運輸署唔係有保鐵政策咩？點解234X成條同紅線重疊都無被整頓？

macky 發表於 2018-10-31 08:36
樓主58m未可以完全取消58m 又同多綫重疊
屯門沿線又經西鐵站
葵芳總站直頭係港鐵站

263邊忽同地鐵重疊？你搵條鐵喺屯門站向東，沙田站向西嘅俾我睇呀？！
58M喺屯門至荃灣又邊忽同鐵重疊？而家未有屯荃鐵路喎。

miklcct 發表於 2018-10-31 09:12
263邊忽同地鐵重疊？你搵條鐵喺屯門站向東，沙田站向西嘅俾我睇呀？！
58M喺屯門至荃灣又邊忽同鐵重疊？ ...

算重疊呀，沙田搭去紅磡再搭入屯門就得啦，其實車程也不算太耐

kingprowm 發表於 2018-10-31 09:20
算重疊呀，沙田搭去紅磡再搭入屯門就得啦，其實車程也不算太耐

你拎個地圖畫咗條巴士線同地鐵線先啦，兩條根本完全唔同嘅路線，何來重疊？！

miklcct 發表於 2018-10-31 09:27
你拎個地圖畫咗條巴士線同地鐵線先啦，兩條根本完全唔同嘅路線，何來重疊？！
...

重有58m/60m +48x 未可以取締263
可以取消,以前都係咁搭
58m 成個沿線都有輕鐵轉西鐵
又可以點到點,都可以取消

KMBAVC19 發表於 2018-10-31 00:16
有喎

假日非繁深水埗番荃灣已經要企車頭

不過咁
深水埗上未必有位坐
長沙灣美孚要逼上車，都應該趕走咗唔少客
之前經驗話過油尖旺區上到70-90個客，深水埗區只上20-30 (當然有時油尖旺都好少客啦，睇情況)
隔離東北葵支持到兩條半深水埗線，葵盛自己又一條唔差嘅，荃灣住宅區一條都唔太支持到唔多合理
油尖旺返荃灣既然支持到又紅小又鐵又234X，亦有條件做大
而荃威30X比西約234X慢5分鐘左右上公路，可以使荃威兜西約再跑西九龍走廊出去可行 - 點都快到5分鐘，就算唔想入西約自轉都可以用荃景圍天橋站上落
當然相應深水埗線就應該出九龍跟234X行全段大涌道，同樣快5分鐘出去，作為油尖旺線兜西約補償~
資源如果有問題，咪荃威30X名義出三四成車，西約234X名義出六七成車，唔好將堆車擺哂同一個pool咪得囉
當然荃威要死攬唔知幾時正式繁時20非繁25嘅30X咪由佢，234X抽34M一車分拆~
我敢講，而家230X有去無回，234P一班車，一定唔係最好

macky 發表於 2018-10-31 09:47
重有58m/60m +48x 未可以取締263
可以取消,以前都係咁搭
58m 成個沿線都有輕鐵轉西鐵

263要攞黎比佢加停「荃景圍天橋轉車站」㗎，梗係唔可以取消啦

Ricky403 發表於 2018-10-31 10:13
263要攞黎比佢加停「荃景圍天橋轉車站」㗎，梗係唔可以取消啦

咁58m+48x尼個組合 完全可以滿足樓主標題需要
想完全保鐵選擇可以坐輕鐵轉西鐵去葵芳
又有月票通,完全得咗
(自己唔想轉車,就要求其他人轉車)

身為荃景圍居民我想講幾句。
第一，重組唔成就陰乾，呢樣係九記最鐘意做果樣。
以前 30X 同 234X 重組方案被 ban，你睇下九記點對荃景圍？咪減班收車囉。
建議大家唔好用重組失敗就減班收車做藉口。呢個真係一個好差理由，明明開足車係巴士公司應有責任。
第二，同 234X 重組問題。
唔計九龍流水服務 (反正仲有 6C 6F 可以食咗佢)，我身為荃景圍居民唔介意重組，前提係直車覆蓋範圍、班次同收費唔可以變。
本身 30X 班次就算唔收車都已經唔係密，重組完之後半個鐘一班你真係搭埋我果份。唔好話咩睇 ETA 出門口，我喺旺角半個鐘搭鐵返到荃灣上埋 39M/95M/行緊去愉景都得。
依家 30X 大多數時間預定係開 15-20，拆完線之後如果疏過呢個班次，西約兜多 5 分鐘 (呢個 5 分鐘要視乎西約點上公路，而大涌道會係一個問題令路線唔可以行海邊)，等車等多 5 分鐘，跑西廊快得果 10 分鐘仲要唔知使唔使落美孚，咁不如唔好重組，有車多放落其他路線好過。
收費方面，如果 41A 都仲收緊 $8.9、36X 仲收緊 $7.8 果陣，我睇唔出西廊特快有咩資格收 $9.6。
如果一條線係荃景圍開經西約跑西廊，以抵消 30X 兜荃灣市中心時間，咁另一條線就一定要西約開，經荃景圍上公路出深長茘。我再強調一次，如果出深長茘或油尖旺其中一區係要轉車仲要貴咗的話，我唔覺得重組之後算係改善服務。
依家荃灣出旺角 21 分鐘，個人一直唔覺得 30X/234X 目標係同鐵鬥快，因為等車時間都差唔多。如果再加價同無一程過優勢，咁就真係摺得線。

tonychow 發表於 2018-10-31 11:29
身為荃景圍居民我想講幾句。
第一，重組唔成就陰乾，呢樣係九記最鐘意做果樣。
以前 30X 同 234X 重組方案 ...

點解一會出現呢
係因為一直以來九巴都好少主動改線，改得線，一定有某些被動因素，可能係蝕錢，可能係新競爭者加入，可能係要入標
30X點解改完會減班，相信因為行車時間太長蝕錢，冇得縮行車時間，因黃埔走客減班都好正常 (當然可以問點解當初唔揀縮去九龍站再搬去西九龍站而維持下晝15分鐘一班)
以荃灣去到太子或旺角道距離黎講，做循環節省出入旺角區總站時間其實唔錯，不過唔知九巴有冇諗過啦
青沙大循環似乎都係道路網限制下被逼搞出黎

至於後面你提出油尖旺線荃威兜西約，深水埗線就應該西約兜荃威，冇錯係絕對公平
但本來唔係公平嗎
西約而家234X直出深水埗，好難接受加兜荃威先出去，慢5-10分鐘又唔太可能谷密班次
我認為深水埗線拆兩條，俾荃威有15-20深水埗直出，同西約喺大涌道聯合班次好啲，最多西約榨一榨條34M出啲豉油咁樣