兩蚊客轉劃一折扣 減少見車就上？

kei_hk 發表於 2018-7-18 14:39
當計算固定折扣率﹐例如 二五折﹐就會$8以下的路線就會比現時$2更平﹐換句話說最常用的區內線全部減價。

...

長途線個類咪keep半價或者6折.

michlui0718 發表於 2018-7-18 13:57
劃一收費再加所謂完善既免費BBI根本唔適合香港
剩係短途線要加到長途價（甚至只係加三四蚊）肯定比好多人 ...

如果不劃一票價，只是將現時屯轉式 BBI 擴大至全港所有路線（即第二、三程只須補差價，兼可跨公司使用，不限路線，類似澳門今年加價前的 BBI) 又會不會適合？
至於長者優惠，則建議改為按成人票價打一折（基本票價訂為五毫，打折後低於此數則免費，最高仍定為兩元），以變相令短途線免費方式減少「長線短用」的情況

其實可以考慮以「免費優惠」取代「兩元優惠」，但限制使用次數。

例如每月可免費乘搭長途線十次，區內線四十次。

053h4 發表於 2018-7-18 14:55
資本主義的核心, 就係通過稅收, 進行財富再分配, 而不是收入方面共你產
你鐘唔鐘意幫人, 關香港社會資本主 ...

阿0生，你講嘅唔係資本主義嘅核心，而係福利主義嘅核心

香港而家嘈緊人口老化，各種各樣倫理問題，係咪適合玩福利主義呢？

走去玩福利主義，經濟可以估到會走日本後路，靠北水搵食
如果大陸監管搞番掂，唔再玩「特事特辦」，或者至少冇咁猖獗，香港真係唔知可以做咩，回復1842前一個純樸到冇人想住嘅小島咁囉

正題，長者對長途客影響好難計，因為好壞都有
除非條特快線係玩一站上公路，否則有長者公路前尾站落，同時係可以空少少位比尾站客，亦有座位輪比中間上冇位坐嘅客，反而或有意想不到效果
類似例子有234C去程
至於你話會唔會特登死等長途線攞津貼，我覺得香港路面環境唔算好，長者應該冇咁嘅心機 (有咪折壽幾年做代價囉)
而嗰啲津貼係會比番半價差額，巴士公司如果計番落條數，就會有多少少做好長途線誘因咁囉

eternalflame 發表於 2018-7-18 13:26
分短中長途就已經唔係叫劃一，只不過係另一種簡單化里程計費，最終同宜家車費等級表有咩分別先？
香港公 ...

其實唔係分短中長途唔同價，而係分流水同特快唔同價；流水線全部劃一價兼限時BBI，同埋里數要封頂（避免甩班）；特快線按里程計費、兼限制全程站數（例如公路兩端各唔超過10個站）同用豪華巴士。
只要明確分返流水同特快，要用唔同branding（例如特別字頭，唔同車身色彩），咁就可以調整優惠，限制濫用。

053h4 發表於 2018-7-18 16:13
一票制下個個比均一價, 或者重整全港收費, 採用上海模式, 容許長者用政府津貼買全港乘車券, 而全港乘車券 ...

一票制或一個價格無限次轉乘都唔能夠解決濫用問題:
1) 乘客會選擇停站較少、車程較快或用車較豪華的路線
2) 因為搭幾遠都係單一票價, 特快服務站站停之下變晒流水線
3) 第(1)點嘅情況初期需要令巴士公司調配車輛服務特快線, 地區或流水線往往首當其衝, 即係谷乘客坐特快線
4) 最終所有路線變晒流水線, 咁點解唔一程車過要轉乘呢?
5) 只有巴士行單一票價, 即係倒客去鐵路

宜家$2客都已經發生(1) (2)呢兩個情況啦

深圳模式雖然車費平但政府一年補貼幾十億比巴士公司

冇用呢……俾佢搞掂完長者濫用情況後，又自製月票客會有呢D情況呢……
http://www.hkitalk.net/HKiTalk2/thread-1083888-1-1.html
如果我買左最貴既月票，都唔怕長途車搭幾個站啦，反而揀區內線搭(有時都唔係揀，係咁O岩遇到者……)好似會有好蝕底既感覺(香港人性格，有著數要拎盡咁樣先過到心裡O個關)