51拆線建議

深圳比亚迪 發表於 2018-3-22 19:34
同小巴合併後有條件加至15-20分鐘一班，
最好用短E200

行得荃錦就係蝕, 唔會話去到郊野公園返轉頭就蝕少啲囉, 況且你加到15-20分鐘咁密, 即明明一個鐘一班車, 變成三至四班車, 夾硬食左80班客去維皮, 究竟係有賺定蝕得仲甘, 你計條數嚟睇過先?!

叫得51同251M合併果啲根本唔知道51同251M縮減服務既背後原因

呢兩條線有得做就唔會搞251A/B出嚟只做區內接駁喇

51基本上冇得救，九巴只想開假日唔得，取消條線唔得，唉。。。。

51客流集中哂郊野公園站至荃灣西一個鐘車程用四架車行15分鐘一班，但郊野公園站以北其實嘥咗，所以如果延長去大欖隧道轉車站嘅話，元朗北區客及其他有欖隧車嘅市區客可以搭欖隧車轉51去大帽山、川龍，南北行嘅客流就可以平衡返就唔使15分鐘一班嘥車嘥油，雖然總車程長咗多20分鐘左右，但大欖隧道轉車站易上車又方便都係一個賣點，車程八十分鐘用三架車行三十分鐘一班，至少慳咗一個司機同一部車。欖隧轉乘可以順便搶埋地鐵轉51嘅客，多批欖隧客賺多程車錢

qazwsaedx 發表於 2018-3-22 22:15
可以增設雙向分段收費

維唔到皮, 我話知你免費.

ryandroid 發表於 2018-3-22 22:56
51客流集中哂郊野公園站至荃灣西一個鐘車程用四架車行15分鐘一班，但郊野公園站以北其實嘥咗，所以如果延長 ...

51縮到上村之前係到錦上路站, 附近大量泊車位, 結果51有冇人搭? 元朗 屯門可以搭西鐵轉51, 結果縮短左啲人都識出荃灣搭51.

再之前擺錦田市, 理論上係有客出荃灣, 但有251M同大欖隧道轉車站, 鄉下人都唔會搭51.

EX-TL 發表於 2018-3-22 23:46
51縮到上村之前係到錦上路站, 附近大量泊車位, 結果51有冇人搭? 元朗 屯門可以搭西鐵轉51, 結果縮短左啲人 ...

關泊車位咩事？揸得車都直上大帽山啦
仲轉51?

搭鐵去錦上路轉51麻煩又冇轉乘優惠
上水粉嶺都出返荃灣搭啦
搭鐵去錦上路轉51點解唔荃灣西上車？

駁去大欖隧道轉車站係因為只要住嗰頭有欖隧車就可以唔使搭鐵去荃灣西、荃灣或者碌巴士經葵芳/梨木樹
同以前51總站喺錦上路站係兩回事

你認為加左BBI可以增加市民上大帽山嘅意慾, 多左人搭51, 唔駛蝕得咁甘, 甚至可以加密班次?

元朗同大埔分別可以搭54同64K去上村轉51.

不如你講吓一年有幾多人會北區-大帽山, 我諗北區-日本/台灣一定多過去大帽山.

北區搭車去太和轉64K, 到上村甫行過去上村轉51都得啦, 你鍾意搭278X兜梨木樹落荃灣, 同樣有人識得城隧轉49X落荃灣, 偏門啲但近啲可以搭77K到八鄉轉54 251B到上村再轉51.

51擺八鄉路, 班轉車客一樣要行去搭, 就只為減車費吸客, 而唔理巴士公司營運成本上升

其實荃灣西站同荃灣站都足以俾乘客轉車, 市區去荃灣巴士同港鐵車費都比去元朗 北區 錦上路站平一截, 整左BBI俾51, 變相路線延長左仲要減價, 但客量冇保證增長, 呢啲生意邊個會做?

EX-TL 發表於 2018-3-24 00:39
你認為加左BBI可以增加市民上大帽山嘅意慾, 多左人搭51, 唔駛蝕得咁甘, 甚至可以加密班次?

元朗同大埔分別 ...

你有冇睇清楚啊
我有話淨係北區咩
欖隧北行都可以轉51去大帽山㗎嘛
欖隧去大西北本身都比市區去荃灣收貴咗㗎啦
依家係多咗班客搭貴車咪賺多咗囉
點解一定要局限元朗人搭54?
54+51都係$8.9
搭欖隧車本身都$10.1/$11.1
免費轉乘都有賺多一兩蚊
用返第二程減收$5.8優惠
即係10.1+8.9-5.8=14.2
即係話九巴賺多咗$5.3或者$6.3

279x嘅話 15+8.9-5.8=$18.1
比起64K+51
8.9+8.4-5.8=$11.1
收多咗成$7

觀塘40+51
$8.8+$8.9=$17.7
268C+51
$18.4+$8.9=$27.3
收多成$9.6
減$5.8都賺多$3.8

九巴改51去八鄉路冇收少之餘仲賺多咗
何況九巴可以將欖隧轉乘優惠唔使 set 到同54/64K 一樣減$5.8
佢想抽多啲水都得
星期六日又唔會多客到要欖隧車加班
無新開支之餘
仲善用八鄉至郊野公園站嘅載客量
將一半客分流去八鄉路仲可以cut一架車慳司機慳油慳維修
乘客又可以唔使兜荃葵快啲出返市區或者唔使兜錦田返新界西、新界北
兩全其美
你仲有咩唔滿意？
定係你想51維持現狀繼續蝕錢？