[6/1/19 Update] 230 荃威花園-尖沙咀東 (經麗城花園) 相關重組

少少個人諗法
930X都係環宇幫補客量(非繁起碼一半)
如果剩係做荃灣市就出去,會唔夠客

280X因為火炭堆樓唔近地鐵站,而東鐵去唔到西隧口/尖沙咀,回程彌敦道唔近東西鐵

荃灣係條件上都比較差

如果230全日開到20分1班,會好睇好多

但倒返轉如果開唔成230,我建議934單向轉280X去尖沙咀,加埋收10-11蚊

因為九巴應該都係想搞大934,其他野都唔想理(搞親都比人BAN)

kay 發表於 2018-12-23 10:13
少少個人諗法
930X都係環宇幫補客量(非繁起碼一半)
如果剩係做荃灣市就出去,會唔夠客

非繁愉景新城最多人、環宇寶石居第二

Ricky403 發表於 2018-12-23 06:38
你想建議叫234X/234Y一pair?

另一條你想叫返234E或者其他英文字冇乜所謂，主要係乘客搵完一個之後唔駛delete曬啲數字，再打過另一個數字

(例如打234搵左234X，㩒back制就可以出返234系，直接click入234E/Y嗰個版面，就唔駛delete左234，再打34搵34X)

我有三個唔係好客觀的觀感原則，睇下大家點睇:
1. 班次問題
講真 15-20 同 25-30 分別喺邊，我會話用 20 做底線。
有兩個考慮:

(I) 如果無 ETA (九巴成日壞 ETA，當然某版友話係人問題，呢個就後話，同埋如果係咁的話，我相信唔少版友都有問題)，會唔會死等
(II) 如果有 ETA，發現架車啱啱走，會唔會落地底算數。
用呢兩個考慮前提係有替代交通工具，而且時間價錢相差唔太遠，所以獨市位唔計。
30X 個情況，地底好明顯係合理替代方案。
(I) 呢，我覺得 20 遠遠容易等過 30。其一，假設 uniform distribution，而且唔考慮平均到站時間 (會受塞車影響)，平均等車時間係間隔一半 (10)。
10 分鐘，我覺得值得等，因為如果行落地底都要 5 分鐘，等列車 2 分鐘，10 分鐘地底只係去到 1-2 兩個站。
相反如果等 15，地底去到 3-4 個站，咁就差得有少少遠。深水埗 2 個站講緊茘枝角，4 個站已經茘景。
更重要係 30 分鐘，等車最壞情況係等 29 分鐘，呢個時間夠我旺角搭紅線返到荃灣，唔使喺彌敦道食塵。
(II) 呢，1 字頭時間同 2 字頭分鐘等車時間其實可以差好遠。我的習慣，除非好唔趕時間 (遊車河)，否則 10 分鐘內會照等，10-15 分鐘就睇心情 (例如想唔想行，想唔想平少少)，15-20 分鐘應該會考慮落地底或者其他交通工具，超過 20 應該走 (除非焗用轉乘優惠，有次朝早非繁 58M 轉 36A，去到送車尾，諗諗下見到架 61M，即刻跳咗上去，茘景落地底算數)。


