[6/1/19 Update] 230 荃威花園-尖沙咀東 (經麗城花園) 相關重組

castanopsis 發表於 2019-1-2 17:28
講真，現時30既客量已經係可以直接取消既級數
作為一條流水線，每日總客量仲低過得一水客既692一大截， ...

Contingency plan可以有
但以30咁既情況，用M線雙向分段/轉乘去闖關係值得一試
唔得既，32H is your friend
政治係妥協既藝術，一個方案唔得推第二個，第二個唔得推第三個
如果你連30拉直都覺得好大機會過唔到
你最近幾個建議入面荃市<>長深荔無服務、觀市<>太古無服務、彩雲<>港島東無替代
又使唔使contingency plan？

「一個方案唔得推第二個，第二個唔得推第三個」，我諗你最後出到來的方案
都會同今日變相留 30 兩邊縮短，保留荔景山沙咀道全日半粒鐘一班，唔係好大分別

但一開始就推一個已知地區會好大反對既方案，之後再改，
等同浪費時間。點解唔係 Day 1 就針對已知限制去設計方案，效果唔差之餘又盡量增加過到既機會？

巴士重組唔屬於一D必須要堅持某D崇高原則毫不退讓的政治問題，我地做既係 problem solving

至於你將 30 取消同埋荃巿深長荔無服務、我隔離建議觀巿太古倒落鐵、彩雲港島東無替代，
我覺得唔可以類比。
荃巿深長荔一段係令 30X 觀感差既原因，觀巿太古亦係令到 606 觀感同行車時間差既原因，
而且兩者都有相當合理既替代。
彩雲港島東更加係一換一，合理推算地區係會過到，至少 606 係佢地換線既籌碼。
但 30 做緊既荔景山？鐵路不能直達，又係做緊班老人家，
老人家從來係改線最大居民阻力源頭，人地又真係有需要，
有其他方法既前提下，真係唔好拎佢地較飛

castanopsis 發表於 2019-1-2 20:13
可能我上面表達得唔好
我係話96/96C/96M三條線多數人都係見車就上，唔會死等一條
你話好多人會等96出西 ...

問題係，即使你可以成條取消30，咁剩低用車點分配呢
荔景山大大話話唔係無支持過30，但30取消後，剩低嘅車荔景山要咗，都唔知可以倒去邊度
但你整走咗30，又唔還番車比荔景山，人地實嘈你

荃景圍當年30/39A算係幾好嘅改動，但唔綁住其他新增資源嘅重組，人地咪搬瑪嘉烈醫院去嘈你囉
政治上，路線唔係想取消就取消得，亦唔係想飛某個地方就飛得
取消路線，區議員一定會過問點解條線要取消、堆車將會投放落咩路線等等
早前38A成條取消，海濱一樣嘈，區議員直情提議一條行完38A路線到葵芳後上青沙入沙田嘅路線，亦即係而家38B
固然X線站友好不滿38A正轉蛇變相減平日晚上同假日嘅班次，但區議員見到兩繁資源上冇多冇少又收貨喎

所以話，減班抽車開新線，其實冇想像中麻煩，尤其當本身舊線唔係好嗰陣
好多區議員見到兩繁車數無減就話之你
荃景圍都試過了，30全日減一車+30X全日減一車非繁減一車，換得934A兩繁兩班車

如果因為客量問題而將30改循環，或者縮走荃景圍減一車，改循環減一車，荔景繼續攞住三架車
還番兩架車比荃景圍，荔景繼續有30分鐘一班30，阻力顯然細好多
荃景圍如果車數無變，30/39A慳出黎嘅車倒哂落30X或者再籌車開荃景圍楊屋道旺佐特快嘅話，相信區議員都會歡迎

Ricky403 發表於 2019-1-2 21:27
反正只要荃景圍30/30X/39A捆綁重組成功，30X就有至少9部車用，如果234X唔駛入愉城總站，更加係有10部車
只 ...

30X 問題，除左楊屋道外，另一個選擇係荃灣東。
荃富街係荃灣巿入面另一個巴士比較值得做既位。
如果 30X 回程跟 934A 停荃富街，去程跟 39A 美環街、綠楊去到悅來酒店後
左轉尚翠苑上德士古道，雖然時間同而家唔係好大分別，但至少唔係
兜得來做D無用既位，咁行都可以算係做左荃灣巿

而咁做既話，起碼回程荃富街、眾安街都有架廿分班返屋企，
39A 即時多左一種改法，荃灣西站經沙咀道天橋直上荃威花園，再原線落返西站，
同樣可以兩部車廿分班之餘，又唔使佔用荃威花園總站坑位

當然，對比今日行車時間無大分別，都係比大涌道直出慢，
但觀感好左，可以拉返幾多客回流，好難估。
始終荃景圍角度，大涌道直出，就算美孚掃落旺角佐敦都唔差

另外，我開始諗緊楊屋道甚至荃灣巿問題有無得獨立處理。
如果西站開，楊屋道直出公路，做類似 287X 循環，
30 分一班唔係用好多車，當然車從何來都係一個問題

S3BL100 發表於 2019-1-3 01:14
30X 問題，除左楊屋道外，另一個選擇係荃灣東。
荃富街係荃灣巿入面另一個巴士比較值得做既位。
如果 30X ...

