知，亂估）。南昌站係同期一齊起所以可以共構，鑽石山係合併後由港鐵負責施工都可以歸一（好似模擬圖係沙中線用3/4）。

除咗荃灣線,迪士尼線將來唔會有延長/縮短計劃,其次是南港島線(東段)

ArnoldC 發表於 2017-11-3 00:42
從港九線三個跨月台轉車站，睇得出當年編月台號碼嘅原則(重要性遞減)：

上行單數、下行雙數。

同層 ...

除左1之外(馬鞍山線除外)，其他既，唔覺真係有實行

DIH 發表於 2017-11-3 10:25
九龍塘同美孚係兩間公司各自建造，除了有轉乘通道之外，機電之類我諗全部都係分開運作，甚至唔知會唔會訊 ...

我都係唸會唔會係咁，不過 c hing表達得比我清晰十倍。

不過合併票務系統同閘區、將原九鐵路線統一歸青衣控制中心管理，應該比呢個小問題複雜萬倍，但一樣做到，所以呢個小問題有心既應該一早fix到吧，從南昌站所見，即使兩鐵分治，但東涌線一樣可以o係冇1/2號月台既情況下，直接由3/4號開始。

就算真係系統改唔到，可唔可以做到只限內部系統仍保留各自1/2，對客部份就其中一邊展示3/4 呢？

都係o個句，可能龜鐵眼中，呢D只係小沙石，無心理會，就正如當年九廣東鐵南邊總站改稱紅磡，但各站指示牌仍然「往九龍」一樣，甚至我記得興建馬鐵時，大圍站東鐵部份完成翻新擴建，新指示牌都仲係「往九龍」(直到尖東站啟用至改「往尖東」)，唔通又關電腦關訊號系統事？又有得解咩？

ArnoldC 發表於 2017-11-3 00:42
從港九線三個跨月台轉車站，睇得出當年編月台號碼嘅原則(重要性遞減)：

上行單數、下行雙數。

同層 ...

唔係幾同意，因為太子站、旺角站、金鐘站係同期產物，但係完全睇唔出係同一套邏輯
同期嘅油麻地站觀塘綫月台更加係「錯」足30年

DIH 發表於 2017-11-3 10:25
九龍塘同美孚係兩間公司各自建造，除了有轉乘通道之外，機電之類我諗全部都係分開運作，甚至唔知會唔會訊 ...

西鐵綫、馬鞍山綫都係用同一套訊號系統，喺馬鞍山綫個訊號系統上大圍站一樣都係無1、2號月台，所以無理由西鐵綫一定要由1號月台數起
西鐵綫紅磡站亦唔係由1號月台開始數起

hokachung 發表於 2017-11-4 00:39
唔係幾同意，因為太子站、旺角站、金鐘站係同期產物，但係完全睇唔出係同一套邏輯
同期嘅油麻地站觀塘綫 ...

