[6/1/19 Update] 230 荃威花園-尖沙咀東 (經麗城花園) 相關重組

castanopsis 發表於 2019-1-2 12:46
楊屋道部分住宅區離西鐵站絕對有距離三寶班客去西鐵站既距離，拍得住麗城
如果落尖沙咀quota有限，只可以 ...

一組重組要多贏，唔能夠以一個區本位去重組
而係要考慮每一個區最想要既嘢，然後盡量滿足各方需要

但同時亦唔好做一D已知會幾乎一面倒反對既野，或者燒埋隔離區果疊，咁已經唔係叫做多贏

同埋有其他選擇既前提下，如果有兩個方法做，效果相若，但其中一個方法受影響人數少好多，一定係揀影響少、規模較小既方法去做

我諗你（同埋呢度部分站友）既問題係，好鍾意將一堆唔關事既野炒埋一碟，
而本來係可以拆散幾組做，而同時拆散去做既效果唔見得真係差過撈埋一齊去搞，
甚至好多時你既方法係製造緊更多問題

大部分地區都唔 buy 將全部野推倒重來，或者將太多區份捆綁一齊處理，搞得有幾大得幾大

至於楊屋道，不幸地唔會係首要優先處理對象，係都搞左真係最不便既荃景圍先。
如果因為尖咀 quota 及/或其他原因，搞唔到旺角特快，我會選擇放棄

而上面 Ricky403 兄提到 230 後再拆 30X 230X，
我既角度係如果搞到一條一粒鐘一班、一條半粒鐘一班，
不如唔好搞，反正荃景圍大涌道直出再掃落旺角，唔慢過經楊屋道再特快出旺角好多

castanopsis 發表於 2019-1-2 13:40
一次回曬你兩個帖

先講荔景九龍

我唔係好清楚深井人搭車習慣，但如果我喺深井出發，唔介意價錢 (52X 轉鐵都唔係好睇價錢)，尖沙咀我會搭 308M，南昌再轉西鐵。佐敦可以柯士甸出，又或者 962B 轉 970/X/971。後者轉車觀感係唔好，同埋貴，不過其實三飛落佐敦係疏車轉密車。

castanopsis 發表於 2019-1-2 12:29
30X雖然頹，但其實亦未至於無客
條線客量跌，原因係因為觀延搶走曬彌敦道黃埔流水同荃市黃埔客
本身荃景 ...

30X 果點，我覺得唔可以一刀切話乘客想要直車。我覺得仲可以分做兩批人。
1. 覺得一條線碌到落尾會好過一條線改快做油尖旺，另一條線做深長茘，去其中一大區要轉車，而部分區域用呢種走線係算成功 (例如 35A)。
2. 想搭巴士，同埋會等 30X，但如果 234X 到先而又有 BBI，可能會轉投，坐咗大半程先。
類於第二種呢，30X 一程過當然會舒服過轉車，但唔可以話佢地唔鐘意上咗 234X 先，只係心入面會覺得九記偏坦西約。但如果 234X 入埋愉景巴總，第二種人有一半 (山腳) 覺得有合理補償。
概念好難用文字形容，我可能要再整理下先，但個重點係覺得直車重要過特快轉車唔代表見到 234X 唔會上。

S3BL100 發表於 2019-1-2 13:51
但同時亦唔好做一D已知會幾乎一面倒反對既野，或者燒埋隔離區果疊，咁已經唔係叫做多贏

同埋有其他選 ...

坦白講我唔知我算唔算你口中果堆站友。
我個做法係，特快線新界段點都要行最少兩個區，先會夠客上公路。
所以一重組，好易會四五個區一齊搞。
講返車源問題先:
我覺得茘景山，依據 castanopsis 版友做法，會有好多車剩。
所以呢:
30 5 架車，3 架放落荃景圍，2 架加落 32H。32H 撤出葵盛變返合理走線，拉落美孚開，做雙向分段同 BBI，上埋麗瑤同祖堯，經沙咀道同大河道北上象石，合共 4 短車，視乎最終行車時間，開 30 或 45 一班。原本 2 架 AVC 倒落 32M，變返兩架長雙。
45 46 取消，有 13 架車。當中原 32M 有兩架長雙，所以 6C 加 4 車，最多 2 架會係短車。當短車不足時，先再喺其他廠掛版車調動，例如 15A。
6C 加完車之後仲有 9 架，其實已經好鬆動。
如果按照 AVD1 版友所言，32 食 33A，而且象山有位可以做總站的話，用 9 架車跑，32 7-1=6 架車就會多咗出來。
之後其實已經可以做到好多野，例如如果路況許可，可以用返 45 果堆短車做我之前講葵盛 -> 葵涌邨 -> 葵涌道 -> 麗瑤 -> 大窩，經呈祥道、大埔道、界限街，再行窩打老道落何文田，再入紅土，又或者行歌和老街、窩打老道亦係可行走線。葵盛雖然無咗條 32H，但多咗條九龍中路線，亦有機會滿足到新區紅土線需求，麗瑤亦唔需要同紅線橙線鬥快。
以上加埋有 15 架車，開完上面條線，仲可以開多條我之前提過的梨木樹 -> 新區 -> 大窩口 -> 佐尖。
至於荃景圍多咗 3 架車，如果 234X 縮線減 1 車 (入愉景巴總時間用兜荃市抵消)，30X 微調走線同班次減 1 車，34M 減 1 車，我之前講 39A 同 38A 合併亦有機會減 1 車，最後已經有 7 架車，不但可以開 230，30X 亦只減 1 車，荃灣市亦唔需要同 234X 爭食，整體觀感唔差。

