黃大仙區路線想改快快唔起, 即係冇理由加價, 好多路線都只能收$4.9-$5.8.
廿幾年前的市區路線重組, 大部份係搞黃大仙區, 好似3 6B 13咁, 不過搞完仲衰, 頹線係取消左, 但受重組影響的路線如9就兜走晒黃大仙下邨前的客, 10彩雲-鳳德段又係廢, 變相而家10同以前3的功用係冇分別, 而彩雲-鳳德段到後來仲有91 91M 92爭食, 彩雲有27 95等線落旺角, 即係殺左3搵埋10做替死鬼, 司機兜足兩個鐘頭先返總站落地, 13死就加9 95分段, 即係95永世唔駛離開彩虹道.
另外, 15A加兜啟業食13E時, 行車里數增加到可加價地步, 但就好好人冇調整, 反而整左兩個分段收費, 91M延長到寶林食298M一樣, 又係冇加價, 反而增設分段收費, 唔係想話九巴唔識做生意, 因為咁樣而加人價確係幾冇品(好似90年代初紅磡碼頭技術性調整里數而加價就係最好一例), 只係覺得D重組方案, 好似明明同黃大仙區冇關, 但又辣到佢, 今日一拎盤數出黎睇, 即刻無所遁形, 但可以做嘅好似慈雲山咁, 已經做得七七八八, 改唔到幾多, 咪唯有cut班囉!
人口唔夠集中又係死症, 黃大仙區山同休憩地多唔駛講, 部份地方仲因為以前啟德機場年代, 樓宇起得唔高, 就算有屋邨, 人口都比較少, 一係就老化, 年輕力壯都同你行去地鐵站, 好似竹園, 重建好黃大仙上邨之後, 行落黃大仙站方便左好多, 鑽石山站有沙中線, 遲下龍蟠 鳳德 新蒲崗又少咁批巴士客.
如果係同W2有關, 只可以同九巴講恭喜, 終於搵到理由, 借D意cut走黃大仙區毒瘤, 但對乘客而言又係咪公平呢?! |