逐個站做畀你睇。

金鐘：

原則1：

荃灣線往中環	2/4	港島線往柴灣	1/3
荃灣線往荃灣	1/3	港島線往上環	2/4

原則2：

方案一
荃灣線往中環	2	港島線往柴灣	1
荃灣線往荃灣	3	港島線往上環	4

方案二
荃灣線往中環	4	港島線往柴灣	3
荃灣線往荃灣	1	港島線往上環	2

原則3：

同原則2牴觸，不予實行。

原則4：

方案一出局。

原則5：

無變化。

結果：

荃灣線往中環	4	港島線往柴灣	3
荃灣線往荃灣	1	港島線往上環	2

旺角：

原則1：

荃灣線往荃灣	1/3	觀塘線往調景嶺	1/3
荃灣線往中環	2/4	觀塘線往黃埔	2/4

原則2：

同原則1牴觸，不予實行。

原則3：

方案一
荃灣線往荃灣	1	觀塘線往調景嶺	3
荃灣線往中環	2	觀塘線往黃埔	4

方案二
荃灣線往荃灣	3	觀塘線往調景嶺	1
荃灣線往中環	4	觀塘線往黃埔	2

原則4：

方案二出局。

原則5：

無變化。

結果：

荃灣線往荃灣	1	觀塘線往調景嶺	3
荃灣線往中環	2	觀塘線往黃埔	4

太子：

原則1：

荃灣線往荃灣	1/3	觀塘線往黃埔	2/4
荃灣線往中環	2/4	觀塘線往調景嶺	1/3

原則2：

方案一
荃灣線往荃灣	1	觀塘線往黃埔	2
荃灣線往中環	4	觀塘線往調景嶺	3

方案二
荃灣線往荃灣	3	觀塘線往黃埔	4
荃灣線往中環	2	觀塘線往調景嶺	1

原則3：

同原則2牴觸，不予實行。

原則4：

不適用。

原則5：

方案二出局。

結果：

荃灣線往荃灣	1	觀塘線往黃埔	2
荃灣線往中環	4	觀塘線往調景嶺	3

油麻地站下層，應該因為係總站月台，無上下行線之分，所以無跟原則1，而跟原則3。後來改為中途站，有上下行線之分，所以以原則1凌駕原則3，「撥亂反正」。

原則4同5，可以解釋到點解荃灣線往荃灣永遠係1號月台。但係仲有其他合理解釋：因為港九線係主線，所以永遠用1號月台；因為北行係上行/地圖以上方為北，所以喺用晒其他原則之後，就西/北面嘅月台用細號碼。

mckhgc 發表於 2017-11-3 19:31
除左1之外(馬鞍山線除外)，其他既，唔覺真係有實行

「當年」係講緊三色線年代。1985年港島線通車之後，直到1998年先有另一個跨月台轉車站(荔景)，相隔足足13年。馬鞍山線究竟係月台編號唔跟規矩，定係上下行方向與別不同？跟英式城際鐵路習慣嘅話，支線向主線為上行。

hokachung 發表於 2017-11-4 00:49
西鐵綫、馬鞍山綫都係用同一套訊號系統，喺馬鞍山綫個訊號系統上大圍站一樣都係無1、2號月台，所以無理由 ...

馬鐵同東鐵根本係2套獨立野﹐在大圍站﹐1,2都已經用了﹐自然要用3,4。
由於係獨立於舊有的東鐵﹐又係全新系統﹐用什麼編號都無問題﹐邊個係3﹐邊個係4﹐都無相干。
甚至乎屎忽痕唔用3,4﹐用5,6或者用1,2都得。



去到西鐵延長﹐其實同馬鐵一套﹐成套野都係不同。
同一段路軌係唔可能同時2套系統一齊運作的﹐亦代表2邊列車係唔可能進入另一條線的。

西鐵未通紅磡﹐紅磡至尖東係東鐵系統。
當西鐵通紅磡﹐除了要新做南昌至尖東一段訊號系﹐係連尖東去紅磡一段亦係全新建立。如果這一段路唔為西鐵全新做訊號系統﹐西鐵車根本去唔到尖東及紅磡站。

尖東站及紅磡站(中間2個月台)之間﹐東鐵使用時便用東鐵的系統﹐西鐵系統便會cut off﹐反之亦然。


由於尖東及紅磡對於西鐵而言﹐根本係全新車站﹐成套野都係全新建立﹐用什麼月台編號﹐行車方向係點﹐根本無所謂﹐係唔需要跟東鐵帶落的歷史去做。
所以﹐尖東要轉月台編號﹐配合西鐵的行車方向﹐實屬正常。
紅磡站用什麼月台編號都無相干﹐反正都係全新系統去做設定﹐屎忽痕用 9,10號月台都得﹐只不過係用原東鐵的2,3號月台﹐又係終點站(對編號反映上行下行線沒有太大影響)﹐所以照用2,3號月台。