S3BL100 發表於 2019-1-2 13:38
33A 最唔似樣但同時楊屋道整體配套好過荃景圍唔少

同埋 30 拉直唔見得係荃景圍楊屋道特快既前設，亦無 ...

同埋 30 拉直唔見得係荃景圍楊屋道特快既前設，亦無可能過到荔景山一關，
除非你同時加車補返 30 做緊既位，但到時會變左同直接由 30 減車無分別

我留 30 但兩邊斬短，愉景新城 - 美孚循環，新都會後直出美孚再上荔景山返原線，
半粒鐘一班已經可以減兩部車，
配合埋 39A 改路，又可以減多一架

又或者，30+32H 重組，兩條荔枝角至荃灣沙咀道之間同路，
飛起葵盛（係唔知過唔過到佢地一關），各自一粒鐘一班，都有機會過到荔景山，又可以慳三部車

三部車倒返落 30X，再蛇轉正，已經可以做到 30X 半粒鐘一班，
再加大家都好想要果條楊屋道特快 230X 大部分時間廿分一班

唔好又講話咩有小巴又或者可以 265M 269M 加雙向分段，過唔到就係過唔到。
你堅持荔景山可以咁搞既話，我建議你諗定 contingency plan

講真，現時30既客量已經係可以直接取消既級數
作為一條流水線，每日總客量仲低過得一水客既692一大截，點留？
人地隔離條38A有用過30好多都不斷話要cut，接近全線獨市既251M都縮到得早繁幾班
30全線全部有小巴/巴士替代，拉直之後仍然做得返荃景圍<>葵興芳，真係有咁大阻力？

Contingency plan可以有
但以30咁既情況，用M線雙向分段/轉乘去闖關係值得一試
唔得既，32H is your friend
政治係妥協既藝術，一個方案唔得推第二個，第二個唔得推第三個
如果你連30拉直都覺得好大機會過唔到
你最近幾個建議入面荃市<>長深荔無服務、觀市<>太古無服務、彩雲<>港島東無替代
又使唔使contingency plan？

講到底，唔符合你心意既，就話有阻力唔可行
然後自己堆方案有同等級數既問題，就當睇唔到
點可以咁架.......

S3BL100 發表於 2019-1-2 13:51
但同時亦唔好做一D已知會幾乎一面倒反對既野，或者燒埋隔離區果疊，咁已經唔係叫做多贏

同埋有其他選 ...

燒埋隔離果疊，同滿足各方訴求，有微妙既分別
前者以一個區本位思維去做重組，只係想解決一個區既問題，不惜犧牲隔離區利益
後者係顧全大局，同時滿足各區想要既嘢

唔知你記唔記得，我個方案，雛形固然係以荃灣做本位
但家陣個方案，係以何文田/荔景山本位思考既時候砌出來
呢兩個區，各自攬住一堆25/30分鐘一班既廢線，好有需要重組
30拉入何文田、45/46換6C，係想解決何文田同荔景山網絡存在既問題，而唔係為咗抽資源俾荃灣
我個方案，係想達致多贏，唔係為咗解決一個問題而不惜燒埋隔離果疊

當然我認同重組規模大係會影響可行性
但30X/234X得23架車
西約尖咀話要特快，荃景圍又話要拆線，楊屋道又話要旺角特快
同時西約荃景圍大涌道出長深荔要做到班次唔好跌穿20
你唔放大個重組規模，單憑區內資源，十個煲五個蓋，寸步難行
結果堆建議唔係一事無成，就係搞到30分鐘一班/60分鐘一班
而如果要做到嘢又要合理班次，最後又係隔離條線減班收車去埋單，咁就真真正正“燒埋隔離果疊”

我放大重組規模，透過解決荔景山/何文田問題釋放資源
就算最後荃灣一事無成，都至少唔會傷及無辜，同時解決咗兩個區既問題
有何不可？

tonychow 發表於 2019-1-2 14:37
坦白講我唔知我算唔算你口中果堆站友。
我個做法係，特快線新界段點都要行最少兩個區，先會夠客上公路。
...