30X做荃富街的確可以係另一個出路
不過嗰頭238S失敗過......

但934A做起到眾安街嘅時候，30X都可以入去一試
之前亦有人提議過改佢去行呢邊
咁做雖然去程站位會好差，但青公直行，或者觀感反而比屈入西樓角路再出大河道，然後屈番去沙咀道大涌道上公路好都唔定
934A上繁走線都唔多好，但荃景圍上客多30X好多，有230X直出嗰種級數

當然荃景圍就無得快，行眾安街同而家係一樣時間，搞完30/39A好似得到嘅就係條230......
好處係30X只係減一車，無咩點變，可能上繁拉疏少少，下繁減少少車時
234X又唔駛特登用3.5分鐘入愉景新城同加轉乘優惠，仲可以抽多一車去開230，荃景圍少抽一車
其實對於乘客整體黎講，簡單啲又似乎唔係無得諗
但前提會係，荃景圍同意30縮走削2，同時39A改擺荃威削1，呢3輛加30X削1籌4輛開230先

S3BL100 發表於 2019-1-3 00:39
其實你搞咁多野，最後都係

30 -3

先講 30。我理解你係講緊 #52 個方案。
個問題係荃景圍抽唔到 3 架車咁多。就算我係荃景圍居民，我都覺得咁做係揾茘景山笨。
依家 30 行緊 5 架車，如果總站放荃灣西，另一邊亦唔去長沙灣，4 架車係夠行 30 (班次)。就算唔理上新區同行青公觀感上分別，如果無其他補償 (例如 6C)，茘景山要死攬依家 30 走線，亦唔見得唔合理。況且茘景山真係唔會有咩人去荃景圍 (唔係講逆向瑪嘉烈)，學生就一早地底見啦，會唔會咁神心同你等半粒鐘 30。
另外其實仲有行車時間問題。我啱啱睇過 ETA: 荃威至名逸居用 15 分鐘，名逸居至新都會用 15 分鐘，新都會至華麗邨用 17 分鐘。睇埋 43，名逸居至新都會用 19 分鐘 (但兜咗葵涌邨總站)，回程運動場去尚翠苑都要 18 分鐘。
計計埋埋，荃威去茘枝角應該要 15+18+17+1=51 分鐘。我啱啱仲要係用上午 11 點計。萬一繁時沙咀道塞起車，2 架車都未必夠跑。

S3BL100 發表於 2019-1-3 00:39
其實你搞咁多野，最後都係

30 -3

另一個重組方向係象石梨木樹新區。呢條係另一條重組戰線。我之前提及過新區加茘景山開線，但原則上可以唔開住，只要有方法將多咗果堆車塞落其中一條線而唔係九記攞走就可以。
如果最後重組結果係 32 同 33A 玩合併，咁梨木樹無咗條 32，象石由疏線變稍為加班同埋行長沙灣道，開梨木樹新區佐尖係自然結果，因為本身咁樣重組法已經搞到 3 個區。
當然 32 仲有經東北葵，但我傾向東北葵自己搞掂甚至唔搞，依家條 35A 亦唔係話無人由頭坐到尾。

tonychow 發表於 2019-1-3 12:01
另一個重組方向係象石梨木樹新區。呢條係另一條重組戰線。我之前提及過新區加茘景山開線，但原則上可以唔 ...

因為有條 32 由石圍角掃到石籬，因此象石點睇都係關東北葵多過新區

況且道路網問題，大窩口道荃灣方向只能左轉德士古道，要跟 32H 去到楊屋道先有得轉返上去石圍角方向。
一係就葵涌邨繞場一周，健全街落返青公，再跟 32M 上象石，但走線同樣世界級

已經注定無乜可能 32 33A 合併

而東北葵加梨木樹象石重組，我會視為係一個已經有標準答案既課題
（可以望下 GW4866 兄既方案，我同佢既諗法得好少差別），
雖然 35A 而家仲有人坐足全程，但唔代表車程太長完全無趕客，
效率不佳已經係重組既理由。35A work 既話九巴就唔會開 35X 啦

S3BL100 發表於 2019-1-3 01:14
30X 問題，除左楊屋道外，另一個選擇係荃灣東。
荃富街係荃灣巿入面另一個巴士比較值得做既位。
如果 30X ...

