建議重組隧巴 606 671 (606X 全日)

671早幾年提議過減剩兩繁兩班176特快，鑽石山渣都無得剩
換606返黎唔要嘅話，671遲早再被針對cut服務

不過以黃大仙區區議會嘅議政態度，又的確不能排除鑽石山同彩雲攬住一齊死嘅可能
反正9拉上彩福已經發生過一次
反正到最後，其實606/671對調九龍總站相信都係配菜，要就做，唔要罷就
有好野唔要，到時食咗屎唔好喊就真

S3BL100 發表於 2019-1-3 01:35
幾大場龍鳳？只係將 606 671 兩條全日線加埋兩味線 606X 重組，
最多再配合埋 608 宏通街加站，已經唔係 ...

606同671本身都係頹線，但各自獨市位，唔改動最好。當然我有主觀因素，自己去北角炮台山首選坐671，甚少坐116，係事實，但呢樣嘢同樣發生鑽石山、新蒲崗同彩虹的乘客上車。如果你咁想兩條線互補的話，倒不如直接將兩線在東隧口提供免費轉乘優惠仲快捷。

Ricky403 發表於 2019-1-3 03:11
671早幾年提議過減剩兩繁兩班176特快，鑽石山渣都無得剩
換606返黎唔要嘅話，671遲早再被針對cut服務

671再cut就變繁時服務，176只係在觀塘去南區係快咗，但唔係全日服務，其實都係損失。
不過，運輸署通常都會在鐵路啟用初期大執巴士線，但一過時間就唔會點理，改去搞新鐵路地區的巴士線，所以運輸署再改動671的機會好細。

671的客量在繁時仍然維高客量，港島去九龍坐滿至頂閘，九龍去港島就坐滿，只在非繁客量麻麻。

Ricky403 發表於 2019-1-3 03:11
671早幾年提議過減剩兩繁兩班176特快，鑽石山渣都無得剩
換606返黎唔要嘅話，671遲早再被針對cut服務

「黃大仙區區議會嘅議政態度」，淨係呢條 thread 都已經有個樣辦

不過咁，606 671 個 case，我覺得 9 拉上彩福果單有分別
（而 9 我認為仲有一個捉佢地心理既玩法，就係 9+9X，但離題太遠啦）

一來鑽石山係換線，唔係無補償；
相比之下 9 由彩虹道同黃大仙總站抽走，雖然佢地的確係好山頭主義，
但事實又係拎走之後無野直接換俾人，得 BBI 或者叫人行幾百米/坐其他替代品


二來彩雲同鑽石山都係屬黃大仙區，對比起彩福對黃大仙而言屬隔離區
鑽石山都可能會俾面彩雲。
反正呢個區好多時係同一個黨/社團支部夾好一份對 RPP 既回應，
地區層面亦未必有人願意做千古罪人，我相信 606 671 對調總站係有機會過到

當然，如果過唔到既話，劇本應該會同你所講差唔多，
606 拆線照做（係唔知彩雲無野交換下，對無左全日鰂魚涌太古車會有咩反應），
然後 671 陰乾，照樣掟入九龍灣商貿區，非繁可能減到一粒鐘一班

ricky 發表於 2019-1-3 10:04
606同671本身都係頹線，但各自獨市位，唔改動最好。當然我有主觀因素，自己去北角炮台山首選坐671，甚少坐 ...

你開舖頭做生意，日日蝕錢，所以繼續一成不變、日日燒錢係最好

606 日日小西灣入東隧口要至少九個字，兜走晒班潛在客源搞到唔夠客，
所以繼續一成不變，由得班客日日兜到 2046 先入隧道，或者走去坐其他交通工具就最好

鐵路通完就唔會點理巴士線？692 用左幾多年取消呢請問？
再望下隔離 B2 版，南港島線通左幾多年？590 又可以繼續維持現狀？
除非你覺得定線不變但瘋狂減班都係維持現狀囉

S3BL100 發表於 2019-1-3 13:47
你開舖頭做生意，日日蝕錢，所以繼續一成不變、日日燒錢係最好

606 日日小西灣入東隧口要至少九個 ...

606對咗九龍總站，港島路線又係咁兜，點樣改善到606呢？唔好將啲咁好嘢俾鑽石山先得架。

671搬站，鑽石山變成無巴士去北角、黃竹坑同鴨脷洲，根本唔使諗。
彩雲同安達臣自己開線過去你心中的銅鑼灣仲實際。

ricky 發表於 2019-1-3 14:33
606對咗九龍總站，港島路線又係咁兜，點樣改善到606呢？唔好將啲咁好嘢俾鑽石山先得架。

671搬站，鑽石山 ...