整體個重組係可以
不過時序上，將32H拉出葵盛嗰陣，應該同時要比到甜頭佢地

問題係九龍中唔算得啲咩旺區
九龍城廣場一帶其實規模好細，直車去嗰度起唔到啲咩作用，道路網問題又好難快得起
而新蒲崗，工商業活動較多但38/40鑽石山站都擦邊做緊
土瓜灣下路就分分鐘美孚轉屯馬仲着數
葵盛葵涌邨如果要開條到旺區嘅新線，最合理似乎亦都會係尖沙咀特快，亦可考慮拉入紅工

梨木樹無交過車出黎，咪天降資源俾佢地啦，同石蔭石籬一齊執啦......

castanopsis 發表於 2019-1-2 17:58
燒埋隔離果疊，同滿足各方訴求，有微妙既分別
前者以一個區本位思維去做重組，只係想解決一個區既問題， ...

6C換45/46望落好似係幾好嘅做法
但既然你話係可以縮皮，又同時解決佢地交通問題，點解九巴唔做？
我諗到幾樣野：

• 由荔枝角總站吉車經祖堯來回麗瑤，需時幾耐？
• 九巴會有足夠低排短車？唔好忘記6C經基榮三角
• 荔景山有得要6C，係咪就會放棄45/46？46深水埗做荔枝角道海壇街，6C做青山道大埔道，唔到喎
  

你嘅建議，新嘅思維同構想好多，但當中值得去反思點解咁耐以黎一個都出唔到嘅原因都好多
我相信你都睇到，S3BL兄批評你取消45/46+30拉直呢個位係猛烈過我將30X減到部分時段最疏30/60
因為我係有算盤，如果荃景圍唔buy 30X社會責任+山腳轉234X
咪修訂方案將佢綁埋30/39A重組，30縮走減兩車，39A改擺荃威花園減一車，加39A/39M往荃威免費轉39M往荃灣站
234X唔駛經愉景新城總站，就減多1輛車
咁樣30X加到10輛車用 (7正3蛇)，除咗繁時班次外可以接近維持不變，繼續開基本20分鐘一班
可唔可以飛得走大河道同死亡交叉就後話，呢方面各方喺荃灣區議會拆掂佢啦

castanopsis 發表於 2019-1-2 17:28
講真，現時30既客量已經係可以直接取消既級數
作為一條流水線，每日總客量仲低過得一水客既692一大截， ...

30減到30分鐘班，大部分議員都ok
但同時叫九巴唔好擺單層落去
我會質疑，而家30個客量真係差到60分鐘一班都唔抵留？
你呢頭話91/93小巴有吸引力搶走哂30啲客，嗰頭又話96/96C/96M駁西鐵唔吸引上唔到車
有冇足夠證據證明到上述情況真係出現？
將30縮短改循環，或者唔好改荃灣總站，直接改到32H經戴麟趾，30同32H聯合班次，已經係好好嘅做法

你用692黎類比30，真係多謝哂
692有社會責任成份？
北角要搭佢去將軍澳醫院睇病，搭692嘅都係老人唔行得落鐵路站嗎？
30同692完全唔一樣，況且692係夾硬攞將荃挾住佢地而取消
事後仲搞到將荃因為要同時滿足觀塘同將軍澳而拆做290+290A，無得咁比
你唔滿意692取消唔緊要，唔好發泄情緒落荔景到，人地區啲老人無辜㗎

無錯，減班減到30/60或者會令人覺得不如唔好勉強留條咁嘅線
但由有變冇，同削班次，係兩種程度嘅事
至少由區會反應去睇，只會唔係一堆減減減，減班抽車開新線，好多區議員都肯同你傾
經過6D/40一役，一玩改快、改途經、飛走，或者取消等等，即刻一哭二鬧三上吊咁講條線有幾重要
(當然，6變6X再取消呢招溫水煮蛙就work咗啦

castanopsis 發表於 2019-1-2 13:40
一次回曬你兩個帖

先講荔景九龍

荔景上一帖回咗你
呢度你自己都識講荔景無咗何文田直車，要靠轉乘補償
想幫都幫唔落啦
或者人地就係唔介意疏啲車換黎通達啲呢
留意下某位新區站友，佢之前係反對33A縮到美孚做接駁線㗎

再講深井
你計52X時間嗰到，請問你有冇留意過52X個站喺邊，西鐵美孚站又喺邊呢？
我當你10分鐘行到去，你所謂嘅「15分鐘時間優勢」，就得番5分鐘，哦
而呢班客就算捧下九巴場搭52X出去啦，都係$9.6，9.6 < 10.8，係咪先？
更加唔好講返深井，52X美孚上車，分分鐘企返深井，234AB總站上，唔慢好多但有位坐，點解唔揀後者？

不過無論點比較去邊度轉車方便啲去邊度轉車無咁方便，最好都會係一程過啦
我至少相信呢樣會係共識

而48P講真同而家234AB轉49X真係爭好遠？咪又係10分鐘
全日48P，要深井青龍頭出哂車，又係好唔公平
如果條48P全日要抽車嘅，麻煩48X先出一半，之後先再考慮火炭同深井一齊籌車
但其實後面兩區本身資源已經夠少啦，48P又唔似得234E會入九龍旺區，放過佢地啦