探討挽救53客量嘅方法

EH2674 發表於 2018-3-2 20:32
你講0個D獨市路段，唔係有K51就係有61M，至於加234B轉乘？你當234B好密呀？等完234B一落車望住53係前面走 ...

我之前搭k51，聽到有位黃金海岸上車嘅女士講話架車俾61m爬頭，早知就搭61m，佢最後係三聖落車。
(所以佢應該住喺安友一帶)

我估應該大把人寧願搭k51轉鐵返安友，都唔會特登等條61m。

61m較貴之餘，仲要兜去置樂個邊，吸引力減一載。

如果53改行安友/豐景園/翠寧花園，至少喺走線上冇61m咁迀回，仲可以食埋去程批客。

雖然53改路，都未必好得幾多，因為始終衰班次。
53可能就係因為衰班次，所以先至少人搭。

所以應該縮線，係用車數量不變嘅情況下加密班次。

至於青公(青山灣-深井段)來往機場/東涌，a31p去唔到機場後勤區/東涌，只有e線去到。



依家諗諗下我又覺得53繼續擺元朗站好過，因為可以食埋青公(青山灣-深井段)來往元朗嘅客源，而且你又話紅小好難上到車。

如果53同紅小可以分工做唔同路段嘅客源，又可以幫輕紅小，大家又有得做嘅時候，

咁就真係互利共生，反正红小食唔哂咁多客。

HB00610 發表於 2018-3-3 00:39
你回完帶未？

276仲有個地方你冇解決，大鑊程度唔喺屏夏路之下。

我又點樣回帶?

首先你要搞清楚，我話276p全面取締276，唔等如276p要改行276原有嘅路段。

就算cut左276，都唔會影響276p，276p可以繼續維持現況。

276同276p兩線沿線唔同嘅地方，只有天慈/天耀/屏廈路/青公屏山段/博愛醫院。

呢D地方完全可以用免費轉乘黎解決。
至於你話元朗工業區夜晚點様，我已經講左話就算m53行哂成條大馬路都唔係問題，只係兩者各有好壞，需要取捨。

仲有，你不斷話m53有冇用，但我已經講左m53有佢嘅價值喺喥，
(同68f差唔多用途)

cut53/276換九巴免費接駁服務好唔好，m53有冇用，唔係由你一個人講哂嘅，

你唔代表田/屏廈路所有居民，佢地點諗冇人知。

再者，我只係議事論事，有個句講個句，

我又點樣冇尊重過呢喥任何人/不停重覆文章挑釁版友/企圖引起罵戰?

GU9338 發表於 2018-3-3 09:06
你完全無答過我 276P 班班入博愛，由塞一次變塞兩次係乜玩法

田廈路你鐘意拉 68X 行多個圈都仲好過開 M5 ...

我話276p全面取締276，唔等如276p要改行276原有嘅路段。

博愛醫院有54/64k/68f/76k/77k已經夠哂皮，加返個276p免費轉乘已經補償到。
無謂咁多線都兜入去，繁時分分鐘塞住醫院門口。

香港黃毛小子 發表於 2018-3-3 18:43
我話276p全面取締276，唔等如276p要改行276原有嘅路段。

博愛醫院有54/64k/68f/76k/77k已經夠哂皮，加返 ...

你淨係Loop摺276都loop三次，仲問我點Loop, 擘大眼講大話係無恥。
我係居民講咗N次唔係最需要區內線，而家K75同K75P都成日塞埋一齊你又知唔知，你又知唔知田廈屏廈有幾多區內車？

你話我唔代表所有人？Maybe, 但最少我權威方面點都比你呢個只睇地圖連嗰度都未去過就狂loop文嘅。。。好。

你盲叉我？你有咩道理講過？

仲有博愛本身唔密車，你Cut車係無理, 仲有博愛直接車除咗客量仲有人道需要，諗下醫院有咩人先啦。

呢個人嘅行徑已經超越一眾版友底線，懇請Admin立即鎖文及對站友香港黃毛小子作出適當處分，謝謝。

HB00610 發表於 2018-3-4 14:42
你淨係Loop摺276都loop三次，仲問我點Loop, 擘大眼講大話係無恥。
我係居民講咗N次唔係最需要區內線，而 ...

我喺本帖只係建議過一次取消276，其後嘅回覆只係解釋取消276嘅主因/回應你嘅說話。
(雖然我喺f1版都有建議過取消276)

咁樣又算唔算係你所講嘅回帶?

我係有去過坑尾村/上章圍一帶，搭K65亦經過屏廈路。

不過你唔代表田/屏廈路沿線所有居民，呢樣野先係重點，

你冇必要訴諸其他唔關事嘅野(咩權威性)黎講。

何況你不斷重覆話m53冇用，但你又冇正面回應我所講m53嘅獨有價值(免費接駁)，
然後不斷無視我嘅回應，係咁重覆一D我已經答覆嘅論點(例如重覆工業區係死城)

咁你又算唔算係回緊帶?

你話m53冇用唔係問題，不過希望你俾D理據出黎/正面回應對方嘅論點。

至於cut276方面，北區已經有醫院，因此應該唔多北區人去博愛醫院睇病/覆診。

至於區內人，元朗市中心已經有54/64k/76k/77k選擇，天水圍/元朗亦有小巴77b。

而田/屏廈路沿線，可以用我建議嘅m53兜入去補償返。

同埋276去程收上水價，所以應該唔會有區內人搭276去博愛醫院，除非有長者兩蚊優惠。
(M53收區內價，去博愛醫院對原276沿線居民反而有利。)

香港黃毛小子 發表於 2018-3-4 21:25
我喺本帖只係建議過一次取消276，其後嘅回覆只係解釋取消276嘅主因/回應你嘅說話。
(雖然我喺f1版都有建 ...

