專利巴士反應慢半拍，應由港鐵拼購

係運吉限制了巴士公司車隊數，而且人手也不足，可以點？

dogdog002 發表於 2018-10-16 23:37
其實就算龜龜有506 K52又點

本身506 K52班客就唔重要？

樓豬覺得鐵路有難就應該立即抽巴士去支援鐵路, 咁即係鐵巴都應該照抽, 仲應該要最快反應咁抽
正路咁諗鐵路點都賺錢過鐵巴, 但一抽鐵巴去支援鐵路, 又變成樓豬批評既巴士公司只顧賺錢線
唔使諗到又曲又直咁複雜, 根本只係樓豬自己都未搞清楚自己講緊啲乜

更何況現實係巴士公司有晒機制點支援鐵路, 但繁忙時間周圍都冧檔時, 丁碎咁多士啤車去得邊度救火丫, 係樓豬做磚家衝出來搵野來講

日日俾人鬧嗰十幾部23/81, 傳聞中留行李架其中一個用途就係等機鐵冧檔時去支援, 可能樓豬好支持要留個行李架添

昨天仍奇怪點解港鐵咁死法都唔出免費應急巴士，
今日終於知道點解了。

因為政府話未到災難級，唔駛開緊急事故協調中心。
咁港鐵大條道理返工時段用20%嘅服務去運作啦！

上次天鴿、今次港鐵，根本問題在於政府完全無危機意識，
唔去協調，巴士公司出盡車，其實都一樣搞唔掂！

咪玩啦，新界人難道唔會出市區返工？你抽起新界啲車去市，新界人都被迫搭鐵去市區，即係原本喺車站塞死嘅市區人換咗啲新界人，根本解決唔到問題，更何況市區四綫死哂嘅話，新界巴士更加比以往多咗大批鐵路客，新界都冇乜剩餘巴士資源，點去救市區？

唔好忘記條垃圾東涌線只係去到中環，中環以東地區都要依賴港島線接駁，你知唔知尋日去到香港站，通去中環站條路俾人封左，要實施人流管制，返金鐘灣仔銅鑼灣冇 948 都一樣返唔到工

bnr34 發表於 2018-10-17 09:28
樓豬覺得鐵路有難就應該立即抽巴士去支援鐵路, 咁即係鐵巴都應該照抽, 仲應該要最快反應咁抽
正路咁諗鐵 ...

睇黎有人真係要開番呢套垃圾野先至安樂：
http://hkbus.wikia.com/wiki/%E6% ... B.E5.88.97.E8.A1.A8
好彩真係冇開，否則直頭係全城笑柄。

重點係呢D緊急時候客流模式一定會急劇大變，否則例如紅磡站紅隧口一帶唔會淪陷：
http://www.hkitalk.net/HKiTalk2/thread-1097910-10-1.html

原來緊急巴士服務只值與現有鐵路完全平行，盲塞相關塞死路段最頹方法等通行quota，R港鐵延誤證明既移動旅館？

諗清楚琴日邊D巴士線已經叫做最疏導到人潮果批，
港島北岸本土既梗係例如果堆7字頭，東區內仲要foul走大部分北角既相關流水線，其次冇7字頭另一批東廊線應該勉強都得。
過海既除左例如W1果D真係太垃圾之外，基本上條條都好難唔掂。
港鐵真心入巴界幫手既梗係例如貢獻鐵巴車隊入九新城車隊整激特仲好。

我都好同意樓主所講！

但係港鐵反應都唔係太快，所以最好有香港政府拼購埋。

咁但係香港政府嘅速度又真係同巴士公司相約，所以我覺得應該將香港政府打包，公開招標，去搵一個新嘅營辦商拼購呢個反應慢半拍嘅香港政府！

反應慢半拍嘅港鐵收購完反應慢半拍嘅專利巴士公司之後，再由反應慢半拍嘅政府收購反應慢半拍嘅港鐵，最後再由一個反應唔係慢半拍嘅公司嚟收購買香港政府，簡直係完美呀。

問題係, 鐵巴本身都無心做, 好似大西北咁,
有些線好似K53咁, 明明有足夠既客, 但一值只做星期一至六既繁忙時間......
佢有心做既, 一早做左全日正式線.....
仲有 元朗, 錦上路 新區 , 鐵巴一條線新線都無開,
只係依賴 小巴係做服務

佢無心做, 你可以點?

最可惡的是,當東涌線仍正常服務,港鐵唔派緊急巴士,唔開這6條線
1.荃灣-大窩口-青衣
2.葵興-葵芳-荔景-美孚
3.九龍塘-深水埗-南昌
4.太子-旺角-奧運
5. 紅磡-佐敦-九龍6. 香港-金鐘

同時緊急事故交通協調中心好像潛咗水

巴士公司都打梗仗邊度有多車出黎救地鐵? 不如你話學大英祖國開d古董巴士出黎載啦
我想試下搭丹拿A過海啊