明日大嶼的鐵路走廊

掃管芴未來不斷有發展，周圍樓盤越賣越多，人口會大增，設站機會極高。
適合設站位置初步睇到有2個，
政府張圖條線如非亂畫大約係掃管芴路地底一帶
如果唔想大封路，唔想收地，目前中石化油站塊藍色政府加綠色休憩平地係首選，
下面起地鐵，平頂後上面可以起運輸交匯處，
五百米內覆蓋大量住宅，包括星堤愛琴海黃金海岸哈羅國際學校等。

掃管芴路地底可能只係經過 果到想搵位起出口都難 兩面起哂樓照咁睇有可能係你指示既地方


另外會唔會想係屯門轉車站開站呢？
如果係都幾正
有咩事即刻可以轉鐵

008325 發表於 2019-3-6 02:13
掃管芴路地底可能只係經過 果到想搵位起出口都難 兩面起哂樓照咁睇有可能係你指示既地方

呢個選址缺點在於同條河好近，條河唔係行車管道，都會係個站上面
個站唔會起得淺。防水措施要做足。
------------------------------------------------------
從來只有巴士輔助MTR，邊有調返轉嫁?
起個車站一啲都唔平又拖慢行車時間。
轉車站係十一號幹線分叉位，第時實會開新巴士線，有事轉搭新線行十一號幹線出九龍。
再唔係可以加K巴反方向送去掃管芴站。

paul2357paul 發表於 2019-3-4 10:29
唔同意，睇番屯門大量對外巴士線唔正常服務既日子(例如山竹之後果日，老九壞車務大腦果日)早繁西鐵屯門區 ...

西鐵唔剩止可以透過轉綫過海，仲連接埋其他地區(荃葵青/九龍半島)。

而西部外走廊剩係去到人工島同港島西區。

單係呢一點已經唔同講法，除非人工島潛在客源多到拍得住成個九龍半島。

20160424 發表於 2019-3-4 21:41
掃管芴未來不斷有發展，周圍樓盤越賣越多，人口會大增，設站機會極高。
適合設站位置初步睇到有2個，
政府 ...

掃管笏係低密度發展區，容納人口並不足以支持加站。

除非收返稔灣山頭作上蓋物業發展，將掃管笏打造成旅遊地區。

如果港島綫無法延長，西部外走廊「堅尼地城」止步已可。

無必要再向東延伸。

係中環/金鐘上左一堆轉綫過海客，港島綫先至滿滿地。但西港島綫路段仲有大把容量剩。

再睇下西港島綫造價有幾昂貴，已經可以判定西部外走廊再向東延伸，已經不符合成本效益。

香港黃毛小子 發表於 2019-3-9 14:23
如果港島綫無法延長，西部外走廊「堅尼地城」止步已可。

無必要再向東延伸。

我覺得呢條重要嘅跨區過海鐵路線只係得壹個港島轉車站唔夠，除咗東涌線之外，其餘過海鐵路喺香港島起碼有兩個轉車站，以分散轉車客流。
我認為呢條新嘅鐵路可以延伸至未來建議中嘅沙中線中環南站。中間淨係穿山爆石，造價應該冇喺市區地底起隧道咁高；而且中環南站仲未起，而家規劃或者可能可以設計出一個便利乘客嘅結構。

Lyt_Kondisc 發表於 2019-3-9 16:40
我覺得呢條重要嘅跨區過海鐵路線只係得壹個港島轉車站唔夠，除咗東涌線之外，其餘過海鐵路喺香港島起碼有 ...

條綫冇必要拉去中環南。



首先連覆蓋人口大幾倍嘅沙中綫都冇延伸到中環南，政府係有做過研究，中環南基於土質問題唔適合起站。

第二中環南站選址可能偏離核心地區，變相效益大打折扣。

第三人地荃灣綫/將軍澳綫雖然有兩個轉車站，但屬同站轉綫，而且延長一個站距離唔好算長，同由堅尼地城拉去中環南係兩回事。

第四西港島綫造價高昂其中一個原因係土質鬆軟，而且穿過西半山要顧及上方樓宇結構安全。西部外走廊延伸至中還南同樣會遇到相關問題。

第五由於堅尼地城屬於尾站關係，港島綫係有能力吸納哂所有轉綫乘客。

第六有別於中環/金鐘站，堅尼地城並非位處於都會中心地帶，車站人流自然遠少於前兩者。



總括而言，西部外走廊冇必要再向東延伸。

香港黃毛小子 發表於 2019-3-9 17:39
條綫冇必要拉去中環南。

東鐵綫金鐘站調頭隧道仍然有預留延伸去中環南，所以興建中環南站並非無可能

香港黃毛小子 發表於 2019-3-9 17:39
條綫冇必要拉去中環南。

五條過海鐵路，但港島主要地區得兩線點夠用？仲未計劏房盤越來越多，港島嘅人口密度都有增無減。

如果大東北係由第二南北線做，咁西部外走廊喺港島覆蓋好的話，就可以吸引人經東大嶼轉車，減少東鐵九龍段嘅負荷。