運輸署唔係有保鐵政策咩？點解234X成條同紅線重疊都無被整頓？

Ricky403 發表於 2018-10-31 13:30

以荃灣去到太子或旺角道距離黎講，做循環節省出入旺角區總站時間其實唔錯，不過唔知九巴有冇諗過啦

我有啲想知可以點循環

先飛橋出旺角再行慢線返入來會死，因為光昌街 / 長沙灣廣場係大站

但好似 286X 咁齋做長深荔又唔夠客，一定要出埋太子

但出到太子好似又無乜路調得頭嚟唔塞車：一條旺角道都已經玩死你

結論係：得番 234X / 238X 嗰種行法先至夠客又唔 (太) 兜，陰乾 30X 最節省腦汁


一係就喺 30 / 39A 打主意：

30 （荃威經西約上橋出旺角）
30H （死跟 32H 返到仁濟之後改跟 39A 返荃威）

最多繁時整返幾班車做葵興返工客。荃威落地鐵站順路，應該比郁 38A 易話為。

買餸客趕哂去搭小巴算。

238X 發表於 2018-10-31 14:01
我有啲想知可以點循環

先飛橋出旺角再行慢線返入來會死，因為光昌街 / 長沙灣廣場係大站

彌敦道右轉太子道西後跟2X返長沙灣道，如果里數夠24公里
以往路線建議都係類似走線
車時連休唔過100分鐘，里數唔長，合理做大循環範圍
唔夠唯有南昌街荔枝角道上海街旺角道停弼街調頭
後者違泊塞車風險大少少 (不過主要都係假日)，加相對唔順燈，車時可能長5分鐘左右，不過里數一定過24公里
而俾你擺到旺角東站奧運站入番弼街都係要塞車

同時再加埋深水埗線 > 荃灣市上荃威／返西約各線轉乘，理論上即使里數唔夠，焗住行上海街同一小段旺角道都唔會太難等

Ricky403 發表於 2018-10-31 15:45
彌敦道右轉太子道西後跟2X返長沙灣道，如果里數夠24公里
以往路線建議都係類似走線
車時連休唔過100分鐘 ...

彌敦道右轉太子道西都幾塞下，因為南昌街之後、旺角道之前得呢個路口有得轉右

另外砵蘭街都麻麻地，上次 2X 改行嗰度據聞都幾大反彈

反而如果入上海街可以考慮直接左轉弼街避旺角道，缺點係做唔到南行太子轉車客

P. S. 啱啱查過，唔來回兜埋市中心 (30X 走線) 的話一定唔夠 24 km

Ricky403 發表於 2018-10-31 10:13
263要攞黎比佢加停「荃景圍天橋轉車站」㗎，梗係唔可以取消啦

有人葡萄緊 麗城花園 有車去尖咀??

定係有人日夜諗住/發夢想 234x 提速 ??

青沙大循環出現，除咗道路網設計之外，仲有個原因，就係比較少唔順路出現。
特別係 286X。如果我想由大圍出長沙灣，我有 286X 同 86A 選擇。
問題係本身就算唔行青沙都好，86A 同 286X 喺九龍區走線都係同一方向，即係深長茘走法。
當然如果用茘 (茘枝角站) 長深走法，行青沙去長沙灣唔計食四小龍燈陣觀感上就會快好多，但對 286X 來講其實都係公路落深水埗做九龍頭站 (286X 甚至 skip 埋石硤尾)。
而荃葵線如果做大循環，根本做唔到同樣效果。首先我理解係兩個方向都停美孚，如果唔係美孚返荃灣或者荃灣返美孚其中一個方向會兜大圈趕客，同埋依家美孚係有客上落。
而停美孚本身已經用多咗時間，跑西廊就會得返少過 10 分鐘優勢。
而茘枝角站、長沙灣客其中一個方向亦要兜大圈，而本身長沙灣道就唔算好多塞車位，最多都係大南西街枝燈慢少少。
當然你仲可以拆兩條深長茘線，一條荃景圍一條西約，不過咁樣拆對於兩個區域都會各有一個方向唔方便 (兜路或者要轉車)，咁不如唔好改。
最後純個人意見，如果拆三條線，我寧願一條係行完西約荃景圍楊屋道然後特快落尖沙咀去黃埔，順便食埋 39A 抽車重組。

tonychow 發表於 2018-11-1 13:56
青沙大循環出現，除咗道路網設計之外，仲有個原因，就係比較少唔順路出現。
特別係 286X。如果我想由大圍出 ...

