荃葵東九線重組及建議

其實40真係冇能力再自己分開快線同慢線?
小弟有時夜晚搭40出鑽石山 試過眾安街就已經頂閘...
可唔可以一條停完大窩口站後就轉上德士古去荃灣路
另一條就原線不變
事關40拉左去麗城 早晚繁係真係吸到唔少客


同埋如果想解決美孚客問題 點解唔揾埋其他小區啲資源做?
由其四小龍 遲下海盈起完 又多啲人口住 應該都要通勤架

HN745 發表於 2018-10-26 23:40
其實40真係冇能力再自己分開快線同慢線?
小弟有時夜晚搭40出鑽石山 試過眾安街就已經頂閘...
可唔可以一條 ...

其實我諗法係葵興芳乃至美孚就38做曬，荃灣就40做曬，真係要解決流水，倒不如另外重開舊40，荃灣至美孚同深水埗至觀塘都做到添

但資源限制上唔允許做到呢樣野

至於快線，其實40我改左行上路，基本上同大窩口站轉上荃灣路出冇分別，都係大窩口就直出，況且我都加左唔少班

我唔係好肯定荃葵仲有無資源重開舊 40 或者短途支線。始終 40 車又唔係多，亦不時收車。
就算係 42C 咁多車亦未必拆得掂，89D 拆條 89S 又變運櫈。
33A 就唔好郁佢，如果搭 33A 返荃灣，基本上都有排兜，同 40 時間相比差太遠。始終 33A 係大窩口同葵涌邨出入市區唯一平線，同 37 重組又好難順路，九記又無心做果類線。
唯一可以拉係 30X/234X。但如果咁做，大窩口一段青山公路就得返 38A 一條線來往美孚，又係另一條九記無心做路線，伏唔伏就視乎你點睇。好處係可以加多一個 38A 存在意義，壞處係海濱重組難度會增加 (當然想唔想重組都係另一個問題)，同埋九記一收車就變相無巴士服務。
講返 30X/234X，理論上可以拉一條荃灣東落橋，補返 40 BBI。當然，不論拉任何一條，都會無咗 34M/39M 其中一條轉乘優惠 (變相無得利用 BBI 喺荃灣市中心停留)。當然西約仲有條貴少少 234B，但如果拉 30X 就有可能一次過將 30/39A 重組埋。

tonychow 發表於 2018-10-30 20:40
我唔係好肯定荃葵仲有無資源重開舊 40 或者短途支線。始終 40 車又唔係多，亦不時收車。
就算係 42C 咁多車 ...

33A如果要改線，可以嘗試來回跑葵涌道天橋，改叫33X，去程禾葵里走，只停荔景邨，回程美孚後停光輝圍、帝盛上番葵涌邨
慳咗嘅時間，可以拉落西九龍站，收$7.5，長沙灣分段$6.4，美孚/光輝圍分段$5.6

呢個建議好似之前有人都提過了
咁就可以大致補哂荃葵40做到嘅位，不過40轉2A、6D冇得再一程過，40又做極都疏，仲有幾多人繼續用緊呢

39a無限循環？九巴未做過，真係好難講佢肯唔肯做

40p擴展服務時段？麻煩撤出石圍角先，可考慮放東普陀，加32bbi

38學生客點處理？