回埋你提議嘅39A
如果時間夠，例如可以同縮短循環後嘅30跳飛機嘅話，我會prefer條39A行大河道出富華街再上荃威
西站一站返到港安似乎太快，我會擔心打到條230

至於楊屋道，其實你或我提議嘅33X都解決到大部分街市呢個站嘅問題
如果有車獨立拆條30分鐘一班類287X旺佐特快
真係不如加埋落30X嗰疊，比荃景圍有20分鐘一班楊屋道旺佐特快

Ricky403 發表於 2019-1-3 00:07
麗瑤同祖堯人口老化，本身又無快路出九龍
或者本身就無咁大嘅出行需求
甚至即使有都比鐵路食咗大部分

如果覺得麗瑤祖堯無需求
花13架車維持45/46呢兩條無效率既路線，係唔係浪費資源？
當用4架車拉6C上去，可以做到同樣功能，甚至做得更好既時候，係唔係應該做？

低排短車問題
基本上幾年前開始新買返來既車全部都符合標準
搵22架低排車行6C應該無難度

至於你話6F取消
條線最近先話想延長去海皮同新巴鬥搶新區客，要取消我估有難度
你話6C轉短車會影響6F取消，進而批評我個方案節省唔到車，理據好牽強......

我個原則好簡單，去重要既位，油尖旺深水埗之類，直車無可能有變無
但其他細位，如果轉乘做到密轉密，我覺得又唔差
當然過唔過到區議會係一回事
但原則上只要新30係做得密，用6C轉乘補位絕對可以接受

如果你覺得荔枝角道何文田真係要直車
可以留一條 長安<>荔景山<>荔枝角道<>何文田 線
只要唔好塞入旺角，甚至飛走九華徑（祖堯直落荔枝角道）節省時間，三架車已經夠開60分鐘一班
咁樣確保青衣荔景山仍然有直車，又得唔得？

留完一條咁既線之後
45/46/41仍然會有19架車剩，加埋30既5部車，會有24部車
14部車開新30，已經夠做全日10-12分鐘一班
2部車要補返何文田<>九龍城碼頭
最後仍然有8部車剩，可以派俾荃灣/青衣/荔景做佢地想做既嘢，呢度夠你另外開兩條疏車全日線

——————————

然後楊屋道問題
唔好轉移視線，你覺得無需要落尖沙咀，fine，我絕對接受到佐敦止步或者擺黃埔
但你話將33A飛葵涌道天橋就叫做處理咗楊屋道<>油旺，就絕對唔能夠接受
然後238X，車又唔係密，上完車重要碌長沙灣道，一樣係唔理想
要行，我估唔少人寧願行去搭紅小

講priority
我認同 楊屋道<>旺角 肯定會低過 新區大窩口<>旺角以南、荃景圍合理旺角線
但我覺得又會高過本身已經叫做有直車既 西約<>尖沙咀

你個239方案係勉強可行
但我仍然覺得荃景圍<>長深荔搞到變成60分鐘一班好樣衰

講到呢度，我再拋多一個方案出來——

232X 象石<>楊屋道<>西廊飛旺角<>尖沙咀/佐敦/黃埔
32    石圍角象山<>梨木樹總站<>葵涌道天橋<>長深荔
30X  荃景圍<>大涌道<>長深荔<>旺角<>佐敦
234X 西約<>大涌道<>長深荔<>旺角<>佐敦
230   荃景圍<>西約<>尖沙咀
237X  葵盛圍<>新區大窩口<>西廊<>旺角尖沙咀

33A行葵益路 (去程) / 禾葵里 (回程)，縮到欽州街，做返大連排<>長深荔
36A取消

咁做既話
應該無一條線需要上到30分鐘一班
234X應該要跌到全日20
30X無旺角特快分客，應該都勉強做得返20
234X/30X荃灣走線相約/九龍總站相同之下，應該可以做到幾好既聯合班次

至於用車，234X減4架，30X減3架，33A減3架，36A減5架，30/32H合併減3架
加埋有18部車，夠開232X同237X，但230就要額外籌車搞

S3BL100 發表於 2019-1-3 00:48
「一個方案唔得推第二個，第二個唔得推第三個」，我諗你最後出到來的方案
都會同今日變相留 30 兩邊縮 ...

交一份修訂方案只係幾個星期既事
點解唔直接試下過唔過到先？

你要明白，區議員好鍾意鑽牛角尖
無論幾好既方案，佢地都總會搵到漏洞
攞一個方案出來俾佢地鬧，鬧完之後讓步
至少可以俾一個假象佢地，令佢地覺得自己做到嘢，俾佢地一個機會掛下banner成功爭取

以30拉直為例
唔補償過到既，就當bonus
有反對聲音既，就下一份修訂加M線雙向分段，32H加一車入荃市兜圈
咁佢地至少同居民有個交代，話我地有做嘢，爭取咗A補償B補償

如果一開始就拋你個方案出去
佢地個重點就會foucs喺無車上荃景圍，班次疏咗等等
到時你就真係頭痕，因為你個package根本就已經無任何讓步空間