606 拆線後，606X 固然筲箕灣尾站，但 606 都會飛起鰂魚涌太古，
單程慳 15 分鐘，又有幾兜？

你鍾意攬住對鑽石山根本唔係主流選擇既 671 去北角同南區，結果會係同彩雲一齊攬住死；
如果彩雲因為換唔到更有用既野返來，而反對 606 拆線減班及/或飛起鰂魚涌，到時東區都俾拖累埋一齊死。
損人害己，兩巴下一步應該會繼續陰乾 671

利害關係，我同 Ricky403 兄已經同你分析得好清楚


至於你話彩雲同安達臣夾份開線，會增加繁忙地區車流，即係唔使開。
如果運吉批准安達臣開線過港島西既話，晨早開左

S3BL100 發表於 2019-1-3 23:47
606 拆線後，606X 固然筲箕灣尾站，但 606 都會飛起鰂魚涌太古，
單程慳 15 分鐘，又有幾兜？

唉﹗加乜線都係影響交通流量啦﹗借口啫。
606最兜係行耀東，反而我覺得鰂魚涌同太古城可保留，耀東cut唔到乜都係慢。
你的606X唔係鑽石山站起步，睇唔到佢與606有咩關係，根本就係兩條獨立線。

你鍾意點講就點講，但我只想講，606同671點調法都係繁時多人搭，非繁無乜人搭，得606X係先前係「最正常」的走線。

ricky 發表於 2019-1-3 23:55
唉﹗加乜線都係影響交通流量啦﹗借口啫。
606最兜係行耀東，反而我覺得鰂魚涌同太古城可保留，耀東cut唔 ...

藉口？你鍾意點講就點講，但改變唔到運吉唔俾你開新線入旺區既事實，
除非你相應減返其他旺區路線數目及班次


彩雲要有車過港島西，無論係銅鑼灣定中環，都係要拉舊線先得。
咁 111 我已經講過唔可行，671 係唯一夠時間拉上去又唔使加新資源既選擇

耀東有幾兜？望下呢條片先：

https://www.youtube.com/watch?v=FlMHZ4VsStI

東廊北角落橋 34:20，太康街/愛信道交界 48:45，
推算如果出隧道後直出西灣河，的確可以慳 15 分鐘

然後太安街筲箕灣道交界 51:50，兜完耀東落返筲箕灣道 59:35，
都係不過八分鐘時間。你自己再搵下其他筲箕灣道直去路線既行車片，
如果唔上山而直去，呢兩個 reference point 之間有無得瞬間轉移？
答案係唔得，沿路都要食燈停站，坐底都要用 3-4 分

就算你計埋東行因為要兜耀東而要入埋太康街太安街，呢段都係再加多約三分鐘落去，
加埋都十分鐘或以下，都係唔及鰂魚涌太古用多果 15 分

再望下九龍方向，今次我唔搵 606 行車片，搵條同樣民康街入東隧既 613 去參考：

https://www.youtube.com/watch?v=MLvoy264w6o

太古城道筲箕灣道交界 8:40，入東隧約 25:50。

如果係西灣河尾站，估計 8:40 轉入東區走廊，因此九龍方向鰂魚涌太古都係用多 15 分

再望下呢條片，606 阿公岩道到康怡廣場：

https://www.youtube.com/watch?v=Rqc7qnRI1g8

原來只係用左 11 分半，就算你唔兜耀東，可以隨意門瞬間轉移，慳到既時間都唔及飛起鰂魚涌太古

換言之，兜耀東只係用多 5 分鐘左右，根本你所謂「最兜係行耀東」既講法唔成立，
問題純粹係上山加落山既觀感問題，所以我同時 606X 全日埋，兩條梅花間竹班次

況且，鰂魚涌太古有鐵路替代，鰂魚涌更加轉少一次車，耀東無，
你已經唔使旨意飛起耀東而唔補償人

---

至於你話 606 671 非繁點都無乜人搭，呢個已經係可以改線既理由

講到好似改完之後非繁都無乜人搭，而無視客量潛在增長帶來的分別，另一個選擇就係陰乾囉

S3BL100 發表於 2019-1-4 00:28
藉口？你鍾意點講就點講，但改變唔到運吉唔俾你開新線入旺區既事實，
除非你相應減返其他旺區路線數目及 ...

當你今次解決到彩雲至銅鑼灣的交通問題，但佢地再要求去埋灣仔至上環，好似111咁行，咁你又點解決先？

606同671對調總站當唔係大問題，但你呢個方案仍未搞掂日後要求加經灣仔至上環的問題。