冇話大循環一定要多跑一段公路
而家西約/荃威去到太子都係30-40分鐘嘅事，喺附近搵路調頭做番回程咪得
好似24/27/213D咁樣

如果堅持要改快少少，一係就長沙灣道->東京街->通州街->西廊之後選行砵蘭街+汝州街或者上海街+旺角道/弼街+彌敦道返回入荃灣原線
不過去西九龍中心會兜遠咗或者要麗閣落車行一個路口

Ricky403 發表於 2018-10-31 13:30
點解一會出現呢
係因為一直以來九巴都好少主動改線，改得線，一定有某些被動因素，可能係蝕錢，可能係新 ...

接受現實啦，而家條 30X 九巴係唔會再搞架啦，
我就覺得既然都係衰就唔差在衰埋去。

繁時留返條 230X，摺左條 30X 去吧啦，
取代 30X 方案就係拉直 39A，39A 改行大涌道+ BBI 234X（呢個未就係以前九巴想做嘅野囉），
頂多 230X 開下繁回程，擴展至上下繁服務（類似 934 個種模式），至後減到同而家 30X 同價就將 30X 歸西啦。

既然 30X 都係廢線一條，當荃景圍冇左條廢線之後就夠哂 power 要求條東九線上山。
換句話講，拎條廢線換條有用線返黎，唔係冇得諗。

miklcct 發表於 2018-10-31 08:13
而家就係要喺39M 34M轉鐵到搶返客返來，咁咪要改兼拆線同條鐵鬥快先得

又或者根本老九就係唔想搶呢兩條 M 線客仔。

之前有啲資深板友都分析過，做 M 線成本又低，回本快，根本好做過 X 線多多聲，
尤其 30X + 234X 呢兩條極品左塞右塞，用車又唔係低過人，
反之兩條 M 線，尤其 39M 用車少但係常滿，雖然有大量 BBI，但係真係密食當三番 ……

都係個句，老九要搞，神早搞左又何需我同你去粗心。
講黎講去，234X 老九只係比返個最基本嘅服務質數落去，而 30X 佢都好似費事做咁款，做到不知所謂。
好明顯就係老九根本冇興趣再去搞 30X，就算 234X 我都唔覺得佢幾有心去做。

AVD1 發表於 2018-11-1 15:27
又或者根本老九就係唔想搶呢兩條 M 線客仔。

之前有啲資深板友都分析過，做 M 線成本又低，回本快，根本 ...

老九係唔想做荃葵生意嘅，唔該交返啲線出來，俾其它公司做好去分流條鐵。

老九將成個葵涌山區搞到不知所謂，936搞到成條臭蟲咁；西約嗰邊934呢啲標準通勤線又走去開非繁載空氣，開特快都唔係咁開啦，市中心特快先做得住非繁架（978咁成功係因為有上水）。執靚條234X玩美孚轉車站對自己又有利，做好BBI轉40去東九龍不知幾正。

miklcct 發表於 2018-11-1 15:53
老九係唔想做荃葵生意嘅，唔該交返啲線出來，俾其它公司做好去分流條鐵。

老九將成個葵涌山區搞到不知所 ...

其實認真，將成個荃葵啲線 (全部十位係 3 同 4 嘅線，包括全部東九城隧青沙線) 揼哂出嚟重組競投，未必係壞事

但政府多一事不如少一事，應該唔會咁做

我而家唯一可以做嘅就係喺自己知道嘅範圍下，如實反映脫班收車問題，等九巴喺政府面前條數難睇