建議隧巴 302 全日，重組 601P 619 641

10598C 發表於 2018-12-3 17:03
例如啱啱我睇港澳碼頭返寶達走線，佢淨係顯示起點同目的地，比私家車走線你睇，冇任何路點顯示

(BTW佢叫 ...

因為超過一位版友表示手機版地圖有問題，所以都係加返路線截圖：

302 往中環：



302 往慈雲山北：



---

311 往中環：



311 往寶達：



---

319 往中環：



319 往順利：



---

641 上繁往中環：



---

141 下繁往彩福：



---

621 下繁往上秀茂坪：



按：
1. 全部路線往九龍停德輔道中皇后像廣場，不經遮打道，地圖未能顯示
2. 302 及 641 往港島經德輔道中西行，不經皇后大道中，地圖未能顯示
3. 302 往港島經彩虹通道，不經龍翔道，地圖未能顯示

99MAN 發表於 2018-12-3 23:19
101X飛到皇后像廣場嘅我唔反對佢停九龍灣。

你呢D簡直係反客為主，搵條唔入西區既過海線停九龍灣就叫做補償左，
你連 101X 到底做緊咩客都未搞清楚

上繁可以企人甚至頂閘過海過九龍，過左九龍灣之後得返小巴客量；
下繁離開淘大果陣分分鐘 16 座小巴都仲有空位剩，停完九龍灣之後九巴班次可以坐滿甚至企人，
新巴班次都可以有成 70 個客過海

停皇后像廣場明顯係要做上繁九龍過港島返工客，針對加站前上繁過港島客量欠佳問題，
下繁亦唔係無人呢個站落車。
你就偏要九龍灣同皇后像二揀一，非整死條線不可

S3BL100 發表於 2018-12-3 23:47
你呢D簡直係反客為主，搵條唔入西區既過海線停九龍灣就叫做補償左，
你連 101X 到底做緊咩客都未搞清楚

支持下繁飛皇后像廣場，對西區客快D，觀感好D，皇后像廣場又唔係多人落車

1. 幾條路線（302、311、319）都採用南行東隧、北行紅隧走法，其實幾聰明，畢竟而家下繁東隧真係唔太開胃（特別如果唔係由北角上東廊打尖的話），反而紅隧北行只要飛走紅隧站（即跟182X），真係可以仲快去到東九龍。

2. 反而較失望係不論311定319，都無梳理、改善九龍區走線（特別係南行，大致上都係跟返601、619）。
我覺得呢到係可以作更大改動，例如619X、311同319之間，係上繁以外（即例如9am-12nn）係咪可以四順 + 秀明道 + 藍田站呢？
一來班次可以密少少；
二來對秀茂坪有快車去東隧同港島，至少唔需要下下都兜落曉光街同觀市；
三來對四順來講，車程依然比而家619有著數。

3. 比較細微的問題，係因為堆302、311同319九龍區走線，兩個方向都幾大分別，都算係做緊唔同的客（例如九龍灣商貿區南行坐302，北行坐311），會唔會令到乘客好混亂呢？

99MAN 發表於 2018-12-3 20:19
一、醫院。
二、郵輪碼頭冇船過海，旅客唔駛玩？
三、改善總站空置率嚴重及交通不便問題。

一，醫院唔係郵輪碼頭裡面
二，中環灣仔有乜嘢玩？最多咪得個蘭桂芳
三，需求大既就大把路線改入去，但係而家由頭到尾都係得小巴，5R，22，無乜嘢誘因吸引巴士再開線或拉線入去囉
四，你自己都識講出面先至有客，咁拉入去郵輪碼頭做乜？貪油費平？
五，路線蝕住正正就係郵輪碼頭問題囉，裡面又冇大型商場，又唔係好多船停喺果度上落，梗係蝕啦

neoplan720p 發表於 2018-12-4 10:48
1. 幾條路線（302、311、319）都採用南行東隧、北行紅隧走法，其實幾聰明，畢竟而家下繁東隧真係唔太開胃（ ...

