ky26042008 發表於 2017-12-2 23:28
高鐵係中國梗係成功啦, 不計成本, 無限資源咁起, 你玩Simcity開個SandBox無限錢你起乜都成功架,
大家可以 ...
中國高鐵在2015年已經有至少6條線盈利，京滬、京津、滬寧、滬杭、寧杭、廣深，京滬仲要係大賺66億
2017年相信更多路線盈利同賺得更多 |
|
|
|
|
|
|
|
|
其實，鄰國高鐵所謂盈利只係將折舊呢舊錢用另一個部門食，即係純營運數，咁要正數就唔難。
但當計埋折舊同利息，上面果6條線好似得京滬、京津、滬杭有錢落袋 |
|
|
|
|
|
|
|
|
無論鐵路總公司定地方政府，資金來源都係鄰國中央財政部，所以成可以成立鐵路總公司順便將折舊同利息一次過收起當無事發生過
|
|
|
|
|
|
|
|
|
本帖最後由 ky26042008 於 2017-12-4 18:32 編輯
呢位版友, 請你再睇一次我寫左D咩,
你講到你預計租金收入係超過3.6億, 請問你有咩證據去支持你既講法? 唔係D你覺得免稅店月租3000萬既"證據"喎, 有冇文獻資料?
我就搵到"呢份頭條日報既報道寫, 高鐵免稅店服務合約, 總值逾3億元" (又要講多次)
新聞先寫得3億, 點會變左"超過3.6億"? 版友又識玩水晶球? 定係版友識高等數學, 可以3億計計下變到超過3.6億? 係既請你計一次比我睇, 等我開下眼界
如果你話"3.6億都係逾3億喎", 咁我地就當佢係3.9億啦, 無理由4億都叫"逾3億"架? 係咪?
假設租金為3.9億, 扣除3.6億既租金增長, 淨返3000萬, 西九站個位年租原價3000萬你話有冇可能? 唔係一間鋪喎, 係全部加埋喎
重有"3.6億"呢係數字, 係我假設西九站造價係180億 (版友提供既數字, 而家超左支一定唔止, 重有未計鐵路同隧道呢?),
而回本期為50年而得出既數字黎, 要計埋超支肯定唔止呢個數
日本唔係因為經濟差先起新干線，因為人地航空都大把人。日本係因為想乘客多過選擇，方便居民同遊客先起新干線。
呢位版友可能少去日本除左東京同大阪以外既地方或者唔瞭解日本經濟, 雖然日本經濟係好, 但係經濟活動主要都係集中係東京同大阪 (之前都有版友提過)
其他地方既經濟都好一般, 從我比果幅JR收益圖可以睇得出 (又要Post多次)
大家都知道, 日本經濟活動主要係集中係東京同大阪, 所以JR西日本 (大阪地區), JR東日本 (東京地區) 都係賺錢既,
JR東海個例子比較特別, JR東海既轄區既經濟活動並唔發達, 不過佢既地理位置係東京同大阪中間, 食盡兩邊來往既人流, 所以有錢賺
而四國, 九州, 北海道既經濟大家都知係唔發達, 所以當地既JR亦會出現虧蝕, 而乘搭新幹線亦係比飛機方便既
(講緊日本新幹線, 中國高鐵行埋一邊, 唔好黐埋一齊講, 日本新幹線唔係實名制亦唔使安檢更加唔使過關)
興建新幹線去呢D地區的確會吸引遊客同促進經濟活動
我地黎睇下呢幾幅圖
呢幅係東北/ 上越新幹線通車後為沿線縣帶黎既經濟增長既數據
呢幅係北陸新幹線通車後為沿線縣既宿泊預約增長既數據, 可以理解為遊客數量
大家可以見到新幹線通車後沿線既縣既經濟的確比原本既好左好多, 所以JR九州/ 北海道起新幹線黎推動經濟有根據既
|
評分
-
查看全部評分
|
|
|
|
|
|
|
|
本帖最後由 ky26042008 於 2017-12-4 20:18 編輯
OK, 似乎我地已經假定左香港高鐵係可見既將來都無法收回成本 (唔好同我講100年叫可見)
呢篇明報既報導亦寫"864億元建高鐵 運房局認無法收回成本", 並引述運房局"政府表明有關安排將不能收回高鐵的興建成本"
Kaix版友都係咁講:
唔需要暗示，依個係人由Day 1都知，
事實上可以單靠車費100年收回全部成本的鐵路，
係非常難得的
咁我地黎計下高鐵為香港帶黎既"間接"收益先,
鐵路帶來既客量係唔係只係得遊客同遊客?
高鐵帶來既客量係唔係得大陸人同大陸人?
而家唔係得大陸人會落香港
香港人都會上大陸
甚至而家直通車見唔少外國人
引述返版友所講既, 高鐵使用者會有:
1. 中國前往香港既遊客
2. 香港前往中國既香港人
3. 經香港前往中國既外國人
4. 經高鐵前往香港既外國人
第一, 我認為中國前往香港既遊客已經非常多, 再多不但超過香港既負荷, 亦嚴重影響市民生活, 旺角/ 上水有眼你見,
係中國遊客品行大幅改善之前, 我絕對唔同意增加來港既中國人 (不論移民/ 遊客)
第二, 香港前往中國既香港人點樣為香港帶黎經濟收益? 某程度上, 呢D人搭高鐵去中國消費, 令到少左人留港消費, 反而損害香港經濟
第三同第四, 無錯, 如果香港高鐵吸引到外國人以香港做中轉站前往中國的確可以促進本地經濟, 不過呢D人有幾多?