醫院客除左睇病同覆診仲有探病

要處理前後腳既問題
調整班次開車時間已經搞掂
並非一定要取消276不可

53加轉乘優專已經變到M53
仲可以落屯門轉車tim
搞多咁野把鬼咩

Snoopy@FB8617 發表於 2018-3-4 21:39
醫院客除左睇病同覆診仲有探病

要處理前後腳既問題

因為53疏車得濟，成25/30/35mis一班。

但都可以加bbi，等田/屏廈路有得叫兩飛。

我有一個諗法，就係將68f改為洪元路-峻巒，改行大馬路，經田/屏廈路，

取消循環線運作，咁就應該可以做埋田廈路<>元朗市中心、田/屏廈路接駁客，

即係做埋建議中m53嘅功能。

香港黃毛小子 發表於 2018-3-4 21:25
我喺本帖只係建議過一次取消276，其後嘅回覆只係解釋取消276嘅主因/回應你嘅說話。
(雖然我喺f1版都有建議 ...

你估大家唔知你講乜？copy and paste咁“解釋”，就等Admin評估下咁叫唔叫合理解釋。
你抽走博愛同屏廈路嘅區外線兩個唔關事嘅區去搞元朗大馬路係唔合理，而且只係要解決呢個問題，係唔需要用挑釁嘅方法解決。


都係呢句，我話M53兜工業區冇用係因為有白泥小巴經屏廈路過去，好少人搭。

仲有，屏廈田廈區內線唔少，反而問題係開車時間衰，與其取消嗰度對外線去搞多條M53去轉乘，執靚53班次同開車時間已經係最直接嘅方法。

唔好再整D加句點再copy and paste人地成句野就回人嗰D叫垃圾回應。

區內線水浸嘅地區加區內線係你本身嘅問題，你唔好同我講你唔知咩叫攬炒。

拉68F入去田廈屏廈，又係嗰個問題，先唔講短車問題，其實實際上係同K巴爭飯食，睇下K74多唔多人搭再講啦好嗎。

HB00610 發表於 2018-3-5 12:34
你估大家唔知你講乜？copy and paste咁“解釋”，就等Admin評估下咁叫唔叫合理解釋。
你抽走博愛同屏廈路 ...

我只係針對各人對我嘅說話，作出適當嘅回應。

例如如果對方搞唔清楚我要講嘅重點，我提點佢/重申一次我咁樣建議嘅主因，又算唔算係你所講嘅回帶?
(如果係嘅話，咁我回帶都係合情合理嘅。)

仲有，“有冇回帶”同“叫唔叫合理解釋”，兩者又有咩關係?

我提議cut276，同“搞元朗大馬路”有咩關係?cut276又點搞大馬路?(你係咪想講276/276p喺大馬路長期拖卡嘅情況?)

我又用D乜野挑釁嘅方法解決?(我只係提議cut276，何曾有挑釁?)

仲有，我必須重申，我從來都冇挑釁過呢喥任何人。

我由頭到尾都只係提議/回應他人/發表我嘅意見。有時我唔太明白對方講嘅野，會提問下，最多都係咁。

而你卻不斷以垃圾形容他人嘅意見，以敗類之類嘅言詞攻擊本人，挑釁/冇尊重過其他人嘅一直都係你自己咋。

各人有唔同嘅意見，呢樣野係好正常。

但邊個都唔應該因為人地同你諗法唔同，就惡言攻擊/破口大罵，呢D行為極無品德。

我開本帖嘅目的都只係想集思廣益，改善53嘅使用狀況/屯天元交通。

同埋我從來都冇覆製過任何人嘅字句黎回應人，我所有嘅回覆，每隻字都係自己親手打落去嘅。

希望你說話能夠有根有據。


至於你嘅意見唔係話錯，

但53班次真係疏得離譜，如果要做埋接駁市區線嘅功能(加bbi)，最好能夠加密班次。

實際上我提議嘅m53，同53嘅短途特別班次冇分別，只係大家編號唔同。

咁點解我會提議開m53?

係因為田/屏廈路對外接駁需求如果大於53其他路段嘅需求，咁加密53班次只會令其他路段有載客量不足嘅情況。

係咁嘅情況下，開m53只係為左節省燃油/加快回車，提高效率。

當然如果田/屏廈路接駁其他市區線嘅需求唔算大，咁剩係靠53做冇乜問題。

至於276我係傾向於取消，原因之前已經講左，
雖然係犧牲左屏廈路村民/屏山居民嘅便利，但可以以其他方式補償。
(例如增加53/68x/268x<>54/64k/76k/77k/264r/276p免費轉乘優惠)

而天水圍/元朗有小巴/巴士直達博愛醫院，所以276對天水圍/元朗醫院客唔係必須。
(如果真係取消276，53可以兜入博愛醫院補償屏廈路/屏山嘅醫院客)。

香港黃毛小子 發表於 2018-3-5 22:22
至於276我係傾向於取消，原因之前已經講左
雖然係犧牲左屏廈路村民/屏山居民嘅便利，但可以以其他方式補償。
(例如增加53/68x/268x<>54/64k/76k/77k/264r/276p免費轉乘優惠)

而天水圍/元朗有小巴/巴士直達博愛醫院，所以276對天水圍/元朗醫院客唔係必須
(如果真係取消276，53可以兜入博愛醫院補償屏廈路/屏山嘅醫院客)

53 68X 268X幾時改經屏廈路o架?

仲有你剩係識從元朗果邊諗
你想上水死o架?
上水去博愛呢?
你想屈人搭慢到嘔既76K/77K?