反而較失望係不論311定319，都無梳理、改善九龍區走線（特別係南行，大致上都係跟返601、619）。
我覺得呢到係可以作更大改動，例如619X、311同319之間，係上繁以外（即例如9am-12nn）係咪可以四順 + 秀明道 + 藍田站呢？

其實我個建議入面，係包括左 619X 來回延長服務時段，
港島方向尾車中午十二點，新增時段每 20-30 分一班

可以考慮新增時段港島方向繞經秀明道（回程就不了），但要留意同 601 有無時段衝突

但 311 319 南行走線我覺得好難再搞，除左要照顧牛頭角、觀塘巿中心沿線外
更要照顧埋山腰地區，例如樂華、曉麗、和樂邨；619X 走線就做唔到呢樣野

而山腰地區如果無 311 319，非繁同回程就只能夠坐 601/P 619 慢碌，601 今日仲要金鐘止步。
考慮埋山腰駁鐵配套其實唔見得好過山頂地區，
我會認為 311 319 比起只做 619X 一類走線，先係令更多人有得快

而因為今次開左 311 319 全日，619X 亦唔可能加太多班次，今次九巴已經部份時段要加兩部車落去。
畢竟觀塘過海線而言，資源比起客量係局限班次既更大因素。

至於九龍灣同觀塘巿中心來回坐唔同路線問題，其實都係睇下點宣傳姐⋯

kmb71k 發表於 2018-12-4 21:25
一，醫院唔係郵輪碼頭裡面
二，中環灣仔有乜嘢玩？最多咪得個蘭桂芳
三，需求大既就大把路線改入去，但係 ...

其實如果其他路段真係咁多客既話，九龍灣 megabox 到郵輪碼頭果段路
係唔足以令到條線由賺變蝕，最多咪當搵位擺車囉

但佢建議最大問題，係未搞清楚 101X 做緊咩客果陣就先幫條線倒走超過一半客，
打算用條唔到西區既 141 就可以取代左 101X 既功能，
而今日 641 因為慢同塞車，比起往日已經倒走左本來唔少既九龍灣放工客（我上兩個月數過）果陣，
仲要倒行逆施，搵條行下路既 141 去做九龍灣，嫌未倒夠客

而佢一直係無 justify 過點解要咁樣重組

S3BL100 發表於 2018-12-4 23:09
其實我個建議入面，係包括左 619X 來回延長服務時段，
港島方向尾車中午十二點，新增時段每 20-30 分一班 ...

一、贊成619X延長服務時間，至於咩時段、咩方向入唔入秀明道，可以再傾。

二、當初我諗的九龍段方案（先唔理港島段走線），係有三條全日線：
(a) 山頂（四順 + 秀明道 + 藍田站）
(b) 山腰（三彩 + 樂華 + 聯合醫院 + 和樂邨 + 藍田站）
(c) 平地（彩雲 + 淘大 + 牛頭角上邨 + 喜雀樓 + 觀塘市中心 + 藍田站）

當初咁諗，目的都係盡量將山頂地區，免受觀市塞車之苦（當然619X回程，都可能受將軍澳道塞車影響）；
而山腰地區咁夾，係想三彩有全日東隧車之餘，而樂華都可以有合理車程的東隧線。
但死位就係曉光街無左全日東隧車，結果被逼作廢。

我都認同如果要顧及哂所有現時的山頂、山腰同平地地區，都幾難係九龍段再重新劃線（而又有合理車程）。

三、有左ETA後，其實我覺得係方便左巴士公司拆線。
所以我覺得311同601；319同619甚至619X並存係無問題。
以前會覺得，咁樣拆線後，條條都20-30分鐘一班，睇落都唔開胃。
但如果而家可以睇住ETA去等車（只要唔係九巴App成日都「安排中」的話……），咁班次的因素就會細左好多，反而車程點樣盡量縮減，就會變成主菜。

四、我本身唔反對302、311、319唔同走線的玩法，純粹係驚班盲毛唔睇指示，坐錯車之後又惡人先告狀，變成擂台

neoplan720p 發表於 2018-12-5 10:18
一、贊成619X延長服務時間，至於咩時段、咩方向入唔入秀明道，可以再傾。

二、當初我諗的九龍段方案（先 ...

其實九龍段仲有一個問題，就係條 619 有唔少九龍內陸流水客，兩個方向都係

而佢地數目不能忽略，港島方向日間基本上每班車都有人安基苑/牛頭角上村/創紀之城落車，
順利方向更加唔使講，牛頭角下村有唔少買餸客

23M 同綠小 48 係替代，但唔能夠完全取代，因此 619 九龍段無得搞，就算 619X 延長服務時間都要留低，
而且現實係兩巴都無咩誘因放棄呢班客

當然港島都有唔少內陸流水，但對比起九龍果D，替代品不論數目定質素都較佳，
加上另一誘因係縮短換取唔過鐘，所以港島段要拆要縮相對容易

neoplan720p 發表於 2018-12-5 10:18
一、贊成619X延長服務時間，至於咩時段、咩方向入唔入秀明道，可以再傾。

二、當初我諗的九龍段方案（先 ...

619X可以諗下cut走藍田、警署等站，行啟田道、連德道等直去秀茂坪，可能唔駛咁受將軍澳道影響