西方國家既旅客一般黎香港/ 澳門係免簽證, 所以唔少人黎香港會順便去埋澳門, 不過, 呢D國家既遊客去中國一般係要申請簽證既,
有幾多人會為去一轉廣州而特登比錢申請簽證? 相信人數並唔會多, 所以第3同4類乘客造成既經濟增長亦有限
注意! 我並唔係否定高鐵對直通車既分流能力, 高鐵通車後一定會某程度吸走直通車既客, 尤其是九龍~上海/ 北京西直通車,
我質疑既只係高鐵令第3同4類乘客 (外國人) 增長既潛力, 就算有增長, 能否彌補第2類乘客造成對香港經濟既損失?
JR既OR應該計埋關連事業收入
簡單會計玩法咪按佔比平分囉
我地黎睇下呢張圖, 係JR各社係2014年既收入統計 (JR東海真係零舍可愛架 )
我地再黎睇下呢幅圖, 係JR東日本同JR東海係2013年來自唔同方面既收入既統計
JR東海係2014年既盈利有2741億日圓, 2013年有4261億日圓 (唔好問我點解爭咁遠)
但係我地係上圖可以睇到, JR東海既收益有超過9成來自運輸本業, 副業產生既利潤不足1成, 講白D就係東海道新幹線救世界
JR東日本因為東北地區有唔少虧蝕既鐵路, 要靠副業黎增加利潤, 不過佢都仍然有67%利潤來自運輸,
JR集團中玩副業最出神入化既應該都算係JR九州, 我地又黎睇下呢幅圖
呢張圖係JR九州係平成27年度 (2015年) 既收入分佈圖, 我地可以見到, 其實鐵路先係JR九州既副業, 佢根本係一間地產公司黎,
我上個Post都講過, 九州係日本並唔算係一個發達既地方, JR九州既鐵路亦都係連年虧蝕既, 所以佢先要經營副業增加利潤,
經過轉型為地產公司, 佢近年既利潤終於有所提升, 根據JR九州平成28年度 (2016年) 既報告, 當年度收益為376億3000萬日圓, 可喜可賀
當然, JR九州平成27年度 (2015年) 蝕左4444億3900萬日圓又係另一回事啦
|
|
|
|
|
|
|
|
|
本帖最後由 ky26042008 於 2017-12-5 00:47 編輯
好, 就當係10.9萬人啦
(一年有5000萬香港人去中國+4200萬中國遊客共9200萬人除返一年365日有25.2萬人, 乘返20%(10個人兩個用高鐵)有5萬人, 來回計的確係接近10.9萬人既)
而家已知210蚊一張飛, 10.9萬人搭, 共有2289萬, 除返香港果份20%, 一日有458萬,
一年就有16億7170萬, 扣除每月8000萬營運開支, 剩返7億1170萬, 亦接近版友提供既數字, (拿, 我D數字唔係吹出黎架, 官方都係咁計)
我地睇返864億既高鐵, 根據版友資料:
高鐵造價其中669億裡面, 扣左管理費, 近百億, 扣埋額外開支, 成個建造成本係430億, 其中180億係總站
當時高鐵總站既成本佔全部成本既27%, 而家已知最新高鐵造價864億, 假設高鐵全部工程係平均地超支, 我地可以得出現時西九站造價為233億 (864億 X 27%)
假設車站造價可以正如版友所講全數被車站商店租金收回 (雖然我覺得唔可能), 咁864億 - 233億 = 631億,
631億造價除7億毛利 (億位以下四捨五入) 等於90年, 代表高鐵要最少90年先可以回本, 唔好同我計租金收入, 係車站造價已經扣除左
蝕錢高鐵係用黎比經濟唔發達既地方刺激經濟用 (九州/ 北陸/ 北海道新幹線如是), 唔係用黎比發達地區起黎嘥錢用,
香港高鐵地位應該係類似東海道新幹線咁, 用黎比兩個發達地方加強聯系用 (日本就係東京/ 大阪, 香港就應該係香港/ 廣州, 上海, 北京)
所以香港高鐵應該要係可以盈利同可以係可見時間收回成本既情況下先去興建, 而唔係貼錢去起
東海道新幹線7年就回左本, 香港呢? 70年都未得, 咁你重覺得值唔值得起?
中國高鐵在2015年已經有至少6條線盈利，京滬、京津、滬寧、滬杭、寧杭、廣深，京滬仲要係大賺66億
2017年相信更多路線盈利同賺得更多
版友呢份資料相信係係呢份大公報搵返黎既 (原來版友鐘意睇"愛國"報紙, 冇惡意, 不過可信性就...., 咁既然版友鐘意睇, 我又搵下中國官方喉舌既資料先),
我地不如又睇下呢份新華社報導,
佢話"中西部高鐵運營普遍慘淡", "鄭西、貴廣、蘭新、成貴、南廣、蘭渝等多條中西部高鐵線路都在虧損，有的甚至距盈利遙遙無期"
"同樣慘淡經營的恐怕還有耗資1435億元的蘭新高鐵........收回成本亦是遙遙無期"
八縱八橫有一半以上路線都蝕緊, 得京滬高鐵有見得人既盈利 (其他有佢唔拎出黎講?)
跟住我地黎睇下人民日報先, 佢話"鐵總負債已達4.8萬億", 相信呢樣數據絕對可信啦 (即係實數一定唔會少過呢個數字, 會唔會多過就.....)
66億盈利係4.8萬億負債同一大堆蝕錢高鐵面前, 算係D咩數字?
根據JR全路線收益張圖 (我唔會再Post架啦, 自己入去睇/ 爬文啦),
東海道新幹線收益為3633億日圓, 約213億人民幣, 你京滬高鐵果66億算係D咩? 重敢叫自己做"全世界最賺錢既高鐵"?, 知唔知醜架 |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
