列舉全國仍然未有比亞迪公交的城市

hellomato 發表於 2018-4-11 11:29
珠海廣通（即係幫香港砌成堆E500嗰間），不過電動巴士會改用“銀隆新能源”品牌

廣通啲車睇落唔錯，佢始終係ADL合作伙伴，有幫ADL砌車經驗都學到唔少野，可靠性可以信賴，而且佢啲車美感好過好多國內車廠好多
不過講到銀隆新能源，中山最近其實都有引入少部分銀隆新能源車，個殼幾型下架
只不過係LNG短陣車
我記得自己仲好細個係中山生活嘅時候，中山公交甚至仲引入過少量青年低地台
個時候每逢週末阿婆都會帶我一齊搭28或38出去岐江公園玩（當然，此28/38非彼來往樂華—尖沙咀碼頭/藍田平田—葵盛東的28/38），當時28號線有幸獲得幾部青年低地台做掛牌車，記得當時第一次搭嘅時候都好驚奇部車無梯級上落真係好方便，當時唔好話中山絕大部分巴士都係非低地台（即使係今日都仲係咁樣），就連同期香港都依然仲有大量白板車同熱狗行緊，都係一個幾難忘嘅回憶
可惜宜家低地台青年係中山已經買少見少，原本28號線個啲都已經調左去其他遠區路線

K.C.R2007 發表於 2018-4-11 12:31
廣通啲車睇落唔錯，佢始終係ADL合作伙伴，有幫ADL砌車經驗都學到唔少野，可靠性可以信賴，而且佢啲車美感 ...

我在廣州工作，而且有家人住在中山生活，所以都周不時返去。現在中山的巴士路線已經面目全非28算比較好彩，只是改number叫228，成條綫基本沒有改過。可能是因為跟小欖汽運聯營的關係？
（你前面提到的青年低地台正屬於後者。印象中2007-08年左右出牌，估計已經全數退役）
不過就另外分了一條K13出來（興中廣場——小欖城區客運中心，大站快線，中間只設6個站）
38就改到好甘，首先分拆成兩條綫：050（博愛醫院——沙朗中山奧園）+ 210（中山汽車總站——黃圃客運站）
後者最近又似乎跟另一條203（以前叫73，城南客運站——黃圃客運站）
合併成K21（中山汽車總站——黃圃客運站，大站快線）[因為203、210和228大量重疊，重組也是無可厚非.........]

深圳比亚迪 發表於 2018-4-11 11:53
鄭州是宇通大本營，
睇來有客車製造商的地方，
都會拒絕其他地方公交打入市場，如上海，廈門

唔好意思用手機覆唔可以bold你回覆既然你話有客車製造商既地區就冇外來廠家

咁何解上海會有YM同宇通電動車呢?

hellomato 發表於 2018-4-11 15:27
我在廣州工作，而且有家人住在中山生活，所以都周不時返去。現在中山的巴士路線已經面目全非28算比較好彩 ...

原來批青年係07～08年左右引入? 可能年代久遠加上童年時記憶能力有限，不清楚第一次接觸青年低地台的確切年份，加上當地巴士迷文化遠不及其他城市發達，有關資料非常欠奉，難以考證，所以不清楚本人兒時第一次在中山28線接觸到的青年低地台到底是07～08年個批，還是07年之前其實也曾引入過其他青年的低地台產品

不過講到中山巴士，中山巴士無論如何也承載了不少本人美好的童年回憶
小時候在中山居住，屋企人週末或假期帶我出去玩同行街買野都一定會離唔開巴士
童年時在中山生活的時光，我見證過中山巴士從最早期的上百下黃中間一條橙色色帶的傳統塗裝，逐步轉變成更美觀、更令人感心曠神怡和悠閒自在的青色塗裝，並一直持續至今沒有改變
我甚至仲有幸坐過一兩次買少見少的非空調巴士，雖然年代更加久遠，但我仍然記得當時中山的熱狗巴士其實同亞比安差唔多感覺，梯級高，圓角窗，塗裝係上白下彩虹色，啲凳完全係同丹拿A型烏嘴狗同英段柴油火車普通等車卡一樣的公園式長凳

深圳比亚迪 發表於 2018-4-11 20:02
上海我見都係申豪同埋大宇比較多

Well
你見到比較多爹嗚同sunwin唔代表冇YM同YT囉

而且兩間廠既訂單唔係幾架幾十部咁少囉

K.C.R2007 發表於 2018-4-11 20:14
原來批青年係07～08年左右引入? 可能年代久遠加上童年時記憶能力有限，不清楚第一次接觸青年低地台的確切 ...

彩虹裝我至今仍然印象深刻
不過我記得更早期其實是白色+綠色，又或者全車灰色的塗裝
用車主要包括白雲小巴、紅橋小巴和長江大巴
直到02-03年左右引進第一批廈門金龍9米/12米，開始出現黃色塗裝
這批金龍的到來使我感覺中山的巴士服務瞬間提升了一個檔次
如今的綠色塗裝大概在05-06年出現，初時帶有“旅遊觀光”、“悠然中山遊”的宣傳標語
後來這些標語被悉數移除，成為現今中山巴士的標準塗裝
而中山的常規巴士路線也由最初只有31條（1-31，沒有14和24，2和11分AB）
到如今百花齊放......只是家裡買了車，所以也變得越來越陌生了

hellomato 發表於 2018-4-12 09:55
彩虹裝我至今仍然印象深刻
不過我記得更早期其實是白色+綠色，又或者全車灰色的塗裝
用車 ...

睇黎師兄嘅經歷同我幾相似下窩，但貴在你連比彩虹色熱狗更加早期個啲你都仲記得，小弟98年失敬失敬
我屋企都係差唔多情況，細個時候係中山生活，巴士一定係交通首選，但有時屋企人都會嫌巴士唔方便同多人/逼，又嫌的士貴，所以有時都會叫下三輪摩托甚至白牌車
不知是否巧合，本人兒時在中山生活的足跡基本上都係由28號線塑造
無論係去菜市場買菜買餸、週末去茶樓飲茶、出去岐江公園/步行街/吉之島消閑，全部地點都係離唔開28號線會經過的地方
可惜自從10年開始中山屋企人自己有車，就已經少左搭巴士，加上自己亦升上中學以後，學業開始變得繁重，加上父母開始管得嚴，亦都少左返去中山住，均令中山巴士在本人的生活中逐漸淡出，無再點樣留意中山巴士的發展，歲月的流逝、父母突如其來的嚴格管教，加上備戰DSE的摧殘，童年時個種熱情同純真，都已經再也搵唔返
雖然如此，我對中山尼座城市同中山的巴士的感情仍然猶存，見到中山巴士尼幾年用車上都有進步，開始有BRT同雙層，都感到非常欣慰，但更欣慰嘅係最有感情個條28號線經過大重組，除左編號多左個2變成228之外並無太大改變
當然仲有就係中山一直係金龍福田大本營，沒有被比亞迪染指
不過38號線我反而覺得分拆係應該，我記得即使係以前童年時代38號線走線基本上同28號線近乎重疊，而且38號線的用車也不及28號線啲車靚