2. 服務範圍問題
我會用鐵路站計。
30X 依家我當去到油麻地都係同鐵平行 (其實仲有佐敦，不過唔計住先)。
就算好似你咁樣拆完線，基本範圍不變，30X 講緊係 美孚 茘枝角 長沙灣 深水埗 太子 旺角 油麻地 7 個站，計埋黃埔仲有 8 個站。
相反條 230 計盡都只係做到 柯士甸 尖沙咀 佐敦 紅磡 4 個站，即係一半，仲要其實 30X 去程佐敦應該食得正少少 (近彌敦道)。
當然你可以話每個站人流唔同...咁深水埗、旺角都算係大站，非繁都唔少人。230 4 個站，得個尖沙咀算係旺區，就算計埋尖東/紅磡，覆蓋範圍都未夠 30X 沿線站位多。
況且依家繁時仲有條 230X，同埋 NR30 (雖然收得有少少貴)，230 只能算係半新服務，仲要收 $10，就有少少恰荃景圍了 (依家 234P 仲平過 230X)。
我唔能夠代表其他荃景圍居民，不過條 230 對我有用鐵路站範圍得尖沙咀，而 30X 起碼有美孚深水埗旺角。佐敦有無行街客，我唔清楚，大商店我都只係識永安，另外仲有一條我唔會去的廟街。
我承認 30X 係一條半頽線，但點先可以做到頽而不廢，保留合理班次係其中一點，所以有相當機會，荃景圍會死攬條 30X 唔放。
至於條 30，基本上縮落荃灣西減 1 車同全線取消，對荃景圍無分別。所以如果只係減 1 車，然後又抽 30X 車，咁荃景圍當然唔肯。如果你話 30 3 架車倒落 230，234X 縮線抽 1 架，34M 抽 1 架，30X 改線加小規模減班抽 2 架，7 架車倒落 230 已經可以開到合理班次，差在點同茘景山交代 (30 剩 2 架)，同埋以上條數未計蛇車。再唔係就同茘景山一次過重組，30 抽剩 1 架俾茘景山，然後 45 46 其中一條改快減車，夠拆一條線開 15 做葵芳至美孚茘景山 BBI 線。睇 ETA，30 葵芳至美孚要 17 分鐘，如果來回程行車時間 35 分鐘，開 15-20，用 3 架車都跑得少少勉強。最理想係呢條接駁線用 3 架車，然後 32H 由 30 加 1 架以延長去沙咀道，接駁線抽 46 2 架，送埋上西廊改快，甚至直接取消。

況且無咗條 30，大窩口 葵興 葵芳 茘景 都係我上面所講鐵路站覆蓋範圍入面，一次過無咗都有少少難搞。



3. 富華街問題
我都幾肯定唔會。其一，唔係所有人都行返去大河道以西。富華街站行去大河道以東，其實都算合理距離，不過大涌道行過去就有少少遠了。呢點亦係 40 美孚回程眾安街站位優勢，重覆過好多次，唔再講。
假設你由深水埗出發，目的地係荃灣千色店。依家搭 234X，都仲算合理步行距離。如果要喺大涌道落行過去，就算你俾個 235 免費 BBI 我，我都未必坐啦，仲要貴過鐵...當我搭鐵只需 17 分鐘，我由大涌道行過去千色店都應該要相當時間，你會唔會搭新 234X? 依家轉車仲可以 6D+40 ($8.1)，我唔知有無使用率數據，但我估應該唔高，一程車唔到市中心應該倒客。
最後我之前有提出過，如果真係咁想陰 30X，而又唔介意用多 3-5 分鐘行車時間，而又就到坑位的話 (例如 A31 條坑)，架 234X 可考慮來回程兜入愉景巴總，換半座荃景圍支持 30X 全日 30，吸引力同荃景圍對 930X 差唔多。

Ricky403 發表於 2018-12-23 07:03
如果翠豐臺連行去234X個站都唔肯，個個都係排樓下95A，咁其實係無一條巴士線會做到佢地
又或者，係而家嘅 ...

話又唔係咁講...
48P 就算行完一期就走 最尾都要入祈德尊 同滿樂先上大河道北

同埋 我承認係我講錯 但其實都有人由千里台 行落黎搭車
始終夠快 例如934 呢啲

234X 因為要行遠路 所以 其實都算少人由翠豐臺 行過去天橋個站
不過有時落樓梯都見到條隧道係幾多人行去麗城搭車 唔知係咪關事

Ricky403 發表於 2018-12-23 06:55
你可以爬番B2版文
最初 (我諗都成年前) 有一排FF過有冇可能搞尖沙咀特快
直到隔咗一排發覺好似對我黎講唔 ...

而家尖咀特快四寶
268B對正條鐵而冇命
269B冇8B傷得咁重但都係麻麻
260X靠西鐵兜大圈同做緊成個屯門所以冇事
280X其實見親都係客量一般般

要玩尖咀特快必定要本身有好大既客源base做backup
西約加荃景圍未夠級數
客源基礎太窄特快都未必有用

而大半程荃灣線雖然唔快
但唔使等車穩定做到半個鐘內返到荃灣站轉駁腳
其實未必真係挖到太多客

230班次反而我覺得唔係太大問題
30X先係出事位...

Snoopy@FB8617 發表於 2018-12-23 23:16
而家尖咀特快四寶
268B對正條鐵而冇命
269B冇8B傷得咁重但都係麻麻

可能D人見近年荃灣巴士大搞
又930X又934
咪覺得巴士可以做下
但好似上面兩條班次,非繁其實仲疏過914

同埋如果要數,仲有第5寶,已故6X
如果6X做得起,反而說服開230既機會大D

當然6X都有佢定線問題,但如果無西鐵情況下,6X呢類線都會做得起

10598C 發表於 2018-12-23 12:21
另一條你想叫返234E或者其他英文字冇乜所謂，主要係乘客搵完一個之後唔駛delete曬啲數字，再打過另一個數 ...

咁可以考慮叫234
好多西約人都將234X自動波改名做「234」...

Snoopy@FB8617 發表於 2018-12-23 23:16
而家尖咀特快四寶
268B對正條鐵而冇命
269B冇8B傷得咁重但都係麻麻

新西尖沙咀特快客量的確唔太好，但其實各自都有趕客位
268/9B客量低
根據一路以來好多站友嘅歸納、分析，都係因為價錢、時間同觀感三樣都唔夠爭出事
而家九巴出月票後，都有人話268/9B客量有回升
280X客量一般，某程度上九龍站去到聖堂呢段車時太長，有份趕走唔少客，車費喺穗禾打後又唔夠東鐵平，都幾影響去程客量
260X情況好好多，因為屯門部分地方離西鐵站太遠，輕鐵又太垃圾，而唔會買月票
喺呢個情況下，260X反而變咗做比較平嘅選擇，就算汀九橋、屯公間唔中黎下料，都無助佢地繼續保巴

我唔係某部分巴迷站友
諗建議點會無度過新線有冇客、舊線有幾大影響呢啲吖
230避開西鐵競爭力大嘅大涌道打，我唔係睇得太差，先荃景圍後麗城嘅安排亦係希望盡量麗城會通過尾站吸番些少唔想行嘅客回流

駁腳到荃灣站轉紅線？非繁都可以，繁時真係不了
排96B唔知要等幾耐，會唔會有車返唔切甩一兩轉燈，34M就穩定地慢，灣景到荃灣站，掛牌揸8分鐘起跳，通常10分鐘，有時被幾架96B喺荃景圍天橋同愉城爬頭，96B條龍唔算話好長嗰時，又會蝕章
234B三期個站，駁腳黎講係好差嘅位，我都肯行而又出尖沙咀嘅，喺冇230情況下，不如行埋去西站算數
況且車費，淨係紅線都收你$10.5，加埋駁腳上到$14
只要230收$10或以下，我認為就算時間無西鐵或駁腳轉紅線穩定，但喺價錢同觀感兩者上面都贏好多

以934而家收$18，非繁30分鐘一班依然有30人出港島去睇，我認為230處境比934肯定要好
唔夠客一說自然係唔成立
最大困難，都只會係因為配套太多改動而使某啲地區情願繼續死攬舊線

kay 發表於 2018-12-23 10:13
少少個人諗法
930X都係環宇幫補客量(非繁起碼一半)
如果剩係做荃灣市就出去,會唔夠客

睇過幾份930X客統
似乎非繁都唔係好靠環宇
更大程度係寶石同愉城救到唔少
當然，如果唔經環宇，就連嗰部分私樓客都執唔到

某程度上我都認為荃灣九龍西巴士冇咩優勢，尤其市中心
所以你可以見到我成個方案係放棄荃灣市中心咁劑
234X飛走，30X大減班，230唔經
將個重心轉移番去長期排駁腳嘅荃灣西約同荃景圍

6X嗰度就，我只係想講一句
呢類行多幾步有快鐵到嘅「特快」唔入邨點夠爭呢？
美孚轉乘就，轉一次車轉到快鐵到，做咩仲同你轉「特快」巴士呀
正如錦田都幾肯定出尖沙咀個個錦上路站，無人會轉268/9B
所以你話如果230唔work，用934>280X補
我會覺得要搭巴士出尖沙咀嘅都係會上番234X，搭開鐵嘅客亦唔會回流，其實轉乘係無用