非繁新東過海線速度討論

HM3044 發表於 2018-11-29 18:09
最實際係公主道由培正道橋底開始，劃巴士專線去到理工彎位！

你依個建議對巴士當然好,但一來唔多巴士經公主道去紅隧,
將原有東隧/西隊線改行紅隧增加巴士專線使用量又不切實際(明年起巴士過隧道都免收費啦...)
另外公主道真係有好多其他車用緊,貿然將南行3線變兩線,
康莊道去紅隧兩線變一線,真係會玩死班司機

反而我覺得,下繁東隧大隧勁塞車,373返上水可以改行紅磡+獅隧

浸大小晴 發表於 2018-12-1 00:44
無錯,公主道係多車用,但6成都係過海,4成落尖咀
不嬲都係得快線落尖咀, 靠右行係無影響
影響最多都係過海 ...

我睇番113,170,182早繁最密時段分別係8-16/20/12-15,3條線加起來,
連埋旅游巴,可能在繁忙時間最多都係1分鐘得一架使用條巴士專線.
而依個建議係立刻將公主道入紅隧既其他交通工具流量減50%如果咁都可以改巴士專線,其實紅隧入口,東隧入口,彌敦道,大埔公路沙田馬場對出,更應該改為巴士專線

實際上,公主道出紅磡、尖咀、紅隧果個路口七國咁亂，
再加上近愛民邨既油站注定公主道有段慢線要比私家車(果段路塞車問題最嚴重)

就算想劃條巴士專線,都好難劃一條完整的巴士專線出黎,
如果有條巴士專線,而堆車要係公主道南行出口要瘋狂切線去各自的目的地,到時巴士都要被塞車囉...
真係見唔到依個建議的可行性係邊

如果認為只做沙田來往中上環金鐘非繁時會客量不足嘅，咪繼續170/182、280X轉西隧線處理而家過海需求
唔係就不如進取到底，既然行紅隧西隧都唔夠快，不如博行西隧乘客觀感比較好，始終西隧非繁唔塞車，中灣繞通之後中環都會塞少啲
F1版其實係出現過行青沙西隧中灣繞嘅